اخدنا لي امجاد ظريفه كدا ،و مشينا علي بيت ناس ندي ، الليله ما عارفه يومنا دا مالو ما تامي كداا مشاويرنا كلها مقطعه .. و الليله دايرة امشي بيتنا بعد اطلع من ندي و حتي مي مطوله مني شديد و ما عوايدااا ..
( في جانب يوسف )
_ ممكن اعرف في شنو ؟
*انتي شايفه شنو ؟
_يوسف انت فاهمني كويس ، من خلصنا العرس و انت قاعد في مكانك دا كدا كلمة ما قلتها لي ، مبروك ما قلتها لي ..
*طيب مبروووك
_مبرووك بالبرود دا يا يوسف! شكلك حنيت ليها صح
*تحبي اقولها ليكي كيف ؟ يعني بذمتك انتي اسي قادرة تفرحي ، طعنتي صحبتك ورا ضهرهاا و انا طاوعتك زي الاهبل
_يوسف م ترمي غلطك علي انت لو عينك مليانه بيها زي م كنت بتقول لي لا انا لا عشرة زي يأثرو عليك ، انا م خنت صحبتي الزواج قسمة ونصيب و دا نصيبي معاك
*نسيتي قلتي لي عنها شنو ؟
_طيب وانا كذبتا يعني ما بالجد لقيطه لحد يوم الليله ما عارفين ليهاا اهل و دا جزاي اني فتحت ليك عيونك قبل تدبس في وحدة بت حرام
*غااااااااااية اوعك تغلطي عليها فاهمة ولالا اولاد الحرام ما الا يكون ما عندهم اهل ، في اولاد حراموطالعين من عوائل واسر محترمة لكن هما اولاد حرام بيتصرفو تصرفات اولاد الحرام ، و اقفلي الموضوع دا عشان ما انكد عليكي اول يوم في شهر العسل حقك ..
_لمن انت عارف ان ان اولاد الحرام ما الا يكونو م عندهم اهل مالك اتجرستا يوم ورينك حقيقة حنين ومشيت براك اتصلت وسمعتها فارغ انا م جبرتك علي شي براك كنت زي المتسبب ، في اقل من شهر وقعتك
*وقعتيني ؟
_ايوة
*غاية والله لو ما عامل حساب لامك وابوكي انا كان طلقتك اسي دي ، عشان كدا لمي لسانك ...
_انا عارفه كويس الحارقك ، شوفتك ليها امبارح في عرسنا كتلك عشان حلوة والناس كلها بتتكلم فيها و في جمالها شفت امك كانت بتعاين و تتحسر علي حظك الوقع معاي كيف
*كويس عارفه انتي شنو ، و حنين شنو ؟
_وانت شنو ؟
* و انتي طالق .....
و صلنا بيت ندي ، و انحنا داخلين ، شفت راجل عجوز ، م بعرف بس عندي حنين للناس دي بطريقه ما عاديه ، خليت ندي وراي و جريت عليههو ،، قلت ليهو سلام جدو كيفك وين ماشي اوصلك ؟
رفع راسو عاين لي مسافه ، قلت ليهو سبحان الله. يا جدو ربك لمن يريد بيوالف ، قالي شفتك وين قبل كدا ؟ قلت ليهو انا ما نسيتك انت نسيتني وكوني الاقيك مرة تانيه دي كانت امنيتي ، يقنتني بنصايح و حاجات انا كل يوم بتزكرا و بقولها و بدعي ليك ،، كدا ما اتزكرتني ؟
قالي متزكرك يا بتي يس ما قادر استحضر كويس انتي عارفه الكبر ليهو اثر ،، قلت ليهو طيب اتلاقينا في المواصلات تتزكر كنت قاعد جمبي ، قال لي يا سلااااام دي انتي ، اها انتي كويسه اسين قلت ليهو حمدلله ، عشان ما اوقفك كدا وريني وين بيتك اوصلك ، قالي هداا ليهوو!
قلت ليهو وين ؟ قالي ياهو داا ، قلت ليهو داااا ! قالي سمح ادخلي معاي ،، قلت ليهو انت جد ندى ؟
قالي انا جد نور ، نور نور ،، قلت ليهو نور ! اتزكرت كلام حبوبة ندى كانت بتقولي وينا نور ! اتزكرت كمان كلام ندى لمن قالت لي جدي بيحب حبوبة شديد لدرجة بطفش من البيت عشان ما يشوفها كدااا .. قلت سبحان الله فعلا الدنيا ما ضيقه ، لكن ربنا بيجمع تحت مسمى الصدفه ..
قلت ليهو سمح ارح انا زاتي جايه عندكم .. و مريم دي بس تعاين فيني و ما ناقشه اي حاجة ...
دخلنا و خبطنا الباب الجواا ، فتحت لينا اخت ندى الصغيرة ، دخلنا ، وهو ابا يدخل معاي في الحته الفيها حبوبه ، عندي زي صالون كدا دخل عليهووو.. سلمنا عليهم
و طلعنا لي ندى فوق .. خبطنا ليها الباب و دخلنا ..سلمنا علي بعض و هي لسه راقدة ..
قلت ليها قومي علي حيلك دايرة اسالك ، قالت لي من زين صح ،، و قبل ارد بدت تتكلم ،، قالت لي انا ما بحبو و كنا مخطوبين خطوبة صالونات يعني توافق اهل وكدا وامور زي دي و كنت بحب واحد اسمو سامر و لمن اتخطبتا زعل وانفصلنا سنه واسي رجعنا لينا كم شهر و بحبوو شديد و حنعرس قريب بس ادعي لينا كتير ...
قلت ليها والله م دا الكنته حتكلم معاكي فيهو لكن ، حمدلله انك رجعتي للانسان البتحبيهو في الاخر ..
قالت لي سمح شنو ؟
قلت ليها ، تصدقي انا لاقيت جدك من فترة في المواصلات و اتكلم معاي ، و م نسيتو نهائي و الليله صدفه لاقيتو اسي وانا داخله ، و سبحان الله طلع جدك
، قالت لي كذابه كيف يعني كدا ؟
قلت ليها دا الحصل والله تصدقي ، بس ي نددي عندي سوال محيرني جداا ..
منو ، نور دي ؟
#استككانة🐥«~
يتبع ......
