-٢٤-
بقلم /سحر سمير ...
نمت علي كدااا ..
صحيت الصباح علي نفس برنامجي اليومي ، بس الفرق ان الجمعه و انتو عارفين الجمعه عندي بتبقى كيف ، بس الغريب في الامر ان صحيت و لقيت البيت مرتب لمن بي بخورو ، و فطرو و فطوري مغطى في المطبخ !!
واقفه في المطبخ ، جاتني مي
قلت ليها رايقه الليله يا ميوش ، قالت لي رايقه شديد ، قلت ليها ماشاءالله روقتي كل البيت براكي كان تنتظريني !
قالت لي :
_اناااا !
_اانا زيك واحد صحيت قبل دقايق و لقيت البيت كدااا ، بتكون امي
؛غريبه ! طيب اسي سالتك رايقه قلتي لي رايقه شديذ حاصل شنو ؟
_مبسوطة يا حنونة
*حتحكي لي ولا حتشوقيني و تخليني كدا ؟
_ححكي ليكي اكيد ، ياخ بصراحه كدا يا حنونة انا عندي زول بحبو لي فترة ، والزول دا امبارح اعترف لي ، لا و ما اكتفى بكدا كمان ، قال داير يجينا البيت انتي متخيله معاي !
*ووووبعلي مي ، ياخ فرحتا ليكي يا سلااام ياخ انتي تستاهلي كل الخير اللي في الدنيا و بالجد انا حأعمل ليكي في عرسك دا الما اتعمل لعروس قبلك ، بالجد احلا خير سمعتو من الصباح ..يارب لك الحمد
_حنين انا عارفاكي حتفرحي لي بس صراحه ما اتوقعت تفرحي لي للدرجة دي ..
*انت اختي وروحي يا مي كيف ما افرح ليكي ، المهم ربنا يسعدك ،، اسمعيني انا طالعه مع مريم وتوته و غايه لو حابه تجي معاناا .. ( فجاه جات متاب و قاطعتنا )
قالت لينا علي وووووين العزم كداااا ؟ سامعه طلوع و مريم وفلانه وعلانه ، وانا ما اختكم ..
قلت ليها انتي عارفاكي ما بتحبي صحباتي يا متاب ،، قالت لي انا دايرة اطلع بس طلعه علي كيفي انا ما لي دخل بصحباتك ديل ، قلت ليها علي كيفك كيف يعني ؟
مي قالت انا الليله اوف قاعده ما عندي حاجه نطلع طوالي.. متاب قالت ليهاا انتي منو العازمك ، انا سايقه حنونة بس ، و نضفت البيت و زبطت كل حاجه حتي الغسيل غسلتو ليهاا ، عشان م يكون عندها حجة ...
مي قالت ليها انتي وحنين ؟ والله ما قادرة اصدق حصل شنو في الدنيا يا متاب !
قالت ليها مي انتي مالك اصلك كدا واقفه لي علي الوحدة ،، قلت ليها والله يا متاب انا طالعه مع مريم والبنات متفقين من اسبوع عشان كداا ما بقدر اطلع معاكي لو حابه انتي تعالي معاناا .. قالت لي بتخلصو متين ؟
قلت ليها ما عارفه والله لكن صحباتي ظراف انتي بس عشان ما جربتي تقعدي معاهم عشان كدا ما بتحبيهم ، لو قعدتي معانا مرة حتحبيهم ... قالت لي طيب نقعد معاهم حبه و بعداك نمشي مشواري .. قلت ليها تمام ..
صراحه انا مستغربه فيها ، ما بعرف ما مرتاحه لي قلبي ناقذني شديد ، بس يمكن دايرة تصلح علاقتنا ، او تطمن اني ما حأحكي لي زول عنها ، في كل الاحوال نشوف البيحصل شنووو ..
( في جانب تاني )
*امي انتي اكيد ما جادة !
_لا جادة يا زين ، البت معقول حتقول كلام ساي كدااا ، واصلا انت المقعدك شنو في البيت انا ما طلعت الا لاني متاكذة انك بتطلع الصباح بدري
*يا امي في بيتي م اخد راحتي كمان ؟
_ايوة معانا بنت قاعده.
*امي البت دي لمن انا كنت مسافر كانت بتعرف ليكي درب ؟ اصلا هي ما بتجي الا لمن انا اكون قاعد ، انا لو في زول كرهني في اجازتي دي حتكون بت اهلك يا امي ..
_يعني انت ما عملت كدا ؟
*امي ! سوالك دا بيقلل مني ومن تربيتك لي وين ثقتك فيني ؟
_طيب البت بتكذب يعني ؟
*مفروض براكي تعرفيها ، انا ساكت احتراما لبنت خالتك( البنت البتكلمو عنها دي امها تبقي بت خالة ام زين فا البت بتكون واقعه بت خالتو ) و ما عايز اتكلم عشان الكلام اصلا ما بيتقال ولا صح انه يتقال ، عشان كدا البت دي خليها تمشي اهلاا انا ما ناقص
_هو شنو الما بيتقال !
*امي م مهم بس زي ما بتثقي فيني خليكي علي كداا ، و ياريت تخليها تمشي بيتهاا
_خلي عرس ود خالك دا ينتهي ، بتمش
*تمام ..
جات الساعه 2 جاتني متاب اهاا حتطلعو متين ؟ قلت ليها لسه متفقين الساعه تلاته ، قالت لي امممم كدا حتتاخرووصح ، قلت ليها ما معروف زي م اتفقنا اذا طلعت بدري بكلمك ،، قالت لي تمام و طلعت ..
جات الساعه 2:33. طالعه ماشه الحمام ، لقيت متاب واقفه في الحوش بتتكلم تلفون ، بتقوليهو :
انا بوصلا ليك لحد المكان الاتفقنا عليهو و كأنك انت سواق امجاد عشوائي انت حتتعمد تقيف لينا طبعا حكون مواصله معاك بالواتساب و قدامها انا ما بعرفك ، ولا انت بتعرفني انا حنزل بأي حجة من الامجاد ، و انت دووور ،و امشي بيها محل داير ، و حنين حلالك ، بس اليوم ما ينتهي الا مع نهاية ....
🙊»~
م تنسو تشتركو في مسابقه القصه القصيرة مع ساجدة ، ابدعووووو شديد و انجحو جداً 💪 ، والمحتاجة حاجة تجيني 💜 الخاص يسع الجميع ...
