ليه في شنوووو ؟
*تتزكري الشكلة ديك بتاعت الزول الاتشاكلت معاهو بسبب شريحتو الانسحبت و جا عمل هوليلة في الشركة !
_ هو دا بيتنسي .. مالو ؟
*(....... حكيت ليها كل الحصل )
_مخير الله يا حنين حياتك دي تقولي رابحاها في كيس شيبسي ، كل شي مقلبن و معكس لكن والله دي غريبه شديد ياخ معقوله !
*والله دا الحصل يا مريم
_طيب البعرفو عنك انك م بتشيلي ف قلبك علي زول اشمعنى داا نفسنتي فيهو كدا ؟
*اها براك قلتي نفسنتا فيهوو ، هو بجي اوقات مزاجي بيكون معكر اسوي شنو بتفشى فيهوو و الموقف لسه مزعلني والله خصوصا انه تبع استاذ عماد ..وانه شنووو مفروض ما اعاملو زي ما بعامل باقي العملاء رغم انه هو البدا معاي الغلط ..
_كلااام والله ..
*م معروف المنتظرني شنو تاني
_اكيد و بأذن الله خير ..
*بكرة ندى دي زاتا عازماني
_هي ندى دي اصلي ما هضمتها روقي بالله دي شنو كمان الطلعت لينا فجاه دي
*هههه مالك معاها
_ما بعرف و بكرة حنمشي لي غايه م عندك طريقه زاتووو ّ
*خليني اغير جو بالله و اذا غاية لحد اسي م عزمتني ولا عبرتني
_غريبة والله ، غايتو ربنا يهنيهاا ، انحنا عايزين شنو عليكي الله يا حنين غير تنبسط ربنا يتم ليها علي خير و يمكن جد مشغوله لانو غايه اختنا قبل كل حاجة ..
* م عارفه والله بس بالجد اذا ما اتصلت و كلمتنا بجيتنا نحضر العقد انا ما بمشي
_انتي ليه مصرة تمشي لي ندا دي ، وليه بحسك مرتاحه ليها شديد كدا ؟
*عشان بحس معاها اني منفصله عن عالمي دا بحس بالتجديد و الراحه و هي زوله محبوبة شديد و نفسي اعرفكم بي بعض
_يا ريت .....
* اتصلت علي ندى ...*
_حنونة العصبيه
* هههههه بري والله يا ندى ما عصبيه بس انتي ما عارفه حاجه و كانت صدمة مع اني بطلت انصدم ولا اتخلع .
_انا زاتي استغربتا واقفه مع الزباين صوتكم جابني ، بس علي العموم انتي عصبيه برضو ههه
*مصيرك تعرفيني يا ندوية و براكي حتعذريني ، بس خليها للايام
_والله ياخ نفسي اعرفك يا حنونة عارفه مرات بحسك م مفهومة بجد
*دا لانك قابلتيني في ظروف انا يا الله متحملاها
_حاصل شنو احكي لي
*اكيد ما اسي يا ندويه خليها لمن نتقابل
_خلاص يلا شوفي انتي اديني عنوانكم و انا برسل ليكي معاذ اخوي يجي يسوقك
*لالالا عايني بصراحه انا بكرة عندي صحبتي شديد العقد حقهاا وانتي عارفه لازم نكون معاها
_حنين هوووووي انا مالي دخل بالكلام دا انتي وعدتيني و بعدين العقد للرجال انتي ماشه عندك شنو
* ههه عارفه اني وعدتك خلاص طيب انحنا حنطلع نمشي ليها من الصباح مجرد ما العقد يتم بكلمك واجيكي ، و م تكلفي اخوكي انا بجي مواصلات
_علي حسب مكانك انتي وين ن
*انحنا في ( ...)
_م بعيده مني شديد بس برضو برسل معاذ
*انتي ناسيه لو حيجي يسوقني ، حيسوقني من بيت صحبتي العروس
_سمح ساكنه وين هي انا بجي معاهو بالعربيه
*ساكنه في (.....)
_طيب قريبه برضو مني ، المهم مجرد م تخلصي اديني تلفون
*اتفقناااا ..يلا ردي علي الزول الزنان البتصل من قبيل دااا
_ ههههه وااي م بسالك لكن عليكي الله سامعه الجرس انتي ههه ؟
* هههههه من قبيل بس عامله رايحه ، دي مشكلة تلفوني اضانو خفيفه هههه
_والله دي فضيحه دي ههه
*ردي ردي ، بس اصبري قبل تقفلي صراحه في سوال واقف لي في حلقي
_اسألي طوالي
*ااا انتي الزول دا اخوكي ؟ و م يكةن دا الحترسليهو لي يا ندى !
_ هههههههه قلت ليكي اسموو معاااذ الحأرسلو و حأجي معاهو ككمان
* اها وداك برضو اخوكي ؟
_امممممم لا
*حمدلله ، كان كدي بقفل بعد دا
_يا زوله للدرجة دي ؟
*و اكترررر
_لو عرفتيهو حتغيري فكرتك عنووو
*بري ولا دايرة اعرفو ، ردي بس علي الزول البيتصل دا قد لي اضاني
_ ههه طيب يلا سلام
*سلام حبيبتي ....
فات اليوم دا علي كدا ،بعد نسكت انا و مريم ، نرجع تاني نتكلم في موضوع غايه و ان ما دا الكنا بنتمناهو ولا دا كان اتفاقنا لمن وحدة تعرس ، ونرجع تاني نخت ليها العذر و نزعل من نفسنا لاننا زعلنا منها و اخدنا في خاطرنا منها ، و قررنا من الصباح نطب عليهااا ..
🙀«~
يتبع .....
