-٤٤-
مشيت قعدت جمب اخوات ندي و مروة و امهم جات ، قعدت جمبي و بتتونس ونسه عامة قريتو وين و حياتكم وكدا ، والسوال الكنت بتجنبو ان اهلك منو ولا كدا .. شافت السبحه ف رقبتي قالت لي : اجي !
حبوبة فرطت في سبحتا دي كيف ؟ قلت ليها والله ما عارفه لبستني ليها وقالت لي اوعي تقلعيها ، قالت لي بختك حبتك ، قلت ليها وانا كمان بحبها وربنا يحبب خلقو فينا ، قالت لي انتي مولدة ؟ قلت ليها كيف يعني ؟ قالت لي سودانية ، قلت ليها حقيقه م عارفه بس اكيد سودانية ، قالت لي ايوااه .. قلت لي مروة نحرك بعد دا ندي دي غتست وين الوقت اتاخر بعد دا ،، مسكو فينا قدرتهم بس انا اصريت نمشي ..
فعلاا طلعنا برا و قدمونا لحد الباب ،طلعنا برا الباب الرئيسي لقينا ندي و زين واقفين بيتكلموو ، مروة قالت لي حلاتهم مع بعض ، قلت ليها ندي بس حلاتا لكن المليق دا لا حلو. لا حاجة ..قالت لي وب منك ما عهدتك قبلك اسود كداا ، قلت ليهاا ارادة ربنا ، ،
جو علينا قالت لي ماشين وين انتو الا تبيتو معاي ،قلت ليها لا دايرة امشي البيت مرهقه والله يا ندي بنجيكي تاني ، قالت لي احسن تبيتو من تجيني بدري ، قلت ليها اجيكي بدري ليه بكرة عندي شغل مفروض انزل ، لا بكرة حنمشي العرس ، قلت ليها ايوة بس دا المساء ، قالت لي العرس عايز تجهيز و في موضوع عايزة اتكلم معاكي فيهو ، زين قاليها ، انا الحاتكلم معاها ، دا موضوعي اناا
عاينت ليهو دايرة اتلامض واطول لساني قالي هسس ولا كلمة كفايه تهزيئ فيني ما شبعتي ، ربطت ليهو وشي وقبلتا ، مروة قالت ليها انا امي براها م بقدر ابيت بعيد عنها عشان كدا اسمحي لي و ممكن اجيكم بدري ، قلت ليها ندي انا بمشي مع مروة و بكرة ادك الشغل وامري علي الله ، قالت لي عشان ام مروة بس لو م كدا م كان خليتكم تمشو بكرة من بدري تعالو لي وم حمشي الشغل حخلي معاذ يمشي المحل ..قلنا ليها اتفقنا ،، زين قالينا يلا بوصلكم ، عايزة اتكلم ،ندي قالت لي وحاة اغلا حاجة عندك هونيها و اسمعيهو للاخر لو عندو كلام ، امانه عليكي ي حنين ، قلت ليها حاضر جيبي بوسه ،، سلمت عليها و مشينا ،و طبعا الاتنين ركبنا ورااا ..
ساكتين وبعاين للشباك ومروة بتوصف ليهوو الطريق ، لمن وصلنا مروة نزلت قالي حنين لحظة عايز اتكلم معاكي في موضوع .. بعد دايرة اصدو اتزكرت كلام ندي لي ، سكت ، اتلفت بعاين لي و بدا يتككلم ..
قالي : كنا بنتكلم انا وندى بخصوص العرس بكرة ،انا م كنت ماشي بس حأمشي لهدف ، و م عارف اذا سمعتي كلامنا ولالا ، بس غاية بتبقي لي بت خالتي امي وامها بنات خالات و مواقف كتيرة كانت بينا م ظريفه و حاولت تعمل معاي العملتو مع يوسف بس كل واحد وراسو .. اظن كدا عرفتي هدفي عشانك و انتي لازم تمشي العرس دا وراسك مرفوع للاخر و م دايرك تكوني مهزوزة ولا مكسورة وانا حأعمل المستحيل عشان تكوني لي .. قلت ليهو شنو ؟
قالي قصدي عشان نظهر انو في بينا حاجة ولازم تحرقي قلبوهم زي م حرقو قلبك ، قلت ليهو تمام ، جيت انزل قالي يعني موافقه علي خطتنا انا وندى ؟ قلت ليهو بكل سرور و نزلتا من العربيه ، انتظرني لمن دخلتا و دور مشى ..
دخلت البيت لقيت مروة نايمة بي ملابساا ، غطيتا و طفطتا و رقدت ، نمت طوالي ..صحينا الصباح ، مروة صحتني ، شربنا الشاي و لبسنا و طلعنا بعد كلمنا ام مروة اننا حنتاخر في الرجعه ..
ركبنا امجاد ، و ندي دي بتتصل من الدغش ..
وصلنا البيت عندهم ، فطرنا معاهم ، و قعدنا نتونس ،و قعدت مع حبوبه شوية ، و طلعنا غرفة ندى ،، قالت لي ، عايني ..
