انا ما بنكر ان من صغري بتعرض للمواقف دي من ناس البيت ، بس المرة دي كان الموضوع زايد عن حدو ، كأنه كبت ، كأنو كلام كانت كابتاهو جواها طول السنين دي كلهاا ..
قلت ليها : طيب في حل يرضي جميع الاطراف يا امي ، ببساطه وريني اهلي دربهم وين و انا بمشي ليهم و بريحك مني خالص ، ما هو انتو ما لقيتوني علي باب جامع ولا اتبنيتوني من ملجأ ، ولا ابوي كان متزوج مرة تانية ، يبقي انا لي اهل و بت ناس ، عشان اريحك و ما اتعبك معاي زي م بتقولي ، وريني دربهم وين وانا بمشي ليهم بس انتي ما راضيه تتكلمي لا انتي لا ابوي ، خاتني بين نارين لا عارفه اعشم انهم حين ولا قاعدين ولا ميتين واترحم عليهم !
دخلت غرفتي و قفلت الباب ، فتحت درجي عندي علبة امواس طلعتها وقعدت في الارض ، اخدت قرارر اني ابعد عن الدنيا دي ....
قاطع تفكيري اتصال من يوسف ، من شفت اسمو ، بالجد اتزكرت انه احلا حاجة في حياتي بس حاجه ناقصه ، في الفترة اللخيرة يوسف معاي ما زي زمان ، انا خاته ليهو العذر انه جاري و مهموم في امور شغلور و نفسيتو تعبانه عشان كدا بقى ما مواكب معاي حياتي و مشاكلي ... رديت عليهو :
_ الوووووو حبيبتي
*يا مرحب
_صوتك مالو ؟
*مالو عادي مبادئ التهاب بس
_كلامك دا قولي لي زول غيري في شنو مالك ؟ّّ
*مافي حاجة كالعاده متناقشه مع متاب
_طوالي بتتناقشو يا حنين بس م لدرجة تبكي متاكدة انك ما داسي عني حاجة ؟
*لا ما داسه حاجه ( في سري قلت انت براك فيك المكفيك مستحيل اشغلك بالموضوع دا)
_قالي طيب عندي ليكي خبر حيفرحك شدييييييييييد وحيزعلك برضو
*قولي محتاجة افرح وان شاءالله ما حزعل
_لا ما بينفع كداا الا نتلاقى
*ما بقدر اطلع زي ما عارف
_لا انا زاتي ما بخليكي تطلعي في الوقت دا بكرة ان شاءالله ، بنتظرك ع الشارع وبوصلك للجامعه ونحكي في الطريق ..
*يوسف بكرة جمعه انت ناسي !
_اوووووه نسيت والله
*م مشكله ، بكرة العصر نتلاقى ان شاءالله
_ان شاءالله ، انبسطي حبيبي ما تنزعجي
*م مزعوجة بس دا شنو البعمل صفارة دارمن قبيل في تلفونك ، تووت توووت تووت دا شنو ؟
_ اامم اا لالا مم م مااا مافي حاجة ، ددا دا اااي اي دا اسامة صحبي من قبيل داخل علي بأتصال ..
*طيب حبيبي عادي رد عليهو وارجع لي
_لا لو رديت عليهو حيمسكني بالكلام عشان كداا خليني اتم ونستي معاكي و بعدين برجع ليهو ..
*ما حيزعل ؟ّ
_ لالا حبيبي ما بيزعل ..
*طيب انا كدا بقيت بفكر و بالي انشغل اديني نبذه عن موضوعك
_ي روحي خليها بكرة
*لالا عليك الله اسي
_طيب حوريكي بس بكرة لازم اقابلك
* اكيد ي روحي ان شاءالله
_طيب ، تتذكري عمي الفاتح !
*اممممم بتاع عرعر !
_ياهو زاتوو ، اهاا بصراحه الموضوع دا ليهو كم يوم بس قلت ما اكلمك الا اتاكد عشان ما اعشمك ساي ..
*احكي ياخ حرقت روحي ،والجرس البدخل ليك دا ضايقني شديد رد عليهو ياخ
_م نركزي معاهو ركزي معاي انا بس ..
