مريم قالت لي ، بسسسم الله دي مالا دي ؟
اختك زي مهبوشه ولا شنو !
قلت ليها علمي علمك ، كدي انا اتصل علي امي اوريها احسن عشان بالجد م رايقه لي مشاكل .. قالت لي حنونة انا بجد دايرة اسألك يعني ليه انتو بتعملو حستب لعبده ولامك و ما بتعملي حساب لأبوكي !
قلت ليها ، اااااخ يا مريم هو في زي ابوي ولا في حنان ابوي و لا طيبة ابوي ااااخ ، وحات الله يا مريم علي رغم من انه ما هو الولدني ، لكن والله لو كان لي حرية الاختيار في اختيار امي و ابوي بالجد كنت حأختارو ابوي ، يكفي اني عايشه اليوم بي فضله بعد ربنا سبحانه و تعالى ... م تقلبي علي المواجع يا مريم عليكي الله كدي خليني اتصل اشوف امي دي ..
عاينت لي بي خيبة كدا ولا نظرة ، هي م شفقه بس ملانه محنة ، بالجد يبقي لي مستحيل في وحدة تقدر تعيش من غير صديقه ليها تحسي فيها حنية الاخت والام ، زي علاقة ( سلوان و مروة ، متذكرنهم ؟ )
، المهم بقيت بتصل علي امي ،بيديني مشغول مشغووول ، لمن شكيت امي دي حاظراني ولا شنو وعارفه انه مستحيل ، لمن بقيت انفخ واف اف ، مريم قالت لي مالك انتي ؟ ، قلت ليها تلفون دا مشغول من قبيل و الزمن ضاق و لسه حنمشي عند غايه ، و ... جات متاب داخله و تتبسم ...
مريم قالت ليها ، خير ، دايماً ضاحكة يا رب ، قالت لي حنونة كدي حاولي تتصلي بأمك تاني عشان الزمن ، قلت ليك يا رب تكون خلصت كل دا بتتكلم مع منو اصلووو .. بتصل كداا ، دخل معاي جرس ، طواااالي فتحت ، قلت ليها :
*امي ووووينك من قبيل بحاول اتصل ليكي بيديني مشغول !
_انحنا جاين في الطريق ، خير دايرة شنو ؟
*مالك يا امي خير في حاجة حاصله ؟
_حنيييين اتكلمي دايرة شنو ؟
*حاضر يا امي بس كنت دايرة اقول ليكي انا طالعه مع مريم صحبتي و ....
_لا ( بي هرشه ) مافي اي زفت طلعه اترزعي في البيت انتي كان عليكي اليوم كلو تكوني حايمة براا البيت ..
* بسم الله ، امي مالك انتي زعلانه مني في حاجة ؟
_............ *قفلت السكة*ّ
بصراحة انا مستغربة في ردة فعل امي !
لحد الصباح كنا كويسين بنضحك و نتونس و نهزر ، فجاه كدااا ، تجوط فيني ، في شي ما ياهوووو ، مريم قالت لي في شنو ؟
عاينت ليها عشان متاب واقفه ، وقلت ليها بي خيبة امل ، اني م حقدر امشي معاها مشوراها ، و ما حسستها بأهمية المشوار لي واستهونتا بي ردة فعلي ، دا كلو عشان متاب ،، مريم ضحكت و قالت لي يا زولة ما مشكله زاتو م مشوار مهم للدرجة ، اسمعي انا حأتصل بي غاية وتوتة ، يجو نقعد هنا نزبط لينا فيشار و فنكوش و اخليهم يجيبو لينا معاهم باسطه ، اسمعيني يا متاب ، في عندكم حليب ؟ متاب عاينت ليها بضيق و طلعت ..
مريم قامت قفلت وراها الباب ، قالت لي ووووب وووب و امك ما حبكت ترفض الا الليله يا حنين ، شوفي اقطع يدي ان ما طلعت متاب الزفته دي ورااا الموضوع دا انتي ما لاحظتي لي تصرفاتها !
