_لا كنت بقول بس ربنا يجيب الافراح
_ اها امين ،، يلا يا امي انا طالع ارتاح في غرفتي شويه ..
_ما لسه بدري كراعنا حارة ولا شنو !
*لالا حبيبتي هو اصلا الليله صحى بدري
_اها .. لالا تمام
_ عن ازنكم ....
قلت لأمي ، انفهال مني بس قلت ليها عماد ، و عماد دا الدكتور حقها في الجامعه ، من اول السنه بتربت في المادة حقتو وانا بالصدفه عرفتا ، و زعلت شديد ، انتي عارفه انا بحب القرايه قدر شنو و مفهوم الرسوب دا ما عندي في قاموسي ، و كنت بحاول اعاتبا عشان تعرف غلطها بس الظاهر اني فشلت وانفعلت
بطريقه كبرت حجم الموضوع واتحول لي مشكله ...
قالت لي معليش فعلا مفروض ما كان اتدخل بيناتكم ، حقك علي .. و قالت لي متاب طول عمرك حتفضلي فعلاا فاشله ..
مي كانت بتعاين و ما مقتنعه بي كلامي نهائي و عرفت ان في شي غلط و مصيبه لو جات اتكلمت معاي انا ما حعرف ادس عنها حاجة .. رجعت غرفتي و اتصلت علي غايه ، قلت ليها معليش انا ما حقدر اجي ، قالت لي تمام انا زاتي طلعتا قلت مسافه تجي .. قلت ليها لا خلاص اخدي راحتك ، يلا حبيبتي لبعدين ...
قفلت منها ، و رقدتا ، بفكر في المصايب الملفوفه فيني و بحسها منتشرة ف حياتي زي الكأنها فرد مهم جداً في حياتي ، ي ريت لو كانت فرد ، لا دي مجموعه افراد اي مجموعه مصايب ..
اليوم فات مافيهو حاجة ، تزكر لحد الساعه 12 بليل ، لقيت رقم دولي بيتصل علي ، رديت بلهفه ما عارفه ليه بس عايزة اتطمن علي يوسف بغض النظر عن زعلي منو اصلا ما بيزيد عن الساعات ..
*الوو
_ما اتوقعتك تردي علي !
*ماسكة التلفون في يدي و لمن اكون منتظرة تلفون من زول برد من غير اعاين ّ
_اها كالعاده بقيت بتصل في وقت ما مناسب ..
*لا عادي ، وصلت كيف ؟
_حمدلله ، دي ما شريحتي شريحه ود عمي ما تسجلي الرقم ، حبيت اطمنكم بس اني وصلتا بخير لو بيهمك تعرفي ..
*بيهمني اعرف تطمنا انا ومنو ؟
_ ااااا ،امم ا ا اهلي ، اهلي يعني حيكون منو غيرهم !
*سوال عادي ما بيحتاج التوتر والتمتمة دي كلها ، ع العموم م اطول عليك ، حمدلله ع السلامة ...
_اقفل يعني ؟
*راحتك
_حنين ما تتكلمي معاي بالحدة دي
*نفس حدتك القببل ي يوسف
_اسف ما بتكفيكي ؟ ولا اجي ابوس رجلك ؟
*العفو ، بتكفيني ( حنيت ليهو )
_طيب م تكلميني كدا واتزكري اني حبيبك البيحبك و اللي اتغرب عشانك واللي بفصل دعواتك ربنا سهل علي الشغل دا ..
*ربنا يوفقك وحصل خير يا يوسف ، يلا عشان وصيد ولد عمك ما ينتهي ..
_طيب ، نزلي برنامج اتصال
*اوكي بقولو الايمو احسن
_لالا بيقطع نزلي Botim
*اها ماشاء الله عرفتو متين دا !
_بسمع من الناس
*تمام يلا خلي بالك من نفسك
_حاضر وانتي كمان يا روحي ، و بحبك
*تمام
_م حتقوليها ؟ّ
*ما حاساها حالياً ...
_اوكي برجع اتصل عليكي لمن اسوي شريحه
* اوكي ...سلام
( ما بنسى يوم ودعتنا و سافرتا غي غرة رجب .. خليت وراك الدار حزين يتباكى والدمع انسكب💔 ) ..
قفلت منه وانا بسأل في نفسي هل ممكن موقف واحد يخليني اكرهو بجد ، وين حبي القوي دا الكنت بنوم وبصحي بيهو ، معقول كل الحب دا ما شفع ليهو !!
قاطعت تفكيري ، متاب ، طبعا اول مرة تخبط الباب .. قلت ليها ادخلي ، جات قعدت جمبي علي السرير و بتعاين فيني و ملامحا كلها توتر ، قالت لي :
_عرفتي موضوع عماد من وين ؟
*ما ناكرة يعني ؟
_حتي لو نكرتا انتي حتصدقي ؟
*مقابل ثقتي فيكي برغم اخلاقك الزفته الا ان ثقتي ممكن تشفع ليكي ، ليه عملتي كدا يا متاب ؟ امي ولا ابو مقصرين منك في شنو ؟ انتب اكتر وحدة طلباتك اوامر ، رغم اخلاقك الكعبة و غطرستك الا ان هم مستحملنك و بيعملو ليكي كل حاجه بي حب !ّ
ليه انتي توطي راسهم ليه تسودي وشوشهم قدام الناس ليهز، اتخيلي ابوي لو عرف ولا عبدالله يا متاب ، انسي امي لان امي مهما عملت حتكون حنينة و متعاطفه معاكي لكن عبدالله ، متخيله انتي ؟
_اقسم بالله غصب عني يا حنين انا ما حأبرر ليكي غلطي بس والله غصب عني..
*ماف حاجه اسمها غصب يا متاب هو الكلام فعلا بقى ما نافع و ما منو فايدة !
_طيب اوعديني ما تكلمي زول واوعدك اعاملك كويس والله يا حنين م اغلط عليكي تاني ارجوكي يا حنين ما تفضحيني ..
~ّ"
