-٣٣-
سحر سمير
_حنين ...! صاحية
_حنونة حبيبتي ما كفاية رقاد ؟ قومي
_قومي ، مي جانة عايزة تتكلم معاكي جاتك مرتين لقتك نايمة قلقانه عايزة تكلمك ..
*هاا مريم
_حمدلله ،اخيراً رديتي ؟
*اح احم
_تشربي موية ؟
*لالالا
_كدي الحمدلله الحمة راحت ، حاسه بحاجة ؟
*لالالالا انا بخير ، خالتو وين ؟
_طلعت قبل شوية مع جارتنا عايزة حاجة ؟
*لالا ، كدي اديني تلفوني اتصل علي مي
_ هاكي ....
* ....... دي مالها ما بترد ....
* الووو ايوة يا مي
*كويسه حمدلله ،كيفكم انتو ؟
*لا انا بخير ،اتصلت اطمنك بس
*طيب خليها بكرة ماغي داعي تجي اسي بكرة باذن الله اطمني ...
*طيب في امان الله ....
مريم _ انتي كويسه ؟
*لحظة ... كيف اسوي فورمات للجهاز ؟
_لشنو تحديداً؟
*الصور و الارقام
_اهااا ،، جيبي اسوي ليكي ،والارقام غيري سريحتك بكرة نجيب وحدة
*لا م عندي حاجة تخليني اغير رقمي
_ اهاا طيب .. احذف كل شي ؟
*ايوة .... انا جعانه يا مريم ...
_الاكل جاهز ، قومي اخدي حمام كداا و تعالي ..
*طيب ...
( في جانب تاني )
_ خير ..!
*خير ، بس اتصلت عشان أقوليك اني عرفت انها عيانه عشان كدا ما بتجي
_عيانة عندها شنو ؟
*ماعارفه
_تمام ، سلام ..
*لالالا عماد لحظة ما خلصتا كلامي انا
_احكي بسرعه
* والله انا ما عارفه اقنعا كيف توافق بيك وهي اصلا ما قاعده معانا في البيت ليها فترة
_كيف يعني ؟
*كداا بس احتمال ترجع لانو ابوي حيرجع في اليومين دي كان جا ما لقاها بخربا فوق رؤسنا ..
_كيف تقعد برا البيت ، يعني ابوك حيزعل و امك عادي ، و انتي مش قلتي لي قاعدين معسكر عشان الامتحانات و اسي فجاه عيانة و ما قاعده معاكم ، متاب اسمعي هنا انا ما شافع قداك فاهمه ولالا و امور اللولوة دي ما بتاكل معاي ..
*ما لولوة والله بس في حاجة انت ما بتعرفا
_شنو هي ؟
*حنين ما اختي شقيقتي و .....
_كيف يعني ؟ دا كلام شنو ؟
*انا من قمتا لقيتا معانا بس مافي زول بيحكي قصتا لا امي لا ابوي
_كيف الكلام دا ، دا تأليف جديد منك يا متاب عشان اتراجع عن الفي بالي صح ، لكن دا بعدك ، انا حأعرسا غصباً عنك و عنها فهمتي ولالا ؟
*انا ما ميتة فيك ما تكون وهمي عشان ربنا رزقك بالمال والجيهه تفتكر ان مافي احسن منك ، شئت ام ابيت في النهاية زيك زي اي واحد تافهه بقيف بي عربيتو بيصطاد البنات المحتاجات قروووش بتضحك عليهم بكم كلمة عشان كم ليلة مقابل كم قرش .. عسان كداا ارجع قالبك و م تنسي نفسك ، و نفس الطين الاتخلقتا منو انت ، انحنا كمات ربنا خلقنا بيهوو ،عن ازنك .....
_الكلام دا لي انا يا متاب !
_الوووووو
_الوووووو
_الوووووو بت اللذين ، تقفلي فيني انااا ...
_حنين انتي ما حتتكلمي معاي حتفضلي ساكته كدااا ؟
*امن عايزاني اقول ليكي شنو يا مريم ؟
_ما عارفه بس اتكلمي معاي م تسكتي كدا ما نفسك تحكي معاي ؟
*مريومة ، انا عارفه انتي عايزة شنو ، انا بخير و عقلي كمان لسه بخير اتطمني و انا اليوم في افضل حالاتي كان قلت ليكي ان ما حصل كنت بالراحه دي قبل كدا حتصدقي ؟
_لا ما حصدق يا حنين بتغشي علي عشان تطمنيني ساي
*انا يا مريم ضعفت كتير و ظلمت نفسي و دايماً كنت بعتمد علي غيري ما حصل اعتمدت علي نفسي الا في حاجات بسيطه ، ودي غلطتي واسي اتعلمتا ، حاجات غيرتني شديد يا مريم ، اتطمني انا ما مكسورة ولا حزينه انا كويسه شديد ، كون خالتو سعدية (ام مريم ) كونها تاخدني في حضنها و تقرا لي وتسهر فوق راسي ، دي كفيلة انها تنسيني اي لحظة فاتت انا كنت حزينه فيها ، كفايه وجودك جمبي كفايه حبك لي يا مريم ، انا هنا بحس بي دفا بحس بامان بحس براحه م بتحسسوني اني عالة عليكم ّ...
_عالة هئ انا بخاف يجي يوم تقولي عايزة ترجعي و تقطعي لي راسي و نرجع انا وامي تاني نتفرج في بعض ونعاين للحيطان ، اووف كل م اتخيل كداا بزهج شديد ..
*انا وحدة منكم م بقدر اعيش من غيركم ، فراقكم و غيابكم دا البهزني و يقتلني ..
_اتجاوزتي ؟
*من يومها ..!
_من يوم شنو ؟
*#قبلة_الموت
_شنو ؟
*العملو معاي في اليوم دااك و كل مشاعري الحلوة تجاهو ابتدت تتلاشى ، حتي بعد رجعنا م كنت زي الاول ، بس كنت بشوف فيهو الوطن ، و زي القشة و انا كنت غرقانه و كنت فاكرة انو حينتشلني من غرقي ..
هنا انا عرفت اني غلطانه ، غلط كبيرر، اني اعتمد علي شخص غير شخصي دا ضعف ، بس الضعف دا اتحول لي قوة يا مريم ، و اليومين الرقدتهم ديل ما كانو من فراغ ، استعدت فيهم قوتي و توازني ،،
_بالسرعه دي لكن ؟
* في حاجات يا مريم بتحصل في العلاقات صعبه اشرحا ليكي ، بس بتدعي فيها الغباء ، لمن زول يستصغر عقلك وانت فاهم بس عانل فيها غبي عشان احترامك ليهو ما يقل لمن تصل مرحله تحسم كل دا و يرجع كل زول لحجمو الطبيعي .....
الدنيا ما بترجى السكات والفيها ما عاد ينضمن ..ّ 🐾..
ّيتبع ....
