-٢٩-
بقلم سحر سمير
دي شنو بياختك دي ي مريم !
_ما مرتاحه والله رغم ان ماف حاجه مريبه بس م مرتاحه كدا احساس من جواي ..
*اتفائلي عليك الله خليني افرح حبة بس
_ربنا يهنيكي حبيبتي ..
*اللهم امين يا رب ، جد فرحانه جد فرحانه يا مريم ، بالجد بعد رب العالمين انا مالي زول غير يوسف متعشمة فيهو انه يقدر ينتشلني من الانا فيهو داا ..
_معليش حنين يمكن نصايحي بتجي في اوقات غلط ، فا بتحسي اني بسرق منك فرحتك او بنكد عليكي ، بس ما تخلي آمالك كلها في راجل ، م تخلي عكازك راحل غير ابوكي واخوكي ، وعارفه حتضايقي ان م عندك اب ولا اخ معروفين ، بس اسندي نفسك بنفسك اعتمدي هلي نفسك م تخلي الا يجي زول ينشلك من الانتي فيهو امرقي براكي يا حنين ..
*اكون معاكي صريحه يا مريم ، انتي هسي حتفتكري اني زعلت زي م طوالي بزعل ، بس ما عارفه يمكن يقنت نفسي و بقيت متعودة فاهمة علي ، والصراحه في اني حقيقه ما معتمدة علي يوسف للدرجة بس ان علاقتنا اتصلحت آخر فترة و بقت متينة و عمل عشاني كتير في فترة بسيطه دا الخلاني اتمسك بيهو ومرات بقول يمكن دل عوض ربنا لي ، مقابل خسارتي لأهلي .
_ما معروف الخير وين يا حنونة ، بس في كل الاحوال خليكي قوية تمام !
*تمام ..
( في جانب تاني )
_ دا ما اي كلام ما تستغفلني عشان شيطاني ما يمرق وانت حُر
*طيب ممكن تهدي و تروقي ، ممكن ولالا؟
_لا ما بروق ما انا الانضرب علي قفاي فاهم ولالا ؟
*طيب حتسمعيني كيف وانتي دحان راسك حيمرق لي بالسماعه !
_قول العندك ولو قلت اي حاجة غير الانا دايراهووو والله ما اخليك
*دقيقه دقيقه انتي بتتكلمي معاي زي الماسكة لي زلة في شنو هو ؟
_العفو بس حبي ليك زاليني
*ما عاش اليزلك حبيبتي انا ، بس انا دايرك تفهمي اني باقي عليكي
_باقي علي تقوم تمش تعرسا ، شايفني مختومة علي قفاي ؟
*لسانك دا متبري منك ، اهدي النقاش م بينفع كدااا ، طيب رايك شنو تروقي كداا و نمشي نتغدا و في المكان التختاريهو رايك شنو ؟
_ اممممم فاكر نفسك حتسكتني بالاكل قالو ليك جعانه ليك انا !
*ياخ انتي ليه بتختي لي الحاجه الشينة ليه ما بتثقي فيني ؟
_لانو بصراحه خايفه منك !
*مني انا ؟
_اي منك انت ..
*في شنو ؟
_زي ما خليتا عشاني اخاف تخليني عشتن غيري
*شوفي انا ما خليتا عشانك ، انا بطني طمت منها بت هبلة و حياتا كلها نكد وقرف ومشاكل وانا الفيني مكفيني ، وغير كدا الصراحه البت نجاضة مع احترامي ليكي طبعاً ، قشرت بيها فترة الجامعه بس قدام الشباب ،و ع اساس ان ماف زول بقدر يكسر شكوتا ،لكن انا الكسرتهاا ، بس الحب ، الحب كلو انتي و بس ..
_جد حبيبي ؟
*جد الجد من يوم م شوفتك اليوم داك وانتي ما فارقتي بالي ولا خيالي
_ما تبالغ انت كمان
*انتي احي منك انتي ، الله يخليكي لي بس
_ويخليك لي ي بيبي ....
* يلا انا حأقفل اسي وكان بقيتي طالعه رسلي لي واتساب
_اوكي ، باي ..
*باي ............ اوووووووف بلا وانجلا
اتخارج منها كيف دي كمان ، اففففف ، كدي نمش ع الحجة دي افاتحا في الموضوع ..
*امي الغاليه ، ياخ مشتاق ليكي شوق العميان للشوفه وحاااااات الله يا ست الكل
_الله الله اكيد الليله ما براك ، خيررررر عندك شنووو اكيد عندك شي
*جعان بس و خايف تكوني ما عملتي لي التقلية ..
_عملتها ليك ، بس غير التقلية كأنو عندك شي ؟
* اي صراحه ، عندي موضوع كداا ومتردد فيهو شديد ..
_خير !
*لالا خير ...
👣«~
