-٣٨-
بقلم سحر سمير
( في جانب تاني )
_ليه اتحمقتا كدا معاها ؟
*ما عارف يا ندى ، بس انتي ليه ما جبتي لي اي سيرة ليه ختيتيني في الموقف دا ؟
_انا ما قصدتا يا زين ، بس لو هي ما جات الليله انا كنت بكرة حعملا ليك مفاجاه
*ندى مفاجأة شنو والبت من شافتني مليون عفريت ركبا
_ماشاءالله وانت الكنت الملاك الهادي ، ما حاسي بروحك و حركاتك المستفزة
*هي غاظتني
_الصراحه شايلة منك يا زين و انا عارفاك لمن تكون جادي و مركب وش الخشب بتكون عامل كيف ، اكيد بتكون شافت وش الغطرسة حقك دااك ..
*ندى البت دي هي ما كدا ما عارف بس مرات بحس انا بظهر ليها في وقت غلط كأنها بتتفشى فيني ،نفسي افهما ما قادر ، تصرفاتا مبهمة ، ما عارف
_انت ليه ما عايز تعترف ، قول بتحبها عشان اقدر افكر معاك ؟
*ندى للمرة التانية الحب ما كداا ، انا بس عاجباني شخصيتا و عاجبني اني ما فاهما ، فيها شي جاذبني ، ياخ حتى عيونا لمن تعاين لي انا بضيع حتي لو عايزة تشاكلني ،، يمكن يوم اتشاكلت معاها كنت قوي و م كنت حاسي بحاجة غير اني شاميها وداير اخنفا ، لكن بالجد المرة دي كنت كدا ضعيف حاولت م قدرت اقسى عليهاا ..
_و لسه حتقول لي ما بتحبها
*اي ما بحبهااا ..
_كويس يا زين ، اقفل انا حأتصل عشان برنامج بكرة دا ، اوريها العنوان و اتطمن انها وصلت بخير
*بختك
_شنووووووو !
*قصدي ليكي تمام مع السلامة انا زاتي عندي شغل ...
_ههههه سمح ...
.................
(في جانب يوسف )
معقولة ، حنين تاني ما اتصلت علي من وقتها ! ، طيب انا العملتو شوية ؟ ولا القلتو ليها شويه ! طيب انا كيف صدقت كلام غايه و اتصرفتا علي اساسو من غير حتي ما ارجع ل حنين و اسألها !
انا كيف فجاة دخلت نفسي في برنامج عرس و نسيت الانسانه الوقفت معاي في المر و ما شافت حلو ، وجات غاية لقتني جاهز ، انا مالي ؟ انا ليه عملت كداا ؟
بس كمان هي غلطانه ،واصلا لو امي عرفت مستحيل كان توافق بيها ، ولا انا حأسمح لنفسي ارتبط بوحدة زي حنين ...
طيب انا اسي زعلان ليه ، طالما انا القلت ليها ما تتصل علي و سمعتها فارغ ،اصلاً مستحيل تنساني لحظة وحدة ، هي حبتني شديد و حتفضل عمرها كلو بتعاني مت غيري ...
و انا متأكد حترجع مذلوله و مكسورة تاني ،، ااااخ يا حنين انا في وانتي في ونشووووف الدنيا دي حتسوقنا لحد وين !
*اسمعي مريومة ، حنلبس شنو والله انا راسي ضرب عديل ؟
_صراحه مستغربة فيكي يا حنين
*عملتا شنو انا اسي !
_شفتي يوسف و كنتي عاديه ما اتهزيتي ؟
*كفايه كرامتي الاتهزت و كفايه البكي و الدموع ، والوجع الحسسني ليهو يوسف دا.يبيي لي بعدو ما حأحس بأي وجع تاني ، و يمكن اكون حسيت قبيل بس من كتر ما اتعودتا بقت لي عادة ،، و ما انا اليهزني راجل يا مريم م حنعيد نفس الكلام والبرنامج ، بس انا اتجاوزتوووو ..
_تعرفي انك مثال حي لحاجات كتيرة في الدنيا دي !
*عارفه والله ههههه حمدلله غايتو
_حنونة بتتمني لو كان ليكي اخوان واخوات ، كانو يكونو قدر كيف وكم ؟
*اممممممم اربعه اولاد واربعه بنات و لو زيادة ممكن
_ليييييه كل دا ؟
*حيكونو عزوة لي
_امممممم ، نرجع لسوالك الاول هو حنلبس شنو ؟
*ما عارفه لكن نفسي في حاجة سوداء
_عشان حلبيع يختي ما يجي الا معاكي
*حلبيه في عينك ياخ
_انا م عندي حاجات مناسبات عارفة الا نمشي لي بنات خالتي نشد منهم
*قلتي كدي !
_نوعاً ما مافي خل ، يا اما ننزل السوق ونشتري طقوم عاديه بس راقيهو نقرض المرتب
*برري انا غايتو مرتبي ححتاج ليهوو ، يا زوله يمكن غاية عامله حسابنا لو حنكون الشباين اكيد حتطقم لينا _كان ورتنا ، بكرة نمشي ليها ؟
*انا بكرة معزومة براااا
_ ااااااوب حنين كان قلتي لي في خبر وصدمة و ما وريتيني حاجة في شنو ؟
*وووب بس والله ما حتصدقي يا مريم
_ في شنووووو ؟
👻-~
يتبع ....
