قبلة الموت

43

زين : في شنو يا بت !
ندي عاينت لي مريم ،هما الاتنين عاينو لبعض في نفس اللحظة بمعنى اصح ..
ندي : بت اهلك الكنت بتحكي عنها و مشيت حضرت العقد حقها كان قلت لي اسمها منو ؟
زين : اسمها غاية ، ليه ؟؟
ندي : مروة صحبتكم اسمها منو المشيتو حضرتو العقد حقها ؟
مروة : للاسف اسمها غاية !
ندي : اووووووووف يا ربي استغفرالله ، دا شنو البيحصل دااا يا ربي اوووف اوووف اتا شخصية زي شخصية البت دي عمرها ما لاقتني ولا حتلاقيني اووف ياخ
زين : ندي في شنو فهميني و بتعرفي غايه من وين ، علذثي ما ازكر هي مرة وحدة يوم جات في خطوبتنا ..ّ
مروة : انتو مخطوووووووبين 😳😳😳 ؟
ندي : لالا دي قصه طويلة يا مروة
مروة : اليوم دا م بعرفو غايتو حمدلله
زين : فهميني
ندي : تعال معاي برااا
زين : طيب ....
ندي ساقت زين و طلعو براا ، رغم اني كنت سامعه كل الكلام الاتقال ، بقيت كداا ف حاله غريبه للحظة حسيت ان حياتي دي لعبه زي الكورة كل زول يشوت بي اتجاه ..خلونا نعمل فلاش باك لمحادثة قديمة عشان تكونو مواكبين الاحداث ..
*فلاااش باك *
( في جانب تاني ، محادثة facebook)
_الوووو
_الووووووو
_زوزو شايفاك اون لاين مالك ما بترد علي
_ والله انت حقار
*اهلين ، ازيك ؟
_يا بياختك
_من قبيل بكتب ليك مالك م بترد
*مشغول
_المشغول ما بدخل الفييس
_الووووو.. رد
*مشغول في الفيس زاتو
_امممممم تمام
_ما حددت حتجي السودان متين ؟
_الوووو زوزو
*لسه
_اهاااا طيب لمن تجي ادينا خبر ..
_ اممم ناس خالتي كيف ؟
*تمام
_قلت ليك ناس خالتي كيف ؟
*ناس خالتك جمبك بتسأليني منهم انا البعيد!
_امم اااا ، اا اي هه صح لمن تمشي ليهم بقوليها سوقيني معاك بس بتفاجأ بيها مشت وانا ما عندي خبر ...
_عشان كدا سألتك عنهم
_الوووووو
_ الوووووووو
* تمام
_ اها انت ما ناوي تجي علي عرس في اجازتك دي ؟
_ولا شنو ؟
_اها شكلو في وحدة صح ؟
_كان في وحدة عادي ورينا نخطبا ليك من اسي ولا شنو ؟
_الوووووو
* عن ازنك .....
( هين ياا اااا ، اتغلا بي راحتك من حقك والله ، لكن بوعدك وانا بت امي وابوي كان ما جبت راسك ما ابقى اناااا ، ههه اصبر علي بس ) ..
اتزكرتو المحادثة دي صح ؟
بس دي غاية كانت بتتكلم مع زين اللي هو زوز ، و هي بت خالتو اللي جات قعدت معاهم كم يوم لمن زين جا السودان و كانت بتحاول توقعو .. والمواقف الحصلت ديك كلها اتزكرتوها صح ...
*نرجع لأحداثنا *
بتكلم مع حبوبة ندى ...
بقول ليها حبوبه انتي حلوة شديييييد ياربت لو عندي حبوبة زيك ما كنت حخليكي كنت حتونس معاكي طوالي حتي لو الكلام الكنا بنقولو م مفهوم او م منطقي ،
ردت علي قالت لي انتي نور ؟
قلت ليها نور منو ؟ قالت لي ولاخلاص ولاخلاص انا دايرة اشرب جبنة لكن احمد ما بخليني امشي جيبي لي فنجان من المطبخ برااااحه وانا ما بوريهم وعد وعد وعد ولا اقوليكي خليكي نور تجي تجيبا لي ، يا حليلا نور المسكينة ، هي حلوة حلوة
هاكي دي خليها في رقبتك ( سبحتا) ، قلت ليها لالا حبوبة دي سبحتك ، قالت لي اوعي تقلعيها خليها بس كداا ، اها الجبنة ما مرقت ،، بقيت بعاين فيها شنو يا حبوبة الوصلك المرحله دي ،للحظة اتمنيت لو افقد عقلي زيها ، م دايرة اعرف اي زول من الدنياا دي ،،،
( في جانب متاب )
* عاين انا استحملت كتير بعد دا الداير تسوي سوي
_انتي قدر الكلام دا ؟
*اي يا عماد
_طيب بكرة ما تجي تبكي لي لمن تشوفي صورة منتشرة
*بطلتا ابكي من زمان
_حلوووو
* سلام .....
_ سلامين ........ ** وهنا غاية كانت بتسجل المكالمة بالرقم والصوت والله اعلم ناويه علي شنو .... بس عامتاً كدا التسوي بتضوقو يعني ...
( نرجع لي ندي وزين )
* والله يا ندي انا ما اتخيلت توصل للمرحلة دي حسبي الله بس لو في كلام يبقي علي يوسف دا ، معقول ما عندو كلمة ولا عندو
_ خليك من دا ، البت دي كانت باكيه فيك دم و عملت اي حاجة عشان تحصل عليك و فشلت ، و انا قلبي محروق علي حنين ، البت دي تعبت شديد ، ولازم قلبها يبرد ، وانت الحتبرد قلبها رغم اني ما عارفه اذا حتوافقني علي الكلام دا ولالا ...
*كيف يعني ؟
_يعني راحتا في يدك انت ّ
*ندي فهميني بالتفصيل ..

*جزئية معلقة لحين عودة*

🐒. ..

يتبع ...