بعدها ب ربع ساعة وصلت المحل...
( في جانب مريم)
*انتي وحدة ندلة يا غاية
_ليه كدا يا مريم والله مشغوله
*ياخ بقيتي لا بتتصلي لا بتسألي من زول و كان اتصلنا ما بتردي يا انتظار ولا بتفكري ترجعي حتي ..
_والله مشغوله وعارفه اني مقصرة معاكي
*المهم ي ستي حنين كانت تعبانه شوية كنت حابه اتفق معاكي انتي وتوته نطلع نغير ليها جوو ..
_حح ح حنين ليه مالها ؟ّ
*موضوع طويل ، المهم نتلاقى متين اشتقت لي لمتنا
_انا بصراحه مشغولة الفترة دي واتصلت ليكي عشان اقول ليكي حاجة
*خير ؟
_لالاخير بس انا عقدي الجمعة البكرة دي و حعمل عرس طوالي حنة ما عامله عشان اجازتو ضيقة
*شنووووووو! كل دا و م نعرف دا شنو يا غاية بتباغلي عقد شنو يا بت بسم الله هو متين هو وليه مستعجل كدا زولك دا ؟
_اتلمو الرجال وحددو انا زاتو ختوني قدام الامر الواقع
*دا قريبك داك ؟
_ ااا احم لالالا دا زول كدا اتعرفت عليهو من فترة ، حبيتو يعني
* المهم انه يكون معاكي راجل و يحترمك اهم شي و الحب دا ملحوق فهمتي علي و بالجد فرحت ليكي و حكلم حنين و نزورك المسساء ..
_ حح حنين لالالا انا المساء م بتلقوني حقعد الي مين ديل عند خالتي
*اها م مشكله لمن تكرني فاضية وريني اتصلي عندي ولا عند حنين ..
_تمام مريومة يلااا باي ...
*سلام ....
وصلت المحل .. من دخلتا لقيت ندى ، قعدت تعاين فيني مخلوعه ، حنين ،وجات حضنتني ، قالت لي :
_اتصلت عليكي كتير وينك انتي كويسه ؟
*كويسه حمدلله بس شوية ظروف كداا
_اسمعي انا مبسوطه شديد بي جيتك ، اقعدي هنا انتظريني معاي زباين جوا اخلصهم واجي .
*طيب ..
قعدت ، و كانت جمبي في علبة سجاير و ولاعه ، قلت معقول بتدخن ! سكتا و لقيت لي مجله بقيت بعاين فيهاا .. فجأة حسيت بي زول وقف جمبي ، قالي جعان انا تاني ما حجيكي هناا بخلي شغلي و اجي اساعدك انتي م عندك دم بتخليني جعان ..
كتمت الضحكة ، و رفعت راسي ما شاء الله طويل ،، قلت ليهو اكيد ما بتقصدني اناا ندي جواا .... بقيت بعاين فيهو وفاتحه خشمي مترين ، من الخلعه دايرة اقيف علي حيلي ما قدرتا ،زبطت ليهو وشي ربطة العدوو ..
و هو بعاين فيني صر لي صرة ، قالي انتي !
قبلت وشي و قلت ياساتر دا شنو الجابو هنا ، ي ربي شبهو ؟
قالي يا ساتر مالك شفتي جني ،اااي انا زاتو الفي بالك ، الجايبك محلنا شنووو ن
قمت وقفت ، قلت ليهو :
*دا محلك ؟
_ايوة محلي ... جات ندى وقفت مخلوعه..
*طيب كان محلك دا انا ماشه سايبه ليك ، دي مصيبة شنو دي ، عن ازنك زح كداا ..
ندي قالت لي حنين لحظة لحظة ، دقيقه في شنو عصبتي كداا يا بت ، لحظة هو بيهظر ، اقيفي ...
وصلت لحد الباب ، قلت ليها :
*مش قال محلو ، انا مكان هو فيهوو وكمان كمان حقو ما بقعد فيهوو ..
