(كان في جانب تاني حاصل ...)
_ السلام
*وعليكم السلام
_حمدلله علي السلامه
*الله يسلمك ، كيف اخبارك انتي وكيف الاهل
_الحمدلله كلهم طيبين ، ان شاء الله ما تكون تعبت في السفر ؟
*كلها كم ساعه حمدلله
_اهاا ، السودان اشتاق ليك والله
*تسلمي
_بصراحه يا زين ( زين العابدين) جيتك دي فاجئتني شديد ، اي عارفه انك جيت السودان امس بس ما اتوقعتك تجيني في المحل ..
*لا انا جيت اتطمن عليكي و كمان بصراحه في موضوع حابي انو اتكلم معاكي فيهو ..
_جداً اتفضل
*المكان مناسب ؟
_ايوة مناسب ماف زول حيزعجنا اصلا زي ماعارف الجمعه الشغل بيكون نايم ..
*طيب جميل ..
_اتفضل ..
* طبعاً زي ما عارفه انحنا لينا سنة مخطوبين و الخطوبة..........*قاطعتو
_ليه وانت بتتكلم حاسه ان الحروف تقيله عليك يا زين ، عادي كلامك دا حيفرحني وانا ما عندي مشكلة نتم زواجنا لو انت جيت الاجازة دي وناوي علي كداا ..
*ااا لا يا ندى ما كدا ما دا الانا داير اقولو ، اسمعيني للاخر ..
_اتفضل ...
*انحنا ، او ما حأقول انحنا ، حتكلم عن نفسي ، بس انه لينا سنة و ما قدرت اتعايش معاكي خطيبه لي او انك انسانه حتقاسميني مستقبلي ، حتي الكلام بينا بحساب و بحدود ورسميات لا انتي لا انا اتنازلنا عن الحاجة دي ، و يمكن كمان سفري كان ليهو دور كبير في كدا ، بس حرجع للاساس انه خطوبتنا تمت تحت صغط اسري وانتي عارفه انا بقصد شنو ، وطول السنة دي زي الما مخطوبين ، وكفايه ضيعنا سنة من عمرنا علي ولاشي ، الزواج كان ما بقى اختيار شخصي ما حيكون ليهو طعم وانا متأكد من انك ما شايفني الشخص المناسب ليكي يا ندى ...
_ما بنكر انا في ذهوثل من كلامك يمكن عشان اقنعت نفسي انك لي وان الحب بيجي بعد الزواج .
*يا ندى مافي شي اسمه حب بعد الزواج ، البيحصل بعد الزواج هو خضوع للأمر الواقع ، وضع انتي لقيتي نفسك عايشه فيهو فكل الحتعمليهو انك تتعايشي معاهو وتوهمي نفسك بالحب لانو ما عندك خيار غيروو ،،
_صح كلامك ، وخليني اقولها انا معليش اسمح لي لانو في النهايه انا بنت و عزة نفسي مابيه ..
*يا ندي انتي انسانه واعيه وانا لمن جيت اناقشك كنت مطمن ومرتاح من انك انسانه متفهمه و م حتصعبي علي الامور ..
_صح كلامك انا بحترم قرارك و فعلا دا قرار صائب والاتنين اتختينا تحت خيارات اسرنا ، و كل واحد فينا يمشي يشوف حياتو ..
*تسلمي كتير و بتمني نستمر اصدقاء و م معروفه القسمة وين ..
_اكيد يا زين بس سوال جاوبني عليهو بشفافيه وصراحه . .
*اكيد ّ
_انت عندك انسانه بتحبها ؟
*انا ما بؤمن بالحب ، فا بالتالي م عندي حبيبه ، حبيبي الوحيد الشغل و النجاح ..
_جميل ربي يوفقك ،وعلي اتصال
*ان شاءالله ،
اما انا ، بعد روقتا ، طلعتا تاني من غرفتي ، غسلت ملابس و شريتهم ، و مشيت قعدت اقراا ، قرايتي الهاملاها دي ..
جاتني مي داخله ، جات وزي الداسه حاجة ورا ضهرها ، و فجأة باستني و قالت لي كل سنة وانتي طيبة يا اطيب اخت ..
