انت حيوان !
زح مني ، زززح مني قلت ليك
انا مرتك علي الورق و بس والله تقرب مني الا اقتلك ، انا حلفتااا ززززح مني
لازم تعرف اني بكرهك ، وعمري ما حأحبك فاهم ولا لا ..... جزئية معلقة
* وااي حبيبي والله من الفرحه لمن ماقادرة اصدق اخيرااااً ..
_ يا روحي انتي في اي حاجة عايزة تبكي لكن ، اسي دي حاجة بتفرح ليه بتبكي ..
*دي دموع فرح انا فرحانه ليك يا يوسف انت متخيل ان السنين بتاعت التعب و الكرف والقرايه و المشروع واللخبطه الكانت حاصله معاك دي كلها انتهت اخيراا الليله تخريجك فرحانه شديد حبيبي ..
_حنون يا عمري انتي خلااص هانت و انا متأكد بشاهدتي دي حألقا احسن شغل يخليني اجي اتقدم ليكي وانا مرتااااح ..
*دا يوم المنى وانا متأكدة ان ربنا حيسهل لينا امورنا كلها ..
_اكيد يا روحي ، اهااا ما وريتيني جهزتي لبستك ؟
*اوووف يوسف انت لسه متعشم ! انا مستحيل اقدر انزل من البيت ، عبده اخوي من الصباح الليله ما طلع من البيت..
_حنين انتي عارفه انا بخاف عليكي قدر شنو و عبده زول صحبي بعمل ليهو الف حساب ، لكن دا تخريجي ما ممكن اتخرج وانتي ما تحضري ..
*حتي لو حضرتا يا يوسف ماف زول بيعرفني غيرك و ناس جامعتنا ، ويمكن اهلك يلاحظو لي ..
_اصلا انا حأعرفك بيهم بس اصبري علي فضل خطوتين ..
*ما مستعجله حبيبي ، ربنا يهون كل صعب
انا حقفل بعد دا عايزة اقوم اغسل ملابس الشغل ..
_خلاص لبعدين ..
* ف امان الله حبيبي ....
_حنين كأن في زول بيناديكي !
*اااا ، لالاا ، طيب اقفل اقفل انت اسي يلا يلا لبعدين ف امان الله ....
حنيييييين يا زفته انتي !
في شنو يا متاب ؟
شنو الفي شنووو في زفت شنينه علي وشك انتي كنتي لابسه الزفت دا !
متاب ممكن تتكلمي براحه انا جمبك ما بعيده يعني لو همستي ساي انا حأسمعك ..
حنين ما تطلعيني من طوري لمصلحتك ، جاوبي علي قدر سؤالي ..
طيب يا متاب انا قبل اللبسو جيت و استأذنت منك ولالا ؟ وقلت ليكي يا متاب انا حرقت الاسكيرت بالمكوة و كنت محتاجة اسكيرت اسود عشان يونفورم الشغل ، يعني ما لبستو من وراكي صح ولا لا ؟
حنين ما تعامليني ع اساس اني فاقدة الزاكرة انا عارفه كويس الحصل شنو ! وعارفه انك كلمتيني قبل تلبسيهو ، بعد ما اتزفتي لبستيهو مالك م رجعتي مكانو اسي انا محتاجة ليهو اللبس شنو ممكن توريني ؟
متاب ارجعو ليكي وهو ملبوس ولا تستني لحد ما اغسلو وارجعو ، و ثم تانياً انا ياداب رجعت البيت يعني م لحقت اسوي حاجة و اسي انا بغسلو اديني ليهوووو ...
اصلا حأديكي ليهووو ( جدعتو لي في وشي)
.. اكيد انتو مستغربين في تعامل متاب لي و حسب استنتاجكم انها اختي صح ؟
اي فعلاً متاب اختي بس ما شقيقتي ، او بمعني اصح انا الما شقيقتهم ، حتعرفو تفاصيلي كلهااا ....
قمتا من محلي ، شلت الاسكيرت. مشيت غسلتو وغسلت معاهو حاجاتي و شريتا في الحبل و جيت ، اتصلت علي مريم ، مريم دي روحي شديد اعز صحبه لي ..
*مريووومة
_الحنينة ، ازيك ياخ
*زهجانه والله يا مريم قافله معاي قفله شديدة خلاص
_كر علي تبري انتي ،مالك يا السمحه احكي
*دي دايرة ليها حكايه يا مريم انتي ناسيه الليله تخريج سناير
_ووووب وووب يوسف صح
*حيكون منو يعني
_سمح اها حتمشي ؟
*ولا احلم ، عبودي الليله معسكر في البيت من الصباح و متاب كمان
_و مي وينا ؟
*مشت مع امي عند ناس خالتي
_افففففف سمح ارسل ليك غاية ؟
*بري يا مريم غايه دي لا بتحل لا بتربط و انا ما بعتمد عليها ، تقدري تجي انتي تعالي ما بتقدري خلي بس ..
_دايرة الصراحه يا حنين ! شوفة اخوكي دي بتخلعني وحات الله الساعة اليحدر فيني كدا انا قلبي دا بحسو داير يمرق ..
*هههههههه اسمعي خليها علي الله
_ونعم بالله ، انتظريني باخد لي امجاد وبجيك ناطه ، جهزي قشرتك انتي وم تلبسي لحد ما اجي ، والتمثيليه الحجي داخله بيها انتي بس تني علي كلامي فاهمه ، و بطلي لبشتك ديك غايتو مخيرة حتتكبكبي و تترجفي انتي الخسرانه وريتك ...
*وااااي منك افصلي شوية يا مريم شنو لوك لوك لوك ورا بعض ، انجزي يلا
_ يا بت هي ما تهرشي وحات الله اسي افكك عكس الهواء ..
*لالالالا انا اسفه خلاص معليش يلا تعالي
_كلبة
*شكرااا هههه ...
🙊ّ
يتبع ......