قلت ليها دا شنو ؟ قالت لي ترااااا ، فستانك
ياخ انا لمن شهقتا ، قلت ليها فستاني انا ؟
قالت لي ايوة ، مروة قالت ليها روووعه روووعه ياخ لمن ريالتي سالت ،، قعدنا نضحك ، بالجد م كنت متضايقه ولا مقهورة بالجد كنت عاديه جدا و كنت متحمسه لدرجة كل شويه بعاين للساعه ..
مروة قالت لي ،حنين ، انحنا ما عارفين القاعه وين غاية م كلمتنا ، قلت ليها اسألي توته ، قالت لي توووووته ياداب فهمت ردود فعلها الغريبه اتاريها عارفه وزعلانه عشان كدا قالت ليكي امشي ، مسكينه يا حليلهاا تلقيها خجلانه مننا ، قلت ليها بغض النظر عن عملة غاية الا ان توته اختنا وماف حاجه اتغيرت و غاية نفس الشي ... ندي قالت لي هلي طيبتك دي تنفعك ، المهم القاعه زين بيعرفا م عليكم خلوها مفاجاه ليهم ،، قعدنا نتونس لحد العصر ، كدااا ابتدينا نجهز ، طبعاً بدو بي انا ، اخوات ندى كل وحدة خبيرة في حاجة والله حسيت نفسي م انا خصوصا مع الفستان الاسود الامع و تسريحه الشعر والمكياج الكعب العالي والاكسسوارات بالجد كاني من عائلة ملكية .. و مرة و ندى لبسو وجهزو بس انا اهتمو بي تفاصيلي اكتر ، لحد بعد المغرب خلصناا ..
لمن زين جا تحت وكلم ندي ، وانحنا طالعين ، قلت لي ندي انتي م حتنزعجي صح ؟
قالت لي انزعج من شنو ؟
قلت ليها خطيبك حيمسكني قدام الناس ع اساس اني خطيبتو وحبيبتو دي م حاجة بتزعل ؟ قعدت تضحك لمن دمعت ، قالت لي زين م خطيبي ، كان خطيبي من بدري واسي اخوي
و صحبي ، و حبيبي برا السودان يا بت ههههه ، قلت ليها دا موضوع عايز ليهو قعدة عديل ..قالت لي جداا ا، بس اتحصني ياخ ، وصلنا تحت ، زين ومعاذ كانو واقفين براا ، زين بالبدله السوداء بس استغفرالله والحمدلله ،، اغرب شي م قدرت اعاين ليهو لمن وصلنا عربيتوو ، قالي ما متفاجأ في ابسط حالاتك حلوة فما بالك اسي ، ربنا يحفظك ، طبعا كلامو م بيتهضم لي م بعرف ليه كل دا عشان نقاش انا زاتي مستغربة فيهوو ...
ركبنا ، وحتي معاذ مشي معاناا ، وانحنا في السكة ابتديت اتوتر وارجف واتشتت كدا ،مروة قالت روقي انحنا ماشين نشارك صحبتنا اجمل يوم في حياتهاا ، ندي قالت لي انا لو مكانك افتري والناس دي كلها م تفرق معاي ، بقيت بضحك بس ،،. حسيت اننا وصلنا بسرعه وبالجد. بقيت متوترة ، بس كل م اتوتر بتزكر العملو معاي يوسف و بغضب و بزعل و العملتو معاي غايه بحس شخصيتي بتقوى ... نزلنا من نزلتنا
جاني زين قالي مستعدة ؟ قلت ليهو مستعدة شديد ، ندي قالت لي خليكي كداا وانحنا وراكي ،ومروة قالت لي قوي قلبك و حنمشي علي الكوشه اول نبارك بيكونو جو صح ؟
زين قاليها ايوة جووو .. يلا يا حنين امسكي هناا ، بتردد حتي مسكتو من معصم يدو ..
ماشين و مروة وندي ومعاذ ورانا .. زين بيتكلم معاي و عرفت انه بيحاول يشغلني ، قالي :
_ليه العروس بتلبس ابيض ليه م بتلبس احمر مثلا ً ؟
* مممم اتخيل الزفاف منفوش واحمر اوف اوفر ّ
_قالي بس حلووو
* لا م حيكون حلو حتبقي زي بت اللعاب هههه ... وفجاه لقيت نفسي في نص الصاله والانوار و كمان بضحك .. المعروف زين لانو دي تعتبر عيلتو يعني جزء منهاا ..
_امشي مالك وقفتي
*امشي علي وين ؟
_ضحكتك وين راحت زي ما كنتي
*طيب هههههه اها قلت لي لون الفستان شنو ؟_ اصفر
*تبقي زي السوسيوة هه
_ ههههههههه فك الضحكة بصوت عالي و الناس دي كلها بتعاين فينااا و كنا وين ؟
في وش الكوشه .. قصاد غاية و يوسف
🏃،،
يتبع للحلقات الاخيرة لحد 50 .....
متابه لسحر سمير عشان توصلكم الحلقات الاخيرة ...
