جات متاب ، قالت لي
يطلع وين هههه امرك غريب والله ، اسي منو المفروض ينطرد من البيت دا ههه ؟
قلت ليها عندي باقي شغل دايرة.اتمو كلميه يطلع دقايق من الصالون يا متاب لو سمحتي ،، قالت ليهو هههه حوتا ، تعال اقعد هنا احكي لي عن الشمار داااا
قعد و ابتدو يضحكو بصوت عالي و يتونسو ،شلت الملايات و طلعتا ، امي قالت لي خلصتي ؟
قلت ليها لا ، محمود ومتاب قعدو لي في الصالون .. قالت لي هما دايرين ياكلوكي ولا شنو ما فاهمه يعني ؟
قلت ليها ما بعرف اشتغل و وهما قاعدين كلميهم يطلعو عشان افرش كلها دقايق، قالت لي دا دلع منك و امور بنات ساي ، كان خجلانه من محمود ، محمود دا ولا بعاين ليكي ( في سري قلتا صحي كلامك ، قدام اخواتها بتحب تبشبع بي طوالي و انه بناتها مافي احلا منهم عشان اخواتا طوالي بيمدحوني وتقريبا بيحبوني عكس بناتهم )
مي جات قالت لي حنونة اسمعيني انا جبت فيشار و فنكوش و عجوة ، اديني الملايات انا بفرشا بس حصليني بالبخور و طلعي حاجات الجبنة انا بجي ازبط الباقي .. انا عارفه ان مي عملت كدا عشاني و عشان تحل خلاف بسيط كان ممكن يتحول لمشكله بيني و بين امي ..
اديتهم ليها ، و دخلت المطبخ اصلا حاجاتي مجهزاها بس طلعتها برا و ختيت الفحم في النار ، بغسل في الفناجين الموية طارت في جلبابي ، كملت شغلي و مشيت الغرفه ، غيرتا ، و يوسف اتصل علي :
* جمعه مباركة عليك حبيبي
_علينا و عليكي يا رب ، كيفك وكيف اصبحتي
*كويسه حمدلله انت كيفك
_حمدلله ، بس الليله اصحابي عاملين لي حفله وداع
*بالجد حبيبي ! وين حيعملوها ؟
_والله ما عارف لكن في الساحه ولا شارع النيل ، انتي قايله شنو هي ،اللهم قعده و بارد و ونسه و نبقى ماشين ..
*ان شاءالله لو تشربو موية وترجعو كفايه انهم اتزكروك حبيبي ، ربنا يديم خوتكم يا رب ..
_يا رب ، اخا حشوفك متين ؟
*انت عارف الجمعه عندنا بتبقى كيف بس الليله اوفر حتي الشباب جاين كمان
_ليه عرس هو !
*اخو لمة عائليه
_ابوكي لسسه ما جا عشان يقعد معاكم ؟
*بيجي طلات بس
_طيب والموضوع القلتيهو لي حيتم كيف اذا ما اتلاقينا ؟
*موضوع شنو حبيبي ؟
_اممممم اذا نسيتي خلاص انا ذاتي عندي مشوار لواحد صحبي حمشي ليهو عشان يسلفني القروش ..
*اه تقصد السلسل !
_لالا حبيبتي ماليهو لازمة اخاف تحصل مشكله بينك وبين امك
*لو بتقدر تفكها عند صايغ كويس يختها ليخا امنية انت لمن تشتغل هناك رسل لي اسد ليهو ويديني ليهاا..
_ اا فكرة كويسه بس مافي صايغ حيعمل كدا
*لا ان شاءالله بتلقي حبيبي انت بس شوف اكتر من واحد
_كويس
*انتظرني في اول شارعكم اسي طوالي
_يلا طيب...
طلعت اغسل وشي ، وحدة من بنات خالاتهم قالت لي حلوة بجامتك ، امخا قالت ليها حلوة الشماعه عشان لمن بقوليكي اضعفي ما بقولا ليكي من فراااغ، مي قالت ليهم هوي اذكرو الله ما تسحرو لي اختي ،، طبعا الكلام زعل متاب ، قالت لي يا حنين مش دي لبستي الاديتك ليها ؟ ( هي ما ادتني ليها ولا حاجة اشتريتا من مرة جارتنا بالقصد بس حبت تكسر خاطري )..ّ
قلت ليها اديتيني ليها لمن صغرت فيكي ولا متين قصدك ؟
اها ردي دا زعلا اكتر و لا انتظرتها ترد ،مشيت غسلت وشي و دخلت كربت لي توب من تياب امي ، قلت لامي انا ماشه الصيدليه و راجعه ،،، قالت لي ما تتاخري عشان الجبنة. ، قلت ليها تمام ...
طلعت و الصالون ملان ، رغم ان الوضع م بيسمح لي اطلع بس اسوي شنوو لازم اساعده ..
طلعت بي برا و ناديت عبده اخوي ، عشان م يزعل ما استأذنت منو ، قلت ليهو معليش ما قدرت اتكلم معاك قدام الاولاد ، انا واصله الصيدليه وراجعه ما بتاخر ان شاءالله ، قال لي ، نص ساعه وتكوني قدامي ، قلت ليهو ربنا يبعد العوارض ..
( معامله عبده معاي كدا ، مش انه بيكرهني ولا عايز يتمرجل علي ، لا ما كدا ، هو بس قافلني شديد انا اكتر وحدة ما بيعمل كدا مع اخواتو ، والحاجه دي جات في مصلحتي و كانت ليها دور في تربيتي ) ..
مشيت ، وانا من جواي زعلانه علي السلسل والله من صغيرة ما قلعتها حتي بلوم في نفسي انا شنو الخلاني اقول كدا ل يوسف و بصراحه حابه اساعدو لكن سلسلتي دي ما بملك غيراا في الدنيا يعني الا الظروف تقسى علي شديد حتي افكها ولا افكر ابيعها ، و في نفس الوقت لمن القى نفسي بفكر بالطريقه دي بزعل بقول ليه انا بقيت كعبه كدا ، مافي فرق بيني وبين يوسف و انا متأكدة حيعوضني الاحسن منها باذن الله بس ربنا يفتحها ويسهلا عليهو ...
( في جانب تاني )
* خلاص تمام
_والله ما تصدق كلامي داك كلام زعل ساي
انا ما بتاعت شيوخ والكلام دا
😛«~
يتبع .....
