-٢٦-
بقلم سحر سمير
**مريم
لالالالالالالالا مستحيل متاب تعمل كدا ، اااي هي كعبه بس ما بتحصل الدرجة دي يا حنين اكيد انتي سمعتي غلط ولا فهمتي غلط ياخ مستوى الانحدار ما بيوصلا لي كدا انتو اخوات في الاخر ووووبعلي لا حول ولاقوة الا بالله للالا ياخ اختك ما بتأذيكي انتي عملتي ليها شنو لكل دا ..
* مريم انا سمعت صح وسمعت المكالمة من اولها لحد اخرها قالت حنين ، اتخيلي يا مريم عشان كدا قامت نضفت و بخرت غير العاده لدرجة ملابسي لقيتهم مشرورين في الحبل و غسلتهم لي ، دا كلو ما طبيعي بس والله ما ختيت حاجة في بالي و كنت فرحانه للتغير دا يمكن كنت محتاجة احس احساس الخوة طيب ليه انا عملت ليها شنو ..
_خليني امشي افضحا ليك قدام عبدالله وامك بت اللذينه هي حصلت ..
*لالالا اوع يا مريم اوعي ، بس دايرة منك طلب
_قولي
*عايزة اجي معاكي البيت انا هنا ما قادرة اقعد و عارفه عبدالله صعب وامي حتسمعني كلام بس ما حقدر اقعد عشانكدا حطلع من غير علمهم ..
_اول حاجةانا فرحانه انك حتقعدي معانا وكلنا حنفرح بيكي ، بس تجي معاي من وراهم دي غلط يا حنين ..
*انا ما بيفرق معاي زول ولا في زول بيهمني بعد دا يا مريم ..
_بس هما ما غلطو معاكي في حاجة
*عارفه ، بس دي رغبتي
_طيب غاية وتوته ديل بيكونو مناظرين انا نسيتهم عديل علي اساس نطلع و برنامجنا الاول ، رايك شنو اتصل عليهم يسبقونا علي بيتنا ، ونحصلهم هناك ..
*مالي خلق زول يا مريم ..
_لا بالعكس حتغيري جو و تنشغلي بالونسه معانا ، خليني اكلمهم عشان ما يزعلو ..
*طيب ...
( في جانب تاني )
_ دا حب يا زين
*افهمينيي ، هو ما حب ، هو ما عارف صراحه بس البت قوية فاهم علي ! كدا شخصيه..
_عشان اتلائمت معاك تبقى شخصيه ؟
*لا يا ندى ، انتي فاهمة بقصد الشخصيه اللي هي مبهمة ما مفهومة و في نفس الوقت طيبه ما بتاعت مشاكل ، بس انو عندها مرحله او مود بتوصل ليهو ما بيكون عندها كنترول ، الزوله الما بتقبل بالعنصرية في التعامل واضحه كداا ممكن تقيف مع الحق حتي لو ع حساب نفسها ...
_انت عرفت كل دا وبتقول لي ما حب !
*ما حب بس شخصيه مسلطه جد يعني بتفرض مكانها في الموقف ،و فيها ملامح يا ندي ياخ سبحان الخالق ..
_انت ما عندك دم علي فكرة راعي لي اني كنت خطيبتك
*يا ندي ياخ مالك انحنا متفاهمين شديد و بعدين انتي اسي بقيتي صحبتي وصحبي ، سبحان الله لمن كنا مخطوبين م كنا كدا مع بعض نحكي لبعض اي حاجه و نتشارك كانو الدبل دي كانت خانقانا ومقيدانا ..
_تعرف انا كمان حسيت الاحساس داا ، من اتخطبنا سنه كامله ما قعدنا مع بعض قعده زي دي ، حتي الاتصال مرة ف الاسبوع هههه غايتو ايام ..
*بس م ندمان ومحظوظ اني لقيت صديقه زيك ما معقده ولا فهما ضيق ، واعيه شديد
_ياخ اسكت ، اسمعني رايك شنو تشيل ليها ورد من المحل م عندي و تفاجأ كدااا ..
*ي بت انتي مجنونة ! اشيل ليها ورد بمنلسبه شنو وهي منو زاتا ، اللهم احساس قلتو ليكي انتي بس قولي دايرة انفعك بالورد ...
_ يا راااجل خاف ربك لينا كم يون في نفس السيرة و تقول لي اللهم احساس ..
*ياخ خليها علي الله ،كدي احكي لي عن سامر دااا يا خاينة يعني بتحبيهو من زمان
_ههههه خاينة عديل كدا ، الانحنا الاتنين اتختينا في الامر الواقع وكداا يعني بس انا كنت الجانب المتألم للن كان في شخص في حياتي ، لكن انت كان كل العندك شغلك فاا خطوبتنا جات علي قلبك بارررردة ...
*لا والله بس عشان م كنت بعرفك ، كملي قصه سامر اهااا .....
في جانبنا ، لبست عبايتي ، و ختيت ملابس في كيس عادي اسود ، ناديت مي ، دحلتها الغرفه وقفلت الباب ،، ختيت يدها فوق جبهتي ، قالت لي ..
_انتي كويسه ؟
*حمدلله كويسه
_كنتي بتبكي كدا ليه ولابسه عبايتك ماشه وين ؟
*م تسأليني عن حاجة لو بتحبيني ي مي ، بس انا ناديتك عشان انتي يمكن اكتر وحدة بيهمها امري بعد ابوي ،، انا بس حابه اقعد مكم يوم مع مريم اغير جو و برجع ..
_انتي اتشاكلتي مع متاب صح ! كل دا عشان شكله ، طوالي بتتشاكلو يا حنين اشمعنى اسي دايرة تخلي البيت ...
*لا متاب م ليها دخل ، انا عندي مشكله في الشغل ، وحابه اغير جو انا ماخدة قراري و م حتراجع عنه، عشان كداا بس م تقلقي و عشان كمان تكوني عارفه مكاني ...
🙊<~
يتبع ......
