-٢١-
بقلم/سحر سمير ...
_ اغتصاب انا كل دا قايلا تهديد و اعتداء ساي ! اغتصااب يامتاب ، عايزاهم يغتصبو اختك ! ...
*ايوة يا سهي لازم حنين تبقها زيها زي ، والا حتزلني طول العمر
_انا ما بتفق معاكي يا سهى ما نعني اني بت شمال يبقي كمان م عندي ذرة رحمة ولا ذرة اخلاق ، انتي امشي لعماد داا افهمي منو هو ليه عمل كدا ، وكيف عرف علاقتك بي حنين في اسئله كتيرة لازم تتجاوب ..
*يمكن يكون هو بيصور اي وحدة بيعمل معاها كدا ، والله ما عارفه يا سهي انا م عندي اي فكرة ، بس والله انا ما بعرفو ، زيو زي اي واحد دفع وام موضوعو ..
_طيب حاولي توصلي ليهو واتكلمي معاهو دا راي ، واعرفي اختك بتفكر في شنوو ما تظلميها يمكن عندها حل ..
*صدقيني مافي حل كل ما اتكلم معاها بتأنبني و تقفل النقاش بينا ..
_طبيعي لانها مصدومة و كونها ما كلمت اهلك لحد اسي دا معناها ما ناوية
*لا لمحت لي قدام امي و لمن امي اصرت تعرف منو عماد دا الفت ليها قصه ..
_ما تأذيها حتندمي طول عمرك يا متاب الفرق انك وصلتي لهنا بأرادتك ، انما هي حتي لو عملنا خطه و اغتصبوها هي م حتكمل في الطريق دا لانها من البدايه ما كان اختيارها ، فهمتي !
*طيب اسوي شنو انا ما عارفه الزفت دا طلع لي من وين كمان ياخ اوووف
_ اصبري بنعرف نصل ليهو ...
في جانبي ..
*مريم انا شبعتا ، خلينا نحرك
_اصلا حنمشي ،بس لو كامك تاني ولا هددك حتعملي شنو ؟
*عندي خطه بس يا رب تنجح
_اووف ما دايرة اسيبك براكي ياخ
*لخير م. تخافي علي ،،
_يلا طيب ..
، حركنا علي الشركة ، م مشينا الجامعه ، شبه راحت من بالنا اساسا ، غايتو الله يستر علي معدلاتي ،، وانا في الطكة اتصل علي رقم سعودي ، بما انو كنا بنتكلم عنه انا و مريم بطني طامة منو ولا شنو م عارفه احساس غريب كداا تجاهو .. المهم رديت ..
_صباح الخيرر علي روحي
*يا هلا صباح النور
_كيفك حبيبتي ؟
*بخير حمدلله انت كيفك ( طبعاً مريم كرهتو خلاص وقاعده تحدر فيني نظام اختصري وكان عليها ما ارد زاتو )
_ها في الجامعه ؟
*لا م عندي محاضرات ماشه الشغل
_طيب انتبهي علي نفسك ويلا سجلي الرقم دا حقي ، وحعمل فيهو كل البرامج
*تمام
_لمن تفضي ارجعي لي ، انا شغلي بالمساء من 7:7 ،
*تمام
_بتختصريني شديد بس حتحمل لاني بدفع نتيجة غلطي ..
* لا عادي
_طيب ما اشتقتي لي ؟
*امممم انا في المواصلات و نازله يلا لبعدين
_اوكي ، سلام ..
مريم قالت لي :
انتي كيف لسه بتتكلمي معاهو بعد الحصل دا ،والله لو في مكانك تاني ما اعرفو ، كيف حتثقي فيهو تاني ، كيف تأمني لنفسك تاني معاهو ، هو هدم اهم حاجة في العلاقه يا حنين ، هدم الثقه ..
قلت ليها مريم صوتك عالي والناس بتعاين فينا ، علي العموم هي مسألة وقت..
لا ياحنين انتي بطبعك مسكينه وحنينه. وعشريه و حيرجع يراضيكي بككلمتين وترجعي ليهو زي الما حصل حاجة ... قلت ليها ادعي لي بس ان الفيهو خير ربنا يهونو لي ، ولو شر يصرفو عني ..
قالت لي آمين ..
يلا نزل دي محطتنا ..الله يستر بس
الله يستر يا حنونة انا معاكي م عليكي بزول و شغلك هنا م ليهو علاقه بيهو ما هو المعينك عشان لو اتناقشتو ولا حاجة م تخلي شغلك هو ما بيقدر يرفدك ..قلت ليهو هو بيقدر يطردني عادي زي زيادة المرتبات ديك ..
قالت لي لا يطردك دي فيها أن و انتي معروفه زولة شغل وما عندك قشه مرة في الشغل فا لو طردك حيبقي طردك غريب ..
يمكن والله اتمني لو بيحسبا زي حساباتك ..
لا هي ما حسابات ي حنين بس دا الصح
ربنا يهون ...
🐒«~
المسابقه حقت الكتابه بدت ، شاركو يا بنات واجتهدو و اتفوقو كدا ،كلها تجربه سواء خسرتي ولا كسبتي حتكون اضافه ليكي 💜
يتبع .......
