*لالالالالا ممم مستحيل ،ممم لا ممكن ، ما بصصدق ، كككيف كيف الصور دي !
_هاهاها مافي حاجة مستحيله في زمنا دا
*عن ازنك ....
طلعت من المكتب ، انا دايرة الارض تنشقا و تبلعني ما انا ما آلية ، انا بشر لحم و دم والبيحصل فيني دا والله ما ساهل ولا هين مافي زول بيستحمل كداا ، اشكي اقول يا منو ، ولا اسوي شنووو ،،، جابت لي العار الله يسود وشك يا متاب ..
مشيت علي مكتبي ، و طبعاّ مريم كانها قصادي و جمبي قصي ، و رماز وناس م ليهم دور بس عشان تقدرو تتصورو المكان ،، جيت لقيت الدوائر كلها مشغوله وكل زول معاهو اتصال ، بس مريم بتتكلم و تعاين لي ،والتلفون بيرن وما قادرة ، ارد ،، الا قصي قالي ارفعي انتي فاضيه يا حنين ،، رديت بعدم تركيز ، البيحصل مع الاتصال ، بيكون تعريف بسيط عني :
* الو السلام عليكم ، حنين معاك من خدمة عملاء زين ، اتفضل/ي..
_عليكم السلام..
*استفسارك بخصوص الرقم اللي بتكلمني منو ولا بخصوص رقم تاني ؟
_لا رقم تاني
*مليني ليهو يا افندم ..
_ اوكي ، 09.....
*خليك لحظة معاي ..
الرقم دا متسجل بأسم ، محمد صلاح الدين ؟
_ ايوة
*الرقم دا موقوف ليهو فترة ، و في حين ان الرقم يتم اكتر من اربعه شهور وما عليهو رصيد الشركة بتسحبو وبعد فترة بيتباع لي زول تاني ..
_كيف الكلام دا الرقم فعلا كان مقفول ليهو تلاته شهور وكان عليهو اكتر من 20 ج رصيد يبقي كيف الرقم يتسحب لا و كمان يتباع لزول تاني ..
* اوكي يا استاذ تعال الشركة بكرة وجيب هويتك اللي متسجل بيها الرقم وان شاءالله المشكله تتحل
_ الشريحه متسجله بأسم شخص ثاني و انا حاليا م حقدر اتواصل معاهو عشان يثبت لي بيانات الشريحه ، لو سمحتي الشريحه دي مهمة جداً و عليها كل الارقام المهمه شغلي متوقف عليها ..
*اعمل ليك شنو انا طيب لو فعلا انت مهتم كان جيت حولتها باسمك قبل تتسحب منك ، وانا ما حقدر اساعزك تعال بنفسك للشركة و ان شاءالله مشكلتك تتحل ..
_عارفه عمرها م حتتحل طول ما الشركة مشغلة اغبياء زيك ما بيعرفو يتعاملو ولا يحلو مشاكل العملاء..
*والله الغبي انت م تحمل غلطك لغيرك ، ابقى قدر مشاكلك وحلها و اتكلم باددب انت ما مستعبدني عندك فاهم ولالا ، ويلا اياسا الواحد ما ناقص قرف ..... *قفلت فيهو..
فعلا انا زودتها وكلامي كان تقيل شديد وقاسي وهو البدا الغلط وانا كنت محتاجة زول اتفشى فيهو حاولت اتكلم باحترامي معاهو لكن طلعني من طوري انا في دوامة ما يعلم بيها الا الله ...
زملائي كلهم كانو مستغربين في اسلوبي وانفعالي ، انا لي فترة شغاله و عمري م عابت صوتي علي زول فيهم ، حسيت اني بعمل في حاجه فوق طاقتي ومضغوطه ، شلت شنطتي و طلعت وانا عارفه طلعتي قبل مواعيدي حقت الشغل تنتهي دي ممكن ما ارجع فيها تاني للشغل دا ،اصلاً هي خربانه خربانه، بس طلعت. ، ومريم بتنادي فيني ، و م حتقدر تطلع قبل المواعيد ،،
بقت تتصل علي تلفون و ما برد عليهاا ،، بعد ركبت المواصلات ، اتصلت رديت عليها و
*مريم ، اطمني انا بخير ،عارفاكي بتتصلي ليه بس اشوفك حنتكلم ، اتطمني اصلاً زول شايل همي غيرك مافي ..
_ وانا ما محسوب ، خلاص اتجاوزتيني !
*يووووسف !
_ايوة يوسف يا حنين ، شكلك كنتي منتطرة تلفون من صحبتك ورديتي علي بالغلط ، من رحمة ربنا علي خلاكي تردي ..
*امممممم ، تمام ، عن ازنك
_انا ما داير منك اكتر من العفو والعافيه الظروف ما معروفه يا حنين ، انا بشر و بغلط و ياريت حتي لو ما عندك نية تسامحيني حاولي ان علاقتنا ما تتأذى ..
*علاقه ! علاقه شنو ؟ هو انت خاتيني لعلاقه اساساً طلعت بتخدع فيني و كل الفترة دي كنت عبارة عن هدف دابر تصل ليهو ..
_حنين انا ما حادافع عن نفسي ايوة انا غلطان بس ما كعب انا ..
*هه فعلاً م كعب ،اقفل اقفل ربنا ينور دربك
_كلامك دا معناهو شنو ي حنين ؟
*معناهو لله والرسول و بس توصل نتم كلامنا لا المكان لا الزمان مناسبين ..
_اتاكدي انه انا بحبك ..
*تمام ....ّ
_ما حتقوليها ؟
*ما حأقول حاجة انا ما حاساها
_للدرجة دي ي حنين حبنا هان عليكي ؟
*زي ما انا هنت عليك !
_طيب ف امان الله
*ف رعاية الله ....
البيحب ما بيكره ، بس البطن بتطم ...
🍕«~
يتبع ...