قلت ليها مريم ، افصلي شوية اقسم بالله اخلاقي في نص راسي اففف افففف يا ربي ، استغفر الله العظيم ، انتي متخيله يا مريم ، معنى اني ما احضر تخريج يوسف افف ما قادرة اتخيل ، اليوم دا انتظرناهو لينا سنين يااااااارب ، امي ما طبيعيه يا مريم اصلها ما بتمنعني من الطلعه ساي كداا , في شي غلط ،، قالت لي طيب روقي اكيد يوسف عارف وضعك يعني بس اكيد كمان ما حيزعل ..
( في جانب تاني ، محادثة facebook)
_الوووو
_الووووووو
_زوزو شايفاك اون لاين مالك ما بترد علي
_ والله انت حقار
*اهلين ، ازيك ؟
_يا بياختك
_من قبيل بكتب ليك مالك م بترد
*مشغول
_المشغول ما بدخل الفييس
_الووووو.. رد
*مشغول في الفيس زاتو
_امممممم تمام
_ما حددت حتجي السودان متين ؟
_الوووو زوزو
*لسه
_اهاااا طيب لمن تجي ادينا خبر ..
_ اممم ناس خالتي كيف ؟
*تمام
_قلت ليك ناس خالتي كيف ؟
*ناس خالتك جمبك بتسأليني منهم انا البعيد!
_امم اااا ، اا اي هه صح لمن تمشي ليهم بقوليها سوقيني معاك بس بتفاجأ بيها مشت وانا ما عندي خبر ...
_عشان كدا سألتك عنهم
_الوووووو
_ الوووووووو
* تمام
_ اها انت ما ناوي تجي علي عرس في اجازتك دي ؟
_ولا شنو ؟
_اها شكلو في وحدة صح ؟
_كان في وحدة عادي ورينا نخطبا ليك من اسي ولا شنو ؟
_الوووووو
* عن ازنك .....
( هين ياا اااا ، اتغلا بي راحتك من حقك والله ، لكن بوعدك وانا بت امي وابوي كان ما جبت راسك ما ابقى اناااا ، ههه اصبر علي بس ) ..
بقيت قاعده مقلقلة و بهز في رجليني ، معقوله ما امشي و كل شوية اعاين للوقت ، وجو علينا غاية وتوتة، انحنا اربعه صحبات بس اقرب وحدة لي مريم و غاية ، توته ددي اسمها تبريهان اثيبوبة مسيحيه بس هي صحبة غايية اكتر ، بس اسمنا شلة بنتجمع في الجامعه ، و اما في شغلي ماف غير مريم معاي و في قسم تاني ، حتقولو كيف منسقه بين الشغل و القراية ، مقسمة وقتي رغم انو صعب علي لكن ممشية نفسي ..
المهم كلنا قاعدين في غرفتي ،و غايه شكلها زهجانه غير العادة ، الطبيعي و المعروف عنها انها زولة فكاهه و شقيه م ببتسكت وكلامها كتير شديد ....
ف
ي لحظة لقيت يوسف داخل علي بأتصال ..
توتة : ردي يا بت تلفونك فلقنا
مريم : دا هو صح ؟
انا : ما حقدر اقوليهو شنو ؟
مريم : يعني حتخلي يرن كدا ما حرام عليكي
غاية : مخي الليلة شاطب كان فكرتا ليكي في مصيبه تمرقنا ..
مريم : ردي ردي
انا : طيب اسكتي
غاية : افتحي الاسبيكر خلينا نسمع
مريم : لا طبعاً امشي هناك اتكلمي و فهميهو بي هدوء كدااا ..
غاية : جب عليكي مالك اسي ، خلينا نسمع نشوف حيقول شنو ، حي انا دي كان ما شفتا يوسف حقكم دا وحات الله انجلط ..
مريم : يخلوكي للزي دا انتي ..
**
*الووو
_حبيبي وينك كل دا انتي عارفه الساعه كم ؟
*.........
_الوووووووو
*ايوة معاك حبيبي بس في دوشه جمبك
_خلي الدوشة وصلتي وين انتي ، عايز نتصور قبل ادخل الصاله
*حبيبي انااا ... انااااا ...
_ما سامعك انا حاقفل يلا ما تتاخري حبيبي وخلي لي بالك من نفسك و لمن تصلي مسكلي لي يلاااا ...
*لالالا يوسف استنى ، الووووووووو يوسف
الوووو الووووو.......... قفل
😥°~
يتبع .........
