-٢٣-
بقلم/ سحر سمير ....
قالي : والله انا بكلمك بنفس اسلوبك الكلمتين بيهو لمن اتصلت بالشركة امبارح ....
قلت ليهو انا بعرفك من وين ؟ و ّ...( انزكرت بتاع الشريحه المسحوبة هو انفعل فيمي و انا زدت الطينه بلة ، )
اغرب شي ان استاذ عماد م اتكلم نهائي حتي وانا بوجه ليهو الكلام ، الاتكلمت دينا اللي هي صاحبة المكتب زاتها ، قالت لي انتي عارفه ان المكالمات بتكون مسجله في ملف العميل علي حسب رقمو بحيث ان لو رجع اتصل و استفسر عن نفس المشكله نقدر نرجع للمكالمات دي في اي وقت ، فاا عشان كداا م تنكري واتكلمي بوضوح ، وانتي عارفه تماماً انه ممنوع التطاول علي العملاء خصوصاً في المكالمات صح ولا غلط ؟
قلت ليها مع احترامي لي كلامك لو من بدايه وجودي في المكتب دا كان وضحتو لي اس المشكله كان افضل من الاساءة القالها لي ، بالاضافه لاننا ف اليوم بنتلقي كمية من المكالمات بس علي كل حال انا اتزكرتو تماماً ، قلت ليها مش هو كان عنده استسفار بخصوص شريحه اتقفلت و تم سحبها خلال اربعه شهور ؟
قالي ايوة انا ماشاءالله زاكرتك كويسه ، قلت ليهو طيب قبل تجي هنا وتشتكي من اسلوبي ليه ما وريتهم اسلوبك في الاول كان معاي كيف ، انا ما بغلط في زول بالساهل ولا انا مجنونة و لا مختله عشان بس تتصل و اسمعك كلام ما ياهوو ..
في الحقيقه يا استاذه دينا انا حاولت اشرح ليهو المشكلة بشتى الطرق لمن ما لقا حل اتطرق للاسلوب المهين وانا بصراحه ما استحملت و رديت ليهوو بنفس اسلوبو ، وطالما التسجيل موجود تقدرو تسمعوهو .. استاذ عماد قالي م كل الناس نغلط فيهم ، انتي عارفه دا منو ؟
قلت ليهو والله ولا دايرة اعرف و طالما الاعامل مع العملاء حيكون بالفئات والطبقات يا ريت تعملو لينا خدمة ولا اختراع علي الجهاز يكون موضح فيهو العميل النحترمو ونستحملو والعميل المسكين الممكن نطلع عليهو قرفنا ...
استاذة دينا قالت لي اتكلمي كويس
قلت ليها انتو ليه كداا لمن الزول يتكلم و يرد حسب كلامكم يكون م محترم ، اذا علي اني اقول حاضر ونعم ع اي حاجة اسفه والله دي ما عندي. ( انا اصلا مغلية من عماد وانفعلت ) ، سياستكم البتستخدموها انا اتبعتها ما جبت حاجة من عندي زيادة .. قالت لي لا يا حنين جبتي الائمة وقله الادب ، قلت ليها قلت الادب دي لو كان بدرت من عميل تاني اقل مستوى مثلا من الاستاذ دا كان اتجاوزتوها. كنتو حتتفقو معاي في اسلوبي ، طبعا علي حسب الشخص ولا شنووو ...
استاذ عماد بانفعال قالي ارجعي مكتبك يا حنين ،، طوالي رجعت عن ازنكم زاتها ما قلتها ... صراحه انا ما كنت كداا ، بس بالجد الفترة الاخيرة دي ارهقتني و بقيت دي نا تقولو واقفه علي الهبشه و ما عارفه دا صح ولا غلط بس بقيت ما بسكت في حقي ، و دا بعد العملو معاي يوسف زي ما تقولو كداا ربيت لي جناح و بقى ماف زول بيفرق معاي ..
رجعت و طبعا عايزة تعرف الحاصل بس في اوقات الشغل م بنقدر نتكلم عشان الاتصالات حولينا ... المهم
فات ااسبوع ماف اي حاجة جديده غير ان علاقتي بي يوسف ابتدت ترجع زي ما كانت ، احساس الحب و الشوق والحاجات دي ، بس كنت داسه عن مريم لاني عارفه ردت فعلها ، و متاب كانت بتتفاداني ما بتجي جمبي ولا بتتكلم معاي ، وحتي وضعي في الشغل عادي ، و اغرب شي بعد المشاكل دي كلهاا انا نا انطردت من الشغل و كنته منتظرة استاذ عماد بس يجي يتكلم معاي ولا يقول لي حاجة عشان انفذ الخطة الفي راسي ..
فاتو زي 15 يوم نفس الشي .. لمن في يوم اتصل علي يوسف بليل و كان صابح جمعه يعني ليلة الخميس .. رديت عليهو ..
*هااا حبيبي مالك صاحي مش قلبت وردية ؟
_مشتاق ليكي ياخ
*وانا كمان حبيبي
_كنتي نايمة ؟
*لا بس خلاص استرخيت وكنت بسبح
_اقفل اخليكي تنومي ؟
*لا خليك معاي لمن انوم
_من عيوني ، تعرفي حنونة انا خلاص بقيت شايف ان احلامي قربت تتحقق .
*وضعك يعني ؟
_ايوة لو استمريت في شغلي دا في اول اجازة بجي اعقد عليكي ونعمل عرس عديل
*بالسرعه دي ، مش مفروض تعمل حاجه لأهلك اول ؟
_اهلي ما حأقصر منهم باذن الله وكل شهر حرسل ليهم مصاريفهم ، بس ععيز الم القرش علي القرش عشان ناخد خطوة والباقي نأسسو سواا ..
*بالجد يا يوسف انت بتفكر كدا ؟
_كيف يعني انا متغرب عشان منو ؟ حنين انا مرات بقول ربنا رزقني بالشغل دا عشانك انتي و عشان البينا ..
*اااه يا يوسف بالجد نفسي افرح
_حأفرحك حبيبتي و اعمل ليكي احلا عرس
*ما دايرة احلا عرس, دايراك انت بس
_وانا ليكي و ما حأكون غير ليكي ..
*الله ما يحرمني منك
_ ولا يحرمني منك حبيبتي ...
ولا يحرمكم من 🐸«~
يتبع .....
