قبلة الموت

32

-٣٢-

*ما تتصلي علي تاني ، وعرس مافي
ولو في حيكون عرسي !!
*يوسف انت زعلان مني في حاجة ؟
_م زعلان و م بحبك انا بكرهك و اوعك تفكري تتصلي علي في يوم فاهمة
* ما تهزر معاي كدا عليك الله يا يوسف بطل هزارك دا والله م بستحملو
_انتي حيوانه ما بتفهمي عربي ، كلامي واضح وانا ما بهزر معاكي
*يوسف م حصل اسأات لي ، هزارك تقيل بالحيل حار ما حسامحك م تهزر كدا
_استغفر الله ، ياخ طيري ... *قفل الخط
*يوسف ما تهزر
*يوسف رد ليه بتهزر معاي كدا
*يوسف انا حنين كدا دي المرة التانيه تقسي علي ، عليك الله ما تهزر
*ما تهزر
*عليك الله م تهزر
*يوسف هههههههه م تهزر ههه قفلت السكة عشان ما اكشفك هههه بس قولي انك بتهزر وانا حأسامحك مستحيل قلبي يغضب منك انت روحي وحب عمري .. ..
جات مريم قالت لي :
_حنين مالك بتتكلمي كدا وتضحكي براكي ؟
*تعالي يا مريم شوفي يوسف دا من قبيل قعد اقوليهو ما تهزر معاي كدا وهو مصمم ، هاكي هاكي ليهووو ..
_شش شنو ، كيف ما فهمتك
*هاكي قولي ليهو ما يهزر معاي كدا هو بيهزر يمكن عملتا حاجة زعلتو ههه ..
_ الووووو ... الوووووو ...
حنين الخط قاقل ...! المكالمة دي انتهت من 11 دقيقه ، كنتي بتتكلمي كيف ؟
*هههههه مع يوسف حبيبي ، سمح ارجعي ليهو انتي و ما توريهو اني جمبك لانو حيهزر معاي تاني هزارو السخيف دا وريهو اني ما بتحمل
_ هزار ! حنين لسانك تقيل كدا ، ي بت ، بري والله البت دي ما طبيعيه ،،بسم الله .. كدي اتصل علي يوسف افهم منووو ،، دي مالها يا ربي ... *جرس *جرس
_ اااااالو......
*يا بت انتي حيوانه غبيه ما بتفهمي ، قلت ليكي ما تتزفتي تتصلي علي هنا تاني فاهمه ، وانا بكرهك ومستحيل اعرس وحدة زيك يا حنين ، و انتذ خدامة تحت رجولي ما تنفعي معاي و كل الوقت دا كنت بلعب بيكي ، فلهمه ولالا م تتصلي علي هنا تاني ولا اقوليكي انا بحظرك نهائي ،، يلاااا الله يحرقك ...
_ يي يوووسف لل حظة انا مريم ...الوووو الووووو ... دا كلام شنو ، اف يا الله دا مالووو ، حسبي الله ونعم الوكيل فيك يا يوسف حسبي الله .......
بقيت بردد ...
*يوسف ماتهزر عليك الله م تهزر معاي كداا
_حنين ازكري الله ، سجمي سجمي البت حتفوت يا ربي
*قاليكي بيهزر صح انا كنت متأكدة ههههه اهئ ..... ( بقيت ببكي بحرقه و اضحك حبه وارجع ابكي و اكرر ، يووسف لالا م تهظر كدا والله كدا كتير علي ) .. مريم اديني اتصل عليهووو
_ ووواي البت حتجن ، يااااا اااامي ، يااا امي حصليني ، يا الله ، حنين عايني لي هنا اتكلمي معاي ،
*يوسف ما تهظر معاي ...
_طيب ما هيظهر معاكي اسمعيني عايني لي هنااا ،، يااااا امي تعالي
في شنو يا مريم ؟
_حنين ما طبيعيه معلقه و ما بترد لي مسهيه عايني ليهاااا
اسم الله عليها بسم الله بسم الله في شمو حصل عليها شنووو قبل شوية كانت كويسه
_موضوع طويل يا امي ..
يوسف دا منو ؟
_امي ما وقتو بفهمك بس خايفاها تجن عايني عامله كيف ما بترمش
اجري حصليني بموية
_طيب طيب ... يا ربي يا ربي حسبي الله ونعم الوكيل حسبي الله ، الله يجازي الكان السبب ....
_هاكي يا امي ...
لاحول ولاقوة الا بالله ، البت دي محتاجة تترقي يا مريم ، هو يوسف دا منو البتهضرب بيهو دااا
_امي لكن اسي ما وقتو ، اذازما واعية هي اكيد سامعانا ، لمن نكون برانا بحكي ليكي ..
بسم الله ، بسم الله ،بسم الله
اثناء ما هي بترقي لي انا نمته ، و من غير مبالغة دي اول مرة زول يمسك راسي دا و يرقي لي ، مس قلت ليكم ان ربنا بيوقف الناس للناس ، ربنا ما بينسي زول ،لو مقطوع من شجرة جت ، بتلقى وليفك ..