مطيرة عيوني وبعاين ليها ، قلت ليها في شنو ؟ قالت لي عيد ميلادك .. قعدت اضحك ضحك كدا هستيري لمن دمعتا ، قلت ليها عليكي الله كان عارفه تاريخ ميلادي وريني ساكته مالك كل السنين دي !
قفلت الباب و جات علي فتحت علبه صغيرة كداا ، طلعت منو سلسل فضه لبستني ليهو ، قالت لي انا بالنسبه لي عيد ميلادك يوم جيتينا فيهو و نورتينا دا التاريخ الانا بحتفل بيهو ،، اما التواريخ يا حنين ما مهمة والاعمار ما مهمة ،ما حاقوليكي الاهل كمان م مهمين لانو غلط اهميتهم ما ليها حد بس الدايرة اوصلو ليكي ان اهم حاجة انك كيف تعيش كأنسان ، كيف تكون انسان محترم وملتزم بالصفات اللي ربنا زرعا جواهو كبشر ، الدنيا ممر و ليست مستقر يا حنونة ، عيشيها زي ما ربنا كتبا ليكي ، وانا بالنسبه لي بعتز وبفتخر و يكفيني انك اختي ، والخوة بالعشرة والتربيه والاكل والشراب ، ما الا نكون من نفس البطن ولا الام والاب ، فهمتي ..
هزيت ليها راسي ، وغلبني التعبير بس بالجد عدلت لي مزاجي ، و بعدها جابت لي لبسه هديه ، فرحتني شديد والله ..
جا الليل و بقيت منتظرة يوسف يتصل ما اتصل علي ، بتصل عليهو مشغول لحد الساعه 1 بليل ... نمت من الارهاق والتعب ..
صحيت الصباح ، لبست و فطرتا. وصاحية متنشنة و قافله معاي ، اتصلت علي مريم كالعاده و اتلاقينا ومشينا سوااا ..
خلصت محاضرات علي الساعه 1 ، يادوب اطلع وامشي الشغل .. طالعين من بابا الجامعه لقيت يوسف في وشي م حبيت اسلم ببرود عشان ما انكد عليهو يوم سفرو ،، سلم علي مريم و قاليها بعد ازنك حسوق حنين معاي عايز اتكلم معاها ، قالت ليهو طوالي ، قالت لي بس الشغل م تتاخري بنتظرك في البوابه ،، قلت ليها تمام .. سافني ومشينا ، نهائي ما سألتو ولا اتكلمت معاهوو
، قالي حابي اودعك .. قلت ليهو تمام
وقغ امجاد قالي اركبي ، قلت ليهو اركب وين ؟ قالي مش قلت ليكي حابي نقعد مع بعض براحتنا ، قلت ليهو في كافيه قريب من هنا و تكفيني كبايه شيريا ،، قالي ياخ كافيه شنوو يلا يلااا .. ركبت معاهوو و وصف لب
تاع الامجاد ..ساكتين طول الطريق وبالجد ما عارفه ليه ما طايقاهوو ..
المهم ، وصلنا ، في بناية كداا ، نزلنا ، انا عارفه المنطقه دي ، ساكنه فيها خالتي ،، قام قالي امشي امشي ، هو ماشي قدامي و انا وراهوو ،، لمن وصلنا محل هو زي الكافيه المشمع ، يعني مقفول ، طلع المفتاح من جيبو ، وقالي ادخلي ، قلت ليهو ادخل وين ، قالي مالك انتي حاكلك انا ؟
قلت ليهو لابس مستغربه ،، المهم دخلت وهو دخل قالي شايفه الكافيه دا حيكون حقي بعد كم شهر ، و عايزك تفكري و تزبطيهو علي كيفك وعلي مزاجك ، تعالي افرجك ليهو من جوااا، بصراحه انا مستغربه م حصل جاب لي سيرتوو ..
جراني من يدي ، قالي تعالي اوريكي المطبخ حقوو خرافي ،، وراهو وجاريني وما فاهمه شي ،، فعلاً دخل هو قدامي لانو ماسكني من يدي جاريني دخلت وراهوو ..
اول حاجه عيني وقعت عليها في الارض ،كانت
و قفل الباب رزعه وحدة ......
😴«~
تفتكرو ممكن يسويها ؟؟
يتبع ..
متابعه لسحر سمير عشان توصلكم الاجزاء الجايه 💜
