نهائي ما التفت وراي ولا حاولت اعاين ، احساس اني خايفه التفت لي وراي واشوف يوسف ، كنت بحاول اقنع نفسي ان العمل كدا معاي دا ما يوسف حبيبي ، م بقدر اشوف خايفه يطلع هو ..
وقغت اقرب عربيه و ركبت فيهاا ،، فتحت شنطتي عشان اطلع التلفون واقول لمريم تستأذن لي ما بقدر اجي الشغل ، لقيتا بتتصل علي ..
* ايوة يا مريم
_ وينك انتي يا حنين شوفي انا متصله عليك كم مرة ياخ..
*معليش م كنت سامعه التلفون ّ
_انتي كويسه ! وووينك انتي ؟
*انا راكبه العربيه
_طيب منتظراكي
*لا مريم ما بتقدري تاخدي لي اليوم دا اجازة ؟ عشان مصدعه !
_لا يا حنين تجي وتخليني اشوفك انا من قبيل قلبي دا ماكلني اكل و ما مرتاحه ، تعالي انا كلمتو انك عندك ظرف اخرك كلها كم ساعه و تمشي البيت ..
*اففف طيب يا مريم جايه ..
_منتظراكي ..
..
قفلت منها و يوسف ما رحمني بالتلفون اتصال ورا اتصال ، انتو متخيلين الحب لمن يقلب اشمئزاز ، ياخ كان ممكن يعمل فيني شنو بالقساوة والوساخه دي ؟
موجوعه و قلبي دا مولع نااار وحات الله ، يعني انا من غير شي يومي مدبرس من موضوع سفرو ، لمن يجي يعمل معاي كدا ، معناتو هو اصلا كان خاتيني في راسو للفهم دا ، ما عاملني ع اساس اني ممكن اكون مستقبلوو ...
طول السكة بغالط و بناقش في نفسي ، لمن وصلتا الشركة ..
مع دخلتي لقيت استاذ عماد في وشي ،كدا اليوم كمل معاي ، قلت ليهو السلام عليكم و دخلتا ، قالي بعد ازنك تعالي لي المكتب ، قلت ليهو انا ؟
قالي ايوة ، قلت ليهو بس اصل مكتب العملاء واجي حابي اجيب معاي اي معلومات ولا اوراق العرض ؟ قالي لا و مشى ..
دخلت سلمت علي مريم ، قلت ليها استاذ عماد عايزاني في المكتب ومالي خلق محاضراتوو ، قالت لي خليكي من استاذ عماد ، كنتي وين انتي كل دا و لا صوتك ولا تصرفاتك يا حنين عاجباني ، وتلفونك دا بيرن و دي رنة يوسف الخاتاهو ليهو ، ممكن افهم في شنو ؟
قلت ليها مريم والله انا ما رايقه و استاذ عماد منتظرني ما عايزة اتاخر ما حمل بهدله منو انا، خليني امشي واجي نكمل ..قالت لي تمام ،، مشيت المكتب خبطت و دخلتا ..
* سلام عليكم
_ تعالي يا حنين
*اتفضل
_اتفضلي انتي اقعدي
* م مشكله كدا مرتاحه
_لا مطول في الكلام معاكي
*طيب اتفضل
_ هو الموضوع شخصي و يمكنرمناقشتو هنا ما مناسبة ، بس حابي اتكلم معاكي .. اا زي ما شايفه هنا في الشغل مافي زول بيعرف عني حاجة شخصيه ، بس حابي اوريكي انتي ،، اا انا ارمل من سنتين ونص و عندي بت عمرها خمسه سنوات ، و بصراحة فككرة الزواج دي انا كنت مستبعدا نهائياً ما داير اجيب لي بنتي مرة ابو تعزبا او احس اني ظلمتها و لاقصرت معاها او يمكن تعاني بي سببي ، بس لقيت نفسي اني واقع في حب انسانة من غير ما اشعر و هي مقارنة بي صغيرة ..
