-٤٥-
ههههههههه فك الضحكة بصوت عالي و الناس دي كلها بتعاين فينااا و كنا وين ؟
في وش الكوشه .. قصاد غاية و يوسف .. رفعت راسي لقيت يوسف دا لمن عرقان و غاية دي عيونها لمن مرقرقه والكحل داير يسيل ، اتعمدت اقول ل زين ، الكعب حبيبب
قام طلع للكوشه و مد لي يدو ، طلعتا ،، مسكت غاية دي بوستين وحدة يمين والتانية شمال و عملت فيها بصلح ليها الطرحه ، ومعاي منديل في يدذ قلت ليها حبيبيتي دا وقت بكا بتخربي مكياجك ياداب في اول السهرة ولسه ما هججنا ليكي الجو ، جات مريم سلمت عليها ، و انا مشيت عند يوسف انتظرت زين سلم عليهو وانا دخلت بعدو ، يوسف مد لي يدو ، قلت ليهو معليش غسلت يدي قبل شوية ، لكن م بكسر خاطرك الليله اليوم يوم , مسكت معصم يدو بطرف اصبعيني ،و قلت ليهو مبروك و سبحان الله بتتشابهو ، تغلبا بالخيانه وتغلبك بالغتاته ، هي قصدي تغلبا بالمحنة و تغلبك بالمحبه ..
زين قالي يلا حبيبي امي منتظرانا ، عاينت لندي ومروة ديل دابرات يموتو من الضحكك ، و يوسف دا لمن عروق وشو بقت ظاهرة ،،لقيت زين ماسكني ، و بيتلفت ، قلت ليهو علي وين ؟ قالي بفتش في امي، لازم نقيف معاها عشان الخطة تكمل ، قلت ليهو طيب و جماعتنا ، قالي اصبري .. فضل يتلفت لمن وصلنا طاولتهم طبعا العيون كلهاا علي ، و للحظ صادف في نفس الطاوله قاعده ام يوسف ..
زين قال لامو ، مساء الخير علي امي السمحه مزة بس قمر الله يخليك لي و العجب التوب يسو كدي هههه ،، بتعاين فيني والابتسامة دي واصله اضنيها ،، قالت ليهو والله ماف مزة في الحفله دي كلها غير المعاك دي و الاحلا من كدا المفاجاة الحلوة دي ، قاليها مفاجاة شنو ؟ قالت ليهو الظاهر فالك قررررب ، بس وحاتك ما بنضيعا بت زي القمرة تبارك الخالق ..
ام يوسف دي تتمغى و تعاين فيني ، بعد دايرة امشي ام زين مسكتني قالت لي تقعدي جنبي ،، و زين قالي طيب برجع ليكي بشوف الشباب ، و فات ،، مسكتني ، اسمك و عمرك و بتقري شنو ما خلت شي ، ما عدا اهلي والسوال الكنت خايفه منووو ,لمن حسيت انها ابتدت تسأل عن اهلي وانا بنت منو ، بحكم وضعهم المادي الفوق الممتاز طبيعي تهتم بأصل و فصل ..انا هنا استأزنت و انسحبتا .. و حقيقي كنت مرتاحه نفسياً و ما متضايقه كنت حاسه اني الطرف القوي في اللحظة دي ، واي زول كان عايز يعرف انا منو وانا بنت منووو .. مشيت علي البنات الكانو مستلمين العرس بكل برود يضحكو ويهظرو و يدندنو مع الاغاني ، مشيت وقفت معاهم و بالجد ما كنا بنتصنع الضحك ، فعلا الضحك براهو كان بيجي ، وكل م نسمع غنيه بنغني معاها .. لحد الساعه 10 جات ، عاينت للكوشه لقيت يوسف مافي و غايه دي تقريباً بتبكي و توته اصلا ما جات ،، ندي قالت لي حنين ! اتفشيتي ؟
تصدقيني لو قلت ليكي انا مرتاحه جداً و يا ندي انا بفضل ربنا قدرت اتجاوز يوسف في مرحلة قبل دي ، و الحصل دا محاهو لي تماماً زي الما كان موجود في حياتي ، انا غاية صراحه ما قادرة احدد موقفي منها صراحه .. قالت لي برودك كتلها و خصوصا شوفتا ليكي مع انسان كانت سافه عشانو التراب وراها قدر شنو هي كانت وقحه .. يا ندي الحيرني انو هي الوحيده الكانت بتسمع بيوسف دا سمع م كانت بتعرفو ، سبحان الله شي غريب ، يلااااا حلة ولقت غطايتا ههههه ، قالت لي علي قولت حلة ولقت غطايتا ، ارح اخر رقصه و نمشي ماف زمن للجرتق ،، مشينا في نص الدايرة و مشيت جريت غاية بالقوة وجبتها في النص وبقينا نرقص حولينهاا ، لفت انتباهي زين الكان مركز معاي ، و لفت انتباهي يوسف الكان ما قادر يتجاوز خسارتو لي والفرق بينا انا وغاية كان واضح جداا ، هو اختار وانا دايماّ كنت بسندو في قرارتو ..خلصناا ،، ولمن جينا ماشين ،، سلمت عليهم ، و احنا طالعين و يوسف بيعاين فيني ، قمت اشرت ليهو باي بيدي ، و مسكت في زين وطلعناا وقفنا برا منتطرين ندي ومروة يطلعو ،، عاينت لزين قلت ليهو شكراا ..
قالي ، لو فضلنا كدا مالو ؟
قلت ليهو شنو ؟
قالي ولا شي ....
( في جانب اخر )
* احذف الصور
_مش قلت ليكي ما تجي تتباكي لي
*عناد احذف الصور ما حتستفيد حاجة انت بتعمل كداا ليه كل دا عشان حنين ّ
_صراحه لااا انا زي ما تقولي كدا بعمل عمل خيري ، ااي عمل خيري م تتخلعي
*انا عارفاك عايز حنين م تلف و تدور علي
_غير حنين يا توبا ، بصراحه انا اي بنت عملت معاها كدا مصورها فيديو صورة وصوت ،م عشان داير مصلحه ، لا عشان تتربى طالما اهلها ما قدرو يربوهاا ، اها دا عمل خير ولالا
*يعني شنو ؟ يعني انت ما عايز حنين ؟
_حنين ،حنين ، حنين ما فترتي انتي من سيرتا حتي لو انا ما جبت سيرتا انتي لازم تجيبيهاا
*دا كلامك انت البتهدد بيهااا.. انا اسي بس دايراك تحذف الصور م دايرة منك حاجة
_و بعد احذفا ؟
*حبعد عن السكة دي
_و لو رجعتي ليها ؟
*انشر المقاطع
_اممممم افكر
*عندك شزط تاني ؟
_لا م عندي شرط عندي ملحوظه ، ان انا لمن اكون داير حاجة بسويها براي م بنتظر زول يسويها لي ، يعني زي حنين مثلااا ،، لو دايراها م حأنتظرك انتي تجيبيها لي ، وقع ل
بيها لي ، وقع ليكي صح ، يلا جاو ...
👻«~
يتبع ....
