_طيب اوعديني ما تكلمي زول واوعدك اعاملك كويس والله يا حنين م اغلط عليكي تاني ارجوكي يا حنين ما تفضحيني ..
*انتي ما خفتي الله فينا ! هو دا همك ان ما في زول يعرف ، حتي لو انا ما اتكلمت هو حيتكلم ،ما براكي الحتضيعي انا كمان حأضيع معاكي ،مقابل اني استرك حياتي انا حتضيع اكتر ما هي ضايعه ،انا زنبي شنو ادفع تمن تفاهتك وقلة ادبك و سرمحتك ، انتي بالذات يا متاب انا ما شفت منك خير ، يخليني استر عليكي مقابل حياتي ، انا براي فيني المكفيني ، فيني الفةق طاقتي ، انتي كيف تعملي كدااا كيف بس كيييف يا متاب ..
_حنين وريتك اني غلطت خلاص حتأنبيني لحد متين !
*مشكلتك انك سطحيه بتعايني لنفسك بس ، ما بتفكري انحنا ممكن يحصل لينا شنو او بمعني اصح انا ممكن يحصل فيني شنوو !
_حنين انا بس دايرة اعرف انتي عرفتي من وين وهو بهددك انتي ليه ! و بعدين الموضوع دا قديم ..
*هو شنو القديم ؟
_موضوع عماد قديم !
*استغفرالله العظيم يا رب استغفر الله قومي امشي اطلعي عليكي الله يا متاب ما عندي طاقه للكلام الفيني كملت اقسم بالله ، قومي امشي ، قومي ..
_حنين وريني عرفتي عماد من وين وكيف الموضوع دا ليهو اكتر من تلاته شهور !
* متاب حالياً م بقدر اتكلم ، امشي بس خليني مع نفسي شوية ، الموضوع ما ليهو حل..
_وريني بيهددك بشنو مقابل شنو وريني !
*متاب بتعرفي الناس الاتقدمو لي من يومين ديل ناس منو ولا تبع منو ؟
_هسي دا علاقتو شنو بسؤالي !
*ماليهو علاقة ، جاوبي لي
_امي بتعرفهم انا ما بعرفهم كويسّ
*طيب ، اطلعي لو سمحتي ...
_طيب يا حنين ..
فعلاً الموضوع م ليهو حل., لمن يكون في انسان عايز يضرك ما بيحتار مافي اسهل من الاذي في الدنيا دي ، رفم اني اخدت الموضوع ببساطة و استهتار من عرض استاذ عماد الا اني ابتديت احس بالخوف شديد ..
في عز الحاصل دلا ، انزكرت مريم اغرب شي ما اتصلت علي نهائي ، و هي ما بتعمل كدا الا لمن تكون واصله مرحله من الزعل الشديد داك .. اتصلت علبها كتير ما ردت وانا عارفه انها ما حترد ...
بعد معاناة انتهى اليوم الثقيل داا ،
صحيت الصباح ما عارفه وضعي حكون كيف في الشغل ، عامتاً لمن بيكون في اي مشكله وانا ما حاضرة بيرسلو لي مع مريم بتنبهني .. قبل اللبس قلبي اكلني قلت اتصل عليها لعل وعسى ترد ، فعلا ردت من اول جرس ،قلت ليها ، وينك ؟قالت لي طالعه من البيت ، قلت ليها نتلاقى بعد عشر دقايق في مكانا ، قالت لي تمام ، قمت لبست ، وانا طالعه مي قالت لي تعالي افطري معانا هي وامي ، قلت ليها مستعجله و مريم منتظراني في الشارع ، متاب عاينت لي زي الدايرة تقول حاجة و مترددة ، م اتكلمتا معاها طوالي طلعتا .. لقيت مريم منتظراني كالعاده ،، سلمت عليها م سلمت علي كويس وظاهر فيها زعلانه شديد ، قلت ليها :
* انتي كمان زعلانه يا مريم ، الدنيا دي بي كبرها و بي حالها دا زعلانه مني اتخيلي ..
_زعلي حيفرق معاكي كتير يعني !
*ليه ما بيفرق معاي ، مريم انتي عارفه كويس انتي بالنسبه لي شنو ، فا لمن تزعلي مني ما تلخبطي مكانتك عندك بالزعل ..
_لا بدخل مكانتي عندك يا حنين ، لانك ما بتعتبزريني صحبتك ، لو بتعتبريني كان حكيتي لي كان شاركتيني كان استشيرتيني
* يعني انا ما بحكي ليكي ؟
_لا بتحكي بس بتحكي الدايراني اعرفو
*اخس عليكي يا مريم والله ما كدا بس بالجذ انا حملتك فوق طاقتك و طوالي بحكي ليكي مشاكلي م حصل حكيت ليكي حاجه تفرح صداقتك لي زاتا كئيبه و تسد النفس .
_لا حول ولاقوة الا بالله ، حنين شوفي م بسمح ليكي تقولي كدا فاهمه ولالا وانتي اختي قبل تكوني صحبتي .
*طيب اختك الكبيرة ولا الصغيرة هه
_تصدقي انك حيوانه يا حنين و براكي بتكوسي النكد و الضيق بتفتشي ليهو تفتيش
*اتعودتا ، طيب انا اسفه حقك علي
_ممممم بس كدا ؟
*دقيقه اعملا ليكي سندوتش
_حقيرة يا حنين صراحه كدا لا وكمان اتعلمتي ليكي مساخه جديده ..
*هههه ياخ عايزة اضحك معاكي ، نفسي اضحك دي مستحيله ؟
_لا ما مستحيله
* جيبي بوسه تراضي
_لا ما لم تحكي لي الحصل شنو بالتفصيل الممل ..ّ
*حتعرفي ، بس دايرة اسألك عن استاذ عماد ، امس بعد انا مشيت ، رسل وراكي قال حاجه ؟
_لا ابداً
*ولا انفعل ولا اتزهج في زول ؟
_ابدا والله دا شكلو مبسوط لمن زاد الرواتب 50% ، بس لعملاء الاجهزة .
*كذاااااابه ، 50 مرة وحدة ، وعملاء الاجهزة ديل احنا ! اووووف
_والله دا الحصل ، والليله حيسلمونا طقم جديد
*ليه ؟
_قالو كل 3 شهور كدااا
*اهاااا ، طيب والله م لي مزاج امشي الجامعه نعمل شنو ؟
_نمشي اعزمك فطور و عصير كدا و نتكلم علي رواق و في حاجة انا عايزة اقولها ليكي بخصوص يوسف يا حنين !
*يوسف !
_ايوة يوسف .....
🎀°~
يتبع ....