*ما انكر اني مخلوعه انت ليه بتحكي لي انا بالذات تفاصيل زي دي بس كمان م بنكر اني مبسوطه بسماعك يعني ، بس الحب ما كل حاجة وقبل تفكر في الزواج فكر ف ان الانسانه دي ما تظلم بنتك ولا تسئ معاملتها و ....*قاطعني
_انا واثق من انك ما حتسيئ معاملتها و انا عن نفسي ما حأحملك مسؤليه حتكوني معززة و مكرمة و لو دايرة عشرة خدامات بجيبهم ليكي تحت رجولك ..
* انااااااا ! انا علاقتي شنو يا استاذ عماد ؟
_انتي الانسانة البحبها وماداير غيرها ، انتي الغيرتي لي تفكيري وخليتيني ارجع افكر في الاستقرار من تاني ...
( في جانب مريم )
تلفوني كان جمبها و بيرن كتير ، فا قامت ردت علي يوسف .. مجرد ما فتحت الخط يوسف بدأ يتكلم ..
_ حنين ، حنين ما تقفلي السكة و الله انا اسف اسف انا ما عارف عملت كدا كيف ولا كنت بفكر في شنو وقتها بس والله الشيطان ، انا زي الما كنت واعي يا حنين ، عليكي الله اعفي لي انا عارف العملتو دا ممكن يزعلك مني شديد و ما تسامحيني فيهو بس ارجوكي ما تخلي علاقتنا تتأذي و لا تتأثر ، ردي علي حبيبي ، حنون شاكليني بس ما تسكتي كدا والله لو ما قلتي لي مسامحاك ما حقدر اسافر انا اسي في المطار الوووو ... الوووو ...
*احم ،اااا ايوة يا يوسف انا ما حنين ، انا مريم ،
_ ممم م مريم ! حنين وين ؟ حنين كويسه ؟
*ايوة هي كويسه بس بعيده مني والتلفون كان جمبي انا اسفه اني سمعت كلامك بس انا فعلا كنت محتاجة اعرف حنين مالها و كنت حاسه انها ما حتحكي ، بس اسمعني يا يوسف كان طلعت عامل حاجه لي حنين ، احسب الله ما خلقك ! قلتو ليك ،، عن اذنك ..
_لالا دقييقه يا مريم اسمعيني ما تقفلي ، كلمي حنين خليها ترجع لي ضروري تكلمني انا في المطار ولازم اتكلم معاها قبل اسافر عليكي الله ساعديني خليها ترجع لي ضروري يا مريم...
*تمام ...
في جانبي ، كنت مخلوعه شديد ، يعني كلام مريم عنه طلع صح ،، دا شنو دا مستحيل هو كيف يفكر فيني كدااا ، ( استاذ عماد م كبير للدرجة يعني عمروو 35 تقريباً ، ولا حتي ظاهر في شكلو ) ..
قلت ليهوو انا اسفه بس لو تتذكر يوم جيت طلبت منك شغل و قلت لخطيبي، صراحه انا بحبو و عندنا فكرة مشروع زواج قريب بأذن
الله ، فاا انا اسفه بالجد .. ممكن امشي ؟
_ امشي لكن ما قبل ما تشوفي الصور دي يمكن تغير رايك ..
*صور شنو ؟
_ما تستعجلي بس اوعديني بعدها انك ما تترجيني اني اوافق اتزوجك !
*بصراحه ما فاهماك والله ممكن توضح اكتر كلامك دا لي انا ؟
_اتفضلي شوفي وانتي حتفهمي براكي ..
* اممم دي منو ! دااااا شنووووووووو القرف داااا ، انت واحد ما محترم ، دا شنو ؟
_الواضح ان الوش ما ظاهر ليكي كويس ،شوفي اللقطه دي وعايني ليها كويس واخدي راحتك والتلفون في يدك و كان فكرتي تمسحي اي صورة من الصور ديل ، عندي فلاااش مليااااااااان !
*لالالالالا ممم مستحيل ،ممم لا ممكن ، ما بصصدق ، كككيف كيف الصور دي !
😥«~
نقصتكم حلقتين الليله ، ما قدرتا اكتب ، عندنا سماية ( حقت فارس ود اخوي متزكرنو ) عقبال حبايبكم كدا يا رب
لحد بكرة بأذن الله حعوضكم ..
يتبع .....