_لا اصبري بس افهميني وخشي خلينا نتكلم و بعدين انتي جاية عشاني ولا جاية ليهو ؟
*طيب .... رجعتا ، قالت لي اقعدي ،، قعدتاا ، و زولكم واقف ..
_ م تركزي معاهو و بعدين ياخ مالكم انتو في شنوو معقوله تنفعلو كدااا
*دا مش محلك انتي ؟
_اااااي حق ابوي وانا واختي شغالين فيهو
*طييب دا لشنو بقول لي ان دا محلووو؟
زين__ ما اسمو داا ، عندي اسم انا ..
_زين!
*مالي و مال اسمك انا
_خلاص يا حنين روقي ، م تركزي معاهو زي ما قلت ليكي ،و والله هو ما كعب
*كويس ولا كعب لنفسو بس ما ناقصني اشوفوو
_خلاص طييب م تزعلي ولو هو مزعلك امسحيها في وشي اناا ..
*لا يا ندوية انتي م عليكي ، معليش انا الانفعلتا بزياده ..
_ انا اسف
* تمام ، ندى اتا بمشي بعد دااا
_لا انا ما قعدت معاكي يا حنين و بعدين اتصلت عليكي الايام الفاتو م كنتي بتردي علي
*قبيل اتصلت عليكي عشان اشوفك قاعده ولالا بس في زول رد علي ..
_انت يا زين ؟
_ نسيت م وريتك و م كنت عارف انها الاستاذة
* وانا لو كنت عارفه انت الرديت علي كان قفلتا السكة ..
___ ما ح ارد عليكي
_الله يهديكم اتقول عندكم تار مع بعض
*ندوية انا ماشه اتطمنت عليكي خلاص
_لو مصرة تمشي ، يبقي مواعيدنا بكرة من الصباح تجيني تقضي اليوم كلو معاي ..
*حاضرررر وانا لاقياكي وين ..
_اتفقنا ، و بعدين حأتصل عليكي
*تمام حانتظرك ، يلاااا مشيت ...
_سلام حبيبتي ...
طلعت من المحل ، وقفت برااا مسافه ، عاينت وراي لقيت زين واقف يعاين ، منو وطوالي ركبتا المواصلات ، اتصلت علي مريم قالت لي ، استنيني في السوق جمب ال (..)
فعلااا، وصلتا و واقفة مسافه لمن جات ..
* اتأخرتي ي مريم !
_م لقيت مواصلات والله وقفت كتير ، وووواي عندي ليكي خبر حلو
*الحقيني بيهو محتاجة افرح و انا عندي ليكي صدمة عصبيه
_يا ساتر قولي
*لا قولي انتي اول
_غاية بكرة حيعقدو عليهاااا فرحت ليها اخيرااا ّ
*ماشاءالله حبيبتي غايه تستاهل ربنا يفرح قلبها يا رب ، ياهو الزول الدايراهو ؟
_لالا قالت واحد تاني م ورتني حاجه
*ربنا يتم ليها علي خير مش مفروض نمشي ليها نساعدا ونقيف معاها !
_ دقيقه دقيقه !!!!!!! دا شنو
*شنو ؟
_عايني هنااااا
ااك سجمي !
*وين يا بت في شنو اعصابي باظت ّ
_المحل الناصيه داك ،، عايني عايني صباعي موجه وين ..
*شنوو ؟
_دي مش غاية ؟ّ
* ااا اا اي ياهااا ، و دددا
_المعاها داا ، داا مش .....
* يو يي يوسف يا مريم !!ّّ
😥«~
للناس القالو لي ما اختصر الرواية انا فعلا م حابة اختصرا بس هي كتيرة و انا طولت فيهاا و بس يعني ، المهم حكمل فيها و زي م تخلص تخلص ، انا خابه القصه و بكتبا ليكم بي حب ، يا حب انتو ❤
سحر سمير
