بركت تحت رجولو ، قلت ليهو ولقيتوني وين ؟ قالي كنتي ضايعه من بيتكم ، وانا بصراحه حبيتك وحبيت جمالك ماشاءالله اتمنيت م القي اهلك عشان اربيكي ،م حاولت افتش الا بعد فترة ،لمن رحلت عرفت من زول كان جارنا ان في ناس شافوكي مع امك دي ، في بيتنا القديم و لمن عرفو وجو سالو انحنا رحلنا ،و انا رجعت و سلت خبر عند ناس الحله لو جو تاني سالو ، يدوهم عنوانا الجديد ،،و اتربيتي معاناا .. م اتكلمت ولا بحرف ، قمتا علي حيلي وطلعتا من البيت ، و هما منتظرني بالعربيه ، انا مشيت برجولي م بعرف اتجاه وين بس بقيت ماشه و ندي نزلت تانديني ، و جرت وراي و ناس معتز اتحركو وراي بالعربيه ..مسكتني ندي بقوليها فكيني فكيني. وبحاول افك يدي منها و ابكي ، مسكتني شديد قالت لي استهدي بالله روقي روقي خلاااص كنت عارفاهم حيزعلوكي بس انتي اصريتي تمشي ،،مريم جات مسكتني بتقوليها مالها اكيد دي متاب الزفته سمعتا فارغ ،، بس انا ببكي لمن رجعوني العربيه ، و لسه ببكي ، بقيت اقوليها انا امي ميته ما عندي ام ولا حاجة م عندي اي ام يا نددي اسي سالت امي وابوي ، علي حسب كلامهم اني نور الضايعه ، حرقو قلبي يا ندي اااخ يا قلبي نار نار مولعه فيني ، من الخلعه سكتت و بقت منططه عيونها فيني ،، ختت يدها في خشمها ومريم ومعتز ما فاهمين حاجة .. صمت رهيب زول قحا مافي .. اتحركنا علي بيت ندي .. داخلين ساكتين ندي مصدومة م اتكلمت و مريم ماسكاني ، امها فتحت لينا الباب .. ما عارفه حصل لي شنو اترميت فيها و قعدت ابكي قلت ليها قالو الخاله والدة ما بتكوني لي ام .. و قالت لي حنونة انتي زي ندى يا ماما انتي بتي .. نور رفعت راسها قالت ليها لا هي ما زي بتك يا امي ، هي فعلاً بتك ، بت اختك الله يرحما يا امي ، دي نور ، بعد 23 سنة اتفكا الحداد م عارفه اضحك ولا ابكي ، غريبة الدنيا يا امي ، غريبه ، فقدنا ناس و كسبنا ناس ، ي حليلك يا حبوبه عشتي مع الذنب دا سنين طويله ، ام ندي مسكتني من وشي قالت لي انتي دمنا انا من شفتك قلبي دقا انا حاسه يا حنين انتي حقتنا و كنت عارفه مصيرك ترجعي و بقت تبوس فيني ، وتبوس فيني ، سمعت صوت حبوبه بتنادي يا اميرة ( ام ندي) .. جريت عليها انا قعدت ليها في الارض و بقيت ابوس فيها قلت ليها انتي فقدتي عقلك بسببي يا حبوبه انا نور يا حبوبه ما حسيتي بي ؟ ّلقيتا بتقول دايرة اللبن حقهاا .. فقدت الامل فقدان العقل ما ساهل ...خالتو اميرة ترجع وتبوس فيني ، حتي بعداك سالت عرفنا كيف .. حكينا ليها الحصل كلو ، و قالو بيمشو بيتنا و يتكلمو مع امي و ابوي ...
من بكي و خلعه وصدمة البيت اتقلب زي بيت العرس و لقيتهم كلمو ابوي (الحقيقي) ما صدقهم لدرجة قفل الخط في خالتي ورجع اتصل تاني ، ابا يتكلم معاي في التلفون قعد يبكي ،، و انا ما اصريت اتكلم معاهو بس اكيد حاكلمو وارجع ليهو ..
كل دا ومريم بس بتعاين و حسيتا حزينه شديد قلت ليها : مالك ؟ قالت لي مافي حاحة ، قلت ليها مافي حاجة و وشك ما بيتفسر، قالت لي لقيتي اهلك وخلاص حتنسيني ، قلت ليها انساك انتي يا مريم والله انتي العمرك م حتتنسي انتي الصحبه وانتي الروح وانتي كل حاجة الله يديمك لي يا اختي ..
فات اليوم دا علي الافراح دي ، انا بت مع ندي و مزيم رجعت لامها ..
ندي بتصحيني الصباح و بقيت بقوليها :
انت حيوان !
زح مني ، زززح مني قلت ليك
انا مرتك علي الورق و بس والله تقرب مني الا اقتلك ، انا حلفتااا ززززح مني
لازم تعرف اني بكرهك ، وعمري ما حأحبك فاهم ولا لا ..... و بصرخ و بكورك ،قالت لي حنين اصحي اصحي ي بت و انا بقوليها يوسف زح مني ... صحيت مخلوعه بقوليها في شنو ؟ قالت لي انتي الفي شنو يا حنين بتكوركي وتقولي زح مني ، قلت ليها حلمانه بس اعوز بالله ، قالت لي كدي قومي قومي صحصحي في ضيف تحت عايز يقابلك .. قلت ليها منو ؟ قالت لي م بوريكي قومي .. قلت ليها صراحه م بقدر اقعد بلا مريم حلبس وامشي ليهاا بس بعد اشوف الضيف داا ..قمتا لبستا وخلصتا ونزلتااا ..
سامعه صوت رجال و ونسه ، وضحك ، نازله براحة ، الا لقيت ندي جرتني قالت لي مالك محننة ، بس لقيت نفسي في نصهم ، بعاين كداا شفت راجل لابس جلابيه و وجيه تبارك الرحمن م حسيت بيهو الا حاضني و يبكي ،وبقيت ابكي معاهو ، قلت ليهو حسيت بيك انت ابوي صح ؟
قالي ايوة صح ، قلت ليهو انا عرفت طالعه علي منوو ، و فرحانة كل شوية يسلم علي ، قالي حسوقك معاي .. الا سمعت صوت م كنت منتبهه لوجودو ، قاليهو احم شنو ياحاج عبدالله هههه تسوق منو ولا شنو استهدي بالله انت متين جيت .. قعدو يضحكو ضحك ابوي قاليهو انت مالك بتي ولا بتك ؟ قاليهو لا لكن يمكن تبقي لي قريب بس لو بتديناا ، ابوي عاين لي قاليهو يا زول انا ياداب لقيتا ما بخليها تاني دايرين تشيلوها مني ،،
عاينت ليهو وقلت ليهو شفت انا ما بالساهل اتشال هههههه ... اتونسنا وضحكنا لاول مرة احس بجو الاسرة كنت مبسوطه لانو بالجد بيدخلو القلب سرعه .. ّ
بقيت بتلفت زي الرايحه لي حاجة قلت ليهم انا م بقدر اقعد بلا مريم عايزة امشي ليهاا ، ندي قالت لي اتصلي ، قلت ليها لا انا عارفاها حتكون ماخدة في خاطرة اني اتغيرت ولا حاجه عشان كدا احسن اطب عليها ، قالت يلا انا معاكي ، استاذنت من ابوي قلت ليهو بجيبا واجي م بقدر اقعد من غيرهاا ..
