-٣٠-
بقلم سحر سمير
خير ...
_اها احكي ..
*بصراحه يا امي ، انا داير اعرس
_شنووووو ؟ هو متين انت سافرت ومتين جيت و عملت شنو وعندك شنو للعرس ؟
*وحدة وحدة يا امي
_اهااا وحدة وحدة فهمني
*عندي مبلغ كويس من الفترة الاشتغلتها و اخدت سلفه من الكفيل وهو ما قصر لمن وريتو فكرتي. و ...*
_تعرس انت عملت لينا شنو ؟
*امي انا ما حأقصر معاكي و بعدين البت كويسه ، وكلها كم شهر مهاد اختي حتعرس والبيت حيفضى عليكي ، تساعدك و تخدمك
_يعني انت مقرر حتي العروسه ما دايرني اختارها ليك يا يوسف
*ما كدا يا امي بس البت حلوة و محترمة وانا متأكد بس تشوفيها حتحبيهااا
_طيب اخطب اسي ع الاقل م تدخل نفسك في ديون يا ولدي
*ما تشيلي هم بي بساطه الموضوع بيتم
_نشوف ، اسي حنمشي ليهم متين ؟
*بكلما و اوريكي
_معاك صورتا ؟
*لالا بتشوفيها ما تستعجلي
_صبرتاا ، انشوف
( في جانب تاني )
_ ما تتصلي علي تاني فاهمة ولالا
*لا نا فاهمة عشان ما اجيك فس السركة واسوي ليك فضيحه
_كان مرة سويها و انتي عارفه انا بقدر اسوي شنو
*انا بس دايرة اعرف انت عايز مني شنو
_انا ما عايز منك انتي العايزو منك بعتي لي ولا شنووو بس ما تكوني نسيتي
*احترم نفسك
_ههههههه متاب عليكي الله ما تتكلمي عن الادب بتضحكيني شديد
*علي اساس انت المحترم كان محترم ما بتعمل كدا مع البنات
_انا راجل ما بيعيبني شي لكن انتي هه
*ما منتظراك توريني انا منو وبا شنو انا دايرة انتهي من الموضوع دا ، عشان كداا وريني المطلوب شنو ؟
_مطلوبة اختك يا حلوة
*اختي دي انت عرفتها من وين و وصلت ليها كيف
_عيب تسأليني انا اسئله زي دي
*طيب انا دخلي شنو بأختي ؟
_دخلك انها اختك و اكيد حتسترك
*هي دخلها شنو ؟ّ
_شوفي انا ما دايرة ليله ولا اتنين انا دايرة مرتي عديل ، و المقابل ححذف صورك و صور البنت الكانت معاكي .. اتصرفي انتي بعد دا ..
*تتزوجها !ّ
_بالضبط كدا
* و ليه هي ما انا ؟
_هههههههه انتي هبله ؟ اختك دي قدام عيني ليها شهور و عارف اخلاقها كويس والا كان جبتها زيها زي اي بنت تانيه ، البنت هي البتفرض علي الراجل كيف يتعامل معاها و انتي طبعا ادري بنفسك كدا ولا ما كدااا ...
* .........*قفلت السكة ..
_ هههههه غبيه
_اها يا حنونة ما اتصل عليكي ؟
*لسه والله يا مريم مفروض كان يكلمني من بليل بس ما عارفه مالو حتي بتصل بيهو و ما بيرد علي ،،،
_بكون مشغول
*برضو كان رجع لي بي رسالة ولا حاجة
_م مشكله الغايب عذرو معاهو ، ننتظر بس
* ان شاء الله خير ..
_صحي ما وريتك المفاجأة
*شنو ؟ جاك عريس ؟
_هههههه بري مالك علي
* اصلا دا مصيرك ، اها قولي في شنو ؟
_ غاية
*مالها
_قالت لي عندها مفاجاه لينا ، و لمن دردقتها في الكلام قالت في واحد بتحبو حيجي يتقدم ليهاا و احتمال يعملو عرس طوالي ..
*يا الله ياخ فرحت ليها غيوشة عسل وتستاهل كل خير يارب عقبالكم كلكم افرح بيكم قبلي ياااارب ، والله محتاجين نفرح يا مريومة ، فرحتيني شديد ..
_اي والله تستاهل نعمل ليها البدع بس ربنا يتم ليها علي خير ،
*مش مفروض نمشي ليها بتكون محتاجة لينا ومتوترة اكيد ّ..
_قلت ليها كدا قالت بتكلمنا
*لازم اتصل ابارك ليها
_ااي بس بعد يجوهم م بنقصر
*ربنا يتم فرحتا علي خير
_يارب ..
🐒«~
يتبع .....