*اها
_يلا كان ساعي لي في اقامة و حمدلله لقاها لي و جهز لي اموري ، واتفق معاي لمن اجي اشتغل اسدد ليهو حق الاقامة و ...
*يا الله ييييييا الله حمدلله ربنا فرجا يا يوسف مش قلت ليك ان ربنا حيفتحا علينا ، وآخرة الصبر خير حبيبي ياخ انا فرحانه ، ياخ اقفل خليني اصلي ركعتين شكر ..
_ حنونة اصبري ي روحي خليني اتم كلامي..
*لالا دا بيكفي دا احلا خبر حبيبي والله فرحتاا ليك شديد .. برحتا لدرجة خايفه اسألك شنو الخبر الممكن يزعلني وايمو ويشيل فرحتي مني ..
_لا ي روحي بس فكرة انه نبعد عن بعض وانا اسافر وما اشوفك الا ف الاجازات دي صعبه علي والله
*و صعبه علي برضو بس انحنا عندنا حلم و ... ( وانا بتكلم مع يوسف سمعت متاب بتكورك مع امي ، قلت لي ذوسف اقفل برجع ليك ) ..
وقفت ورا باب غرفتي سمعت متاب بتقول لأمي : ليييه كل حاجة حنين حنين حنين ، حتي اي زول بيشوفا و بيشوفني بيقول حنين احلااا مني ، اسي انا الكبيرة مفروض انا الاعرسو ما حنين ، بعدين هي بتقول ما عايزاهوو ليه تجبروها ، خلوني بعرسو انا ،،، مي بتقوليها وطي صوتك يا متاب ما صح كلامك البتقولي فيهو دا .. قالت ليها لا كلامي دا الصح ، انتو مش دايرين القروش ، بس بسيطه هي ما دايراهو ، بعرسو انااا !
زي ما تقولو كدا حسيت بخيبه امل
لحد الان ما عارفه سبب كره متاب لي القاعد يكبر كل يوم زياده ، في كل الاحوال الكلام القالتو دا انا ما بيفرق معاي لاني ما دايرة غير يوسف ، بالعكس حتحل لي مشكله ، بس المضايقني كرههم لي م حقول كره متاب بس ... رجعت اتصلت علي يوسف *انتظار
كل ما اتصل *انتظار
اكتر من ساعتين تلفونو مشغول *انتظار
بعد ختيت تلفوني جمبي وقلت انوم لقبتو هو بيتصل علي ..
*الو
_اسف حبيبتي كان معاي تلفون من اسامة
*عادي ي روحي انا ما سالتك
_ولو انتي حبيبتي ولازم اوضح ليكي
*ولا يهمك حبيبي
_اسي المشكله ان ما عامل حسابي علي سفر يعني عمي اتولى كل حاجة بس اكيد م حشيل منو مصاريفي ، ولا عارف اشتري لي كم لبسه من وين والله اموري جايطه ..
*بتتحلاا
ما تشيل هم ، انت ما لامي اي قروش ؟
_ لا بس بتسلف
* دقيقه ي روحي برجع ليك ..
قفلت منو اتصلت علي مريم ، قلت ليها ممكن تسألي لي المرة لو ينفع اخد صرفتي من الصندوق في اليومين دي ؟
قالت لي في شنو يا حنين مالك ، مش اديتك مصاريف انا ؟
قلت ليها يا مريم دايراها م تساليني ليه بس شوفيها لي ،، قالت لي ما حتوافق والله انا جربتهاا ، كل فضل ليكي شهر و تستلميها و بعدين لو اخدتيها اسي حتضيعيها و م حتدفعي مصاريف الجامعه ،، قلت ليها طيب اقفلي لبكرة ،، فعلا قفلت و رجعت ليوسف ..
قلت ليهو :
*حبيبي م تتسلف بكرة ان شاء الله بتتسهل
_قالي في شنو ؟
*بديك سلسلتي فكها و قضي حوجتك
_لا طبعاً انارم حكيت ليكي عسان اشيل منك ، انا بدل اشيل منك مفروض اجيب ليكي يا !!
* ريم !! .... ريم منو يا يوسف !!!!!!!!؟
🏃°~
