( في جانب تاني )
*يا بت انتي غبية ولا شنو ، دا الترطيبه زاتها
بس وحات الله كان ما جبت راسو ما ابقى انا ، والليله من الصباح بحنس في امي عشان تعزمو هو خالتي غدااا ..
_النصيحه دي فرصتك ، ولازم تستغلي اجازتو دي كويس و تحسمي فيهاا ، اكيد زي دا ما بيتفوت و امه ما حتقصر حتجيب ليهو بنات اهلكم ديل كلهن تعرضن ليهو عرض ، عشان كدي انتي تقومي تتشطري كداا وتمشي عند خالتك دي تخدميها و تساعديها عشان تشوف فيكي خير ، بدل طولة لسانك دي ، قدمي السبت عشان تلقي الاحد يختي ..
*قلتي كدي ! ما توصي حريص حتشوفي كان ما بقيتو زي الخاتم في صباعي ما ابقي بت امي و امي ..
_، دا الكلام الصح
في جانبي انا ..
*مريومة يلا نمشي انا زهجتا ..
_قومي حبيبه مريومة مالك مزهجك شنو ؟
*عايني ما تسأليني عشان م اكذب عليكي و اقوليكي ما عارفه بس مالي خلق اتكلم
_طبب شيلي شنطتك خلينا نطلع ..
* اسمعيني مريم دايرة منك طلب
_تأمريني انتي
* ما يأمر عليك عدو ، بس كنت دايراكي تسلفيني 100 جنيه لحد اخر الشهر ..
_طوالي هاكي دي 200 جنيه خليها معاكي
*لالا 200 كتيرة ، 100 وحدة بس
_حنين خلاص عليكي الله في شنو يعني كلهم قروش في الفارغه بتطير ، بس في شي محيرني
*شنو ؟
_انحنا امس صرفو لينا الرواتب لحقتي تطيريهو ؟
*مريم كدي خلي الموضوع دا اسي
_خليتو بس فهمتا خلاص
*هو شنو الفهمتي !
_فهمت انك بتصرفي علي يوسف
*مريم دا كلام شنووو
_دا الصح ليه انتي دايماً بتزعلي من كلامي
*طيب يا مريم ما اسمها بصرف عليهو عشان ما صح بي حقو ،كان ممكن تغيري اسلوبك يا مريم ، انحنا بنساعد بعض ما شايفه فيها حاجه زي ما انا بشيل منك وانتي بتشيلي مني ..
_مافي راجل بيمد يدو لي بت ، ياداب انتي شغلك مكفي مصاريفك ما كفايه شايله نفسك براكي و ليكي شهرين ما دفعتي قروش الصندوق عشان مصاريف جامعتك ليه بتضغطي نفسك كدا انتي في عرض الجنيه
*اي فعلا ضاغطه نفسي بس ربنا كريم
_ونعم بالله ، يعني انتي اسي صارة وشك كدا ، دا معناتو زعلتي من كلامي صح ! و علي فكرة لو زعلتي من كلامي معناتو انتي لا صحبتي لا حاجه ..
*اخر حاجه ممكن اسويها في الدنيا دي امي ازعل منك با مريم انا لي منو غيرك عليكي الله وريني ، يمكن انتي الحقيقه الوحيده في حياتي ، انتي الوحيده العارفه صفتك شنو في حياتي و بتبقي لي شنو ..
_طيب وطي صوتك خلينا نطلع ، ما عارفاكي ملاحظة ولالا بس استاذ عماد دا عينو ما بتنزل من عليكي ..
*ما ملاحظه ليهو ولا دايرة الاحظ ليهوو ، متغاظة منو والله ، وعدني بالشغل واسي جا يعمل لي حركات قالي الا بعد شهر
_ دا الطبيعي
*كيف يعني ؟
_انتي وريتيهو الشغل دا لمنو ؟ّ
*ايوة سالني ، وريتو ، لكن قلت ليهو خطيبي م ظريفه اقول ليهو حبيبي
_وعايزة يشغلو ليكي ههههههه والله يا حنونة ما عارفاكي حتفضلي هبله كدا لحد متين
*اسي في شنوو يعني لكلامك دا !
_يعني هو راجل و خاتي عينو عليكي و تجي تقولي ليهو عليك ياخ شغل لي حبيبي معاك ، منتظرة يقوليكي جدااا من عيوني الاتنين ، هبلة انتي ولا هبله يا حنين ! بطلي غشامتك دي عليكي الله الدنيا م حتمشي بفهمك دا ..
*بالله سمعتيني موشح ، انتي الليله مالك معاي هاا ؟
_مالي انا اصلا كلامي ما بيتبلع تربيه حبوبات علي قولتك عشان كدا نقناقه..
*ياخ امشاكي للمرة الالف
قومي ، قومي .....
مشيت البيت ... لقيت الصالون حقنا فيهو ناس ، ما عرفتا اخش بي وين ولا ديلزمنو زاتهم .....
🍕«~ّّ
يتبع ......
