_الحمدلله ي حنين انك وصلتي للقناعه دي !
*يستاهل الحمد
*ما وريتيني عملتي شنو في الشغل بالنسبه لي ، قلتي ليهم شنو ؟
_ولا شي دخلت لاستاذة دينا اخدت منها اجازة مرضية كم يوم ؟ّ
*و استاذ هشام. م اتكلم ؟
_لالا سبحان لا شعور متبادل لا بحبو لا بحبني لله في لله كدا بنحمر لبعض من نتشاوف ...
*همممم بي جازو ّ
_بمناسبه عماد صحي متاب اتصلت عليكي كم مرة وانتي نايمة ..
*غريبة ! م رديتي ؟
_بري ولا برد ولا حارد
*م حتصل لو عايزاني ترجع هي
_احسن زاتوو ، اها بكرة ككيف ؟
*في شنو ؟
*فضل لي كم يوم من الايام الاخدتيها لي ؟
_4 يوم مشى منهم 3 و الخامس جمعه ّ
*امممم م عارفه ، احتمال اطلع
_وين ؟
*حابه اشوف صدييقه كدااا
_سمح وانا ؟
*انتي متوسطه الاعماق سكن ... مريوم انا نعستاااا
_طيب يلا ننوم الوقت اتاخر زاتووو ّ
*طيب ، تصبحي علي خيررر
_وانتي من اهله ....
( في جانب تاني )
_انا مبسوووطة حبيبي
* .....
_مالك ما بترد !
*مافي حاجة مبروك علينا اها كدا ارتحتي؟
_الله يبارك فيك حبيبي ، رايك شنو في اهلي؟
*ظريفين ماشاءالله
_مش قلت ليك هههههههه
*يلا ننوم
_لسه بدري حبيبي
* من عمرك
_ما عاجبني انت اليومين ديل
*مافي حاجة يلااا
_في من يوم كوركتا فيني
*عايني لو عايزة تنكدي علي نفسك في يوم زي داا ، استمري في اسألتك دي
_لالالا خلاص
*اقفلي ...
_ي يوسف دقيقه قبل تقفل عندي سؤال عايزة اسألوو
*خشي في الموضوع طوالي
_العقد متين ؟
*قبل اسافر حنتم كل حاجة ، سلام
_بجد ، طيب طيب سلام ..
( بالجد انا مستغربة كيف الزول ممكن يفرح بي حاجة اصلاً من البدايه ما كانت ليهو ولا كانت حقتوو ، كيف يفرح بالبساطه دي ؟
الحاجة طالما م كانت ليك من الاول عمرها م حتكون ليك في يوم من الايام ، وان كانت ليك ما حتدوم ليك .... )
صحيت الصباح زي الساعه 6 ، صليت صلواتي الفاتتني كلها ، كنست البرندة و نضفت القدامي كلوو ، وطلعت الدكان اشتريت بسكويت ، جيت جهزت الشاي ، انتهيت كداا لقيتهم صحوو ..
_ دا شنوووووووو حنونة
*خشي حمامك خشي
_ياخي انتي عارفه انا متين نفسي في قعده زي دي ، ياخ بالجد صباح زي الصباح ، يلاااا اخلص واجي ..
*يلااااا ... قاعده منتظراهم بالشاي ، اتصلت علي مي اختي ..
*ميوش صباح الخير
_صباح النور ، لالا ماشاء صوتك اتحسن شديد
*انا اساساً كويسه حمدلله
_كان كويسه ما بعرف لكن للاسف انا ما بتحكي لي حاجة بس ما دا المهم ، المهم انك تكوني بخير ما اكتر من كدااا
*لا ما كدا يا مي بس ما بيصادف اننا نتكلم مع بعض فاا م تزعلي انا م بقصد شي ..
_ ي بت عادي ، المهم ابوي جاي
*اها تمام
_ دا شنو ! ليه تمام دي كدا ؟ ما حتجي ؟
*لا ما جاية انا هنا مرتاحه
_بس بيتك معانا يا حنين وانتي عارفه ابوي لو جا ما لقاكي حيطربق البيت علي راسنا
*والله دي ما شغلتي يا مي
_كيف يعني انتي مالك اول مرة م تفرحي لجية ابوي يا حنين !
*مي ممكن نقفل الموضوع دا ؟
_لا يا حنبن لازم تجي عشان ابوي ما يزعل
*مي انا ما بيفرق معاي زعل زول ، ابوي ليه ما عمل حساب لي زعلي ليه م عمل حساب للدنيا دي ممكن تعمل في شنووو ، انا ما حأشوفو ليوم القيامة م لم يوريني انا اهلي منو وقصتي شنو في الدنيا دي ، كفايه لحد هناا يا مي ، و ما تردي علي كلامي داا عليكي الله خليني اتهنى بباقي اليوم دااا ...
_طيب ، لبعدين برجع ليكي
*تمام ....
🐓°°°
يتبع .....
