بديك سلسلتي فكها و قضي حوجتك
_لا طبعاً انا م حكيت ليكي عشان اشيل منك ، انا بدل اشيل منك مفروض اجيب ليكي يا !!
* ريم !! .... ريم منو يا يوسف !!!!!!!!؟
_ رر ر ريم مم منو !
*انت قلت لي يا ريم اسي ناديتني يا ريم !
_انا ؟
*ايوة انا يا يوسف
_ممم مم انر قلت ريم ! اهااا انتي نسيتي اختي اسمها ريم ؟
*اختك اسمها نسيبه الجاب نسيبه لي ريم شنو ؟
_اسمها الحقيقي يا حنين مالك انتي اول مرة تحققي معاي كداا م كان غلط دا ، و بعدين علي فكرة انا وريتك قبل كدا اسم نسيبه اختي دا ريم بس انتي اذا نسيتي دي ما مشكلتي ..
*انا نسيت ! اوك اسفة
_لا عادي حبيبتي المهم كنا بنقول في شنو ؟
*قلت ليك بديك سلسلي فكو وصرف نفسك
_ما حقدر السلسل دا مطوقك بيهو ابوكي انتي واخواتك كلكم طقم ما بينفع اشيلو منك مستحيل بعدين حتقولي ليهم مشى وين ؟ّ
*اي فعلا هو غالي علي شديد لكن نساند بعض وان شاءالله تعوضني بالاحسن منو
_مصرة حبيبتي ؟
*ايوة ما دايراك تدين الظروف والموت والحياة ما معروفه انا عافيه ليك ي روحي
_ما انحرم منك يا رب
*ولا منك يا رب ، يلا ي روحذ نوم بعد دا بكرة راجياك صلاة جمعه
_خليني معاكي شويه !
*لالا انا زاتي مرهقه خلينا ننوم
_يلاا طيب تصبحي علي خير
*وانت من اهل الخير ربنا ينور طريقك يا رب ..
ما انكر مكالمتي مع يوسف بتغير اي شي
اي حاجة بتتعدل مجرد م اسمع صوتو ولا اسمو ساي ، بس م عارفه ليه المرة دي ما كنت مرتاحه في شنو مقلقني و ما مريحني نهائي ما قادرة اعرفو ..
المهم ، قمت رجعت علبة الامواس مكانها و استغفرت ربي و صليت ركعتين لعل وعسى ربنا يغفر لي تفكيري في الانتحار دا و يسامحني ،، رقدت وكنت بفكر في متاب والزول الكانت راكبة معاهو العربيه دا منو ، و متين لحقت توصل البيت قدامي ، تاني اتزكرت اني رجعت بالمواصلات وهي عربيه يعني خط واحد ما محتاجة ليها زمن .. رجعت تميت تسبيح لمن نمت ...
صحيت الصباح بدوشه و جوطه ، عرفتا ان الجماعه شرفو ، الجماعه ديل ، اخوات امي بي اولادهم مرات بجو اولاد اعمامهم يعني عامتاً الجمعه دا بيكون مزحوم شديد وجوطه والشغل كلو بيكون فوق راسي انا ..
طلعت بعد شديت ملايتي ، سلمت من بعيد و دخلت الحمام ، اتسوكت و اخدت حمامي و طلعتي ، و مشيت سلمت كويس وقعدت ، ما لحقت اقعد زاتو امي قالت لي قومي جهزي القراصه عشان الفطور اتاخر ،، قمت دخلت المطبخ ، بقيت بجهز في الصينيه ، و جهزت ليهم و طلعت ليهم ، انا واقفه في المطبخ ارمي قراصه ورا قراصه ولا حاولو ينادوني للفطور ، لمن خلصو جيت شلت الصينيه ، طبعاً ماف وحدة من البنات بتكلف خاطرا وترفع الصينية للمطبخ ،، بعد دا بقيت بغسل في العده و اروق في المطبخ ، وجهزت حاجات الجبنه عشان عارفه حيقولو لي الجبنه ، يعني انا اليوم دا بالنسبه لي اسوأ ايام الاسبوع افضل لي اكون شغاله فيهو في شغلي ولا انضغط كداا نهائي ما يوم راحتي ولا يتقال عليه اجازة ..
طلعت من المطبخ عشان امشي اتوضأ واصلي ، امي قالت لي روقي الصالون اولاد خالتك ديل اسي بيجو ،، قلت ليها اروقو واسي حيبهدلو ، ديل للسراير بيطلعو بسفنجاتهم ، قالت لي سمعتي الكلام القلتو صح ! ما حأعيدو تاني ،، قلت ليها حاضر ..
فعلا مشيت كنستو و مسحتا ، و بفرش في السراير ، حسيت بي زول مسكني من خصري (نصي) ، قمت ناطه ..!
اتلفتا ، لقيتو ود خالتي او ود خالتهم بمعنى اصح ، زحيت منو لي وراا ، ماسكة الملايه في يدي ، طوالي لفحتها فوق راسي غطيت بيها يديني و راسي ..
قالي ، جمالك دا يوم حيقتلني ، ولا لونك الصافي دااا ، اااخ بس لو تحني ( وبيقرب علي) ...
( في حته انا ما قلتها ليكم هو وصف لي ، انا مرات كتيرة بشك ان اهلي ما سودانين ، ما عشان ما عندنا الجمال ولا حاجه لالالا ، بس فعلاا دقة ملامحي مافيها الدم السوداني ، انا بيضا عديل ، و طويله و شايله العيون الشفافه والحواجب والرومش الغزيرة السوداء شديد ، رغم عيشتي في السودان الا ان شكلي ما بيوحي اني سودانيه الا لمن اتكلم ولهجتي الدارجيه تظهر ، حمدلله ربنا رزقني من الجمال فيض .. )
قلت ليهو داير شنو انت !
قالي يعني ما عارفه ؟
قلت ليهو لا ما عارفه وتاني مرة ما تتجرأ وتمد يدك فيني ، فاهم ولالا !
قالي يجي منك يا حنين والله ، لكن انتي ما حتكوني غير لي و ازكرك ..
قلت ليهو اطلع عايزة اخلص شغلي ، قالي اشتغلي يسعدني اتأملك و اتأمل تفاصيلك ، قلت ليهو انت واحد حقير وتافهه وما شفت تربيه بي عينك ...
قالي كدا حتخليني اعمل حاجة ما داير اعملهاا .. قلت ليهو تعمل الداير تعملو م عندي معاك شغله لو سمحت اطلع ....
جات ....
🙊¢~