( في جانب تاني )
* بس لو اعرف بتخططي لي شنو ؟
_انت كان صبرتا بحصل ليك سنو ؟
*ما عارف والله ما اكذب عليكي اول مرة اكون في الحاله دي ، كتن قلت ليكي فاهم نفسي اكون غلطان ..
_اييييك مرحلتك دي صعبه ، صعب الحب
*حب شنو ياخي ، الحب دا خليتو ليكي انتي و سامر ، صحي ما وريتيني ،حتعرفيني عليهو متين ؟
*ياخ لمن يرجع السودان ، خليك من سامر _اسي ، عليك الله اعترف ، بتحبها ؟
*ندى انتي مجنونة ؟ الحب ما بيجي كداا ما بعرفا ولا بعرف عنها غير حاجتين اسمها حنين و شغاله خدمة عملاء ، حأكون حبيتا كيف الحب دا ساي كدااا
_اممممم بس انا نفسي تشوف نفسك بتتكلم عنها كيف لمن تجيب سيرتا ، بس اسألك بالله دي ما صدفه غريبه يا زين انها من ضمن اي محل في الخرطوم جاتني انا ؟ يمكن لخير ربنا دا بيجمع تحت مسمى الصدفه ..
*اها جات وبعد جات حصل شنو ؟ ولا حاجة
_امممممم خليك علي كدااا
*مخليني ، اسمعي تعالي لينا ياخ يا نجيكم احنااا لازم نحل الاشكال الحاصل دا بين الاسرتين اذا..
_انا زاتي بفكر في كدا بس شنو خليهاا برا لا ف بيتنا لا ف بيتكم
*اها وين ؟
_غدوة ظريفه كدا برا
*ايوة عايزة تدبسيني في الحساب
_اخسسسي زين من متين وانت جبار كداا ، بركة الحمدلله الما عرستك شفت ربنا دا بحبني كيف ..
*يلا ياا رمة ههههه انا جبار ، حنين اسمعي
_ منووو منووووو منوووووو!
*ندى مالك ؟
_ههه

ههههه ياخ ندى هههه
*انقلعي يلا انا شنو بخليني اتكلم معاكي
_سمح انت مالك اسي منفع كدا ؟ ههههه
* ندى سلااااااام
_لالا والله بهزر خلاص
*لا ..باي
_دا قفل جادي ههههههه .....
..............
يوووم ، يومين ،، ما حاسه بأي حاجة حولي ،، ااي يمكن تقولو لي يا حنين انحنا متوقعين حاجة زي دي ومفروض تكوني مهيأة نفسك من ساعة الموقف العملو معاكي و التغير الكان حاصل داااك ، انتو كمان ما تنسو قلب المحب اعمي ، انسان تتوسم فيهو الخير تشوف فيهو الدنيا و العالمين ، تشاركو افراحك واحزانك ، ضماد لجراحاتي ، في حاجة اسمها التعويدة والتعويده دي اكعب من الحب ، ااي ياخ مفروض ما اتأثر للدرجة دي لكن لمن زعل يسمعك فارغ وانت عارف سببو شنو وغلطك شنو والله بتجي علي قلبك زي الهمبريب ، لكن انت اعز ناسي وحبيبي فجاة تسيئ لي و تهيني و تكلمني بالقساوة دي ، ليييه ياخ انا ما حبيبتك ؟ طيب وريني غلطي شنو انا عملت شنو زعلك مني للدرجة دي والله حتكون اهون ..
لكن تزعل مني وتسيئ لي من غير م توريني غلطي عليك كان شنو ، و تتخذ قرار و تحكم علي قلب تناقشني و تسمعني ، هنا انا حأقول ليك : حريقة تحرق الحب لو كان بيمس كرامتي ، بحس مليان
( وجودك جميل ، غيابك لا يصر ، و فرصه سعيدة جداً 😊 ) .... والحب ما بيقتل ، بيقتل اليوم ...

😥 اللهم قوة 👐..

يتبع....
سحر سمير