رجعت الجامعه بعد يوسف وصلني .. ّمشيت للبنات ..
مريم : اهاا طمنيني حنونه ما يكون زعل منك ولا في حاجة حصلت بينكم ، صارة لي وشك دا كداا !
انا : تصدقي بعد دا لقيتو ما زعلان مني و اتخيلي جا عشان يوريني شهادتو و قال انه عارف ظروفي ..
مريم : طيب صارة مالك ؟ّ
انا : عشان طوالي نزل شغل و شغلو ما الشغل البيستحقو بس في النهاية مصدر دخل ليهو وانا شجعتو لكن خاطري مكسور عليهو ..
توتة : سنااا يا الحب
مريم : يا زوله بكرة ربنا يكرموو
انا : يا رب يا مريم يا رب .... غاية ! يا بت
غااااااية هوووي يا بت تعايني وين ؟
غاية : لالالا مم مافي حاجة
مريم : لسه بتفكري في زولك داااك
غاية : حي من العلي بس اسكتن خلني في حالي
توته : اجي !
بعد كلامنا ، غايه وتوته مشو محاضراتهم و انا و مريومة كانت عندنا محاضرة واحدة خلصناها و مشينا الشركة ، انا بشتغل من بعد الظهر لحد المغرب ،مرات كتيرة بدك محاضراتي بسبب الشغل ، بس حمدلله مواصبة كويس و بقدر انسق حتى فترة الامتحانات .. خلصتا شغلي و انا و ماشه علي البيت لمحت متاب اختي راكبه العربيه مع واحد ، مريم قالت لي اختك دي جنت ؟
قلت ليها جنت ما جنت ما لي دخل بيها من غير شي انا ما سالمة منها ، من دربنا دا كل وحدة مشت علي بيتهاا..
(في جانب تاني )
*الو
_الوو
*ايوة منو معاي !
_اووف مالك حاد كدا واختصاري
*للمرة التانيه منو معاي ؟
_و المرة التالته بيحصل فيها شنو ؟
* بيحصل فيها كدا *............ الخط اتقفل
مررت الايام علي نفس الروتين من الجامعه للشغل للبيت و طول اليوم مع يوسف في التلفون ، لحد ما في يوم اتصلت عليهو
*حبيبي
_امم حنونة
*حنونة ! اول مرة
_اصلا بحب اسمك حبيبتي
*خليك من تحب اسمي ، مالك الليله صوتك ما عاجبني !
_زهجان بس
*زهجان بس ، و بعدين شكلك مافي الشغل
_عرفتي كيف ؟
*صوت الكركبه البتكون جمبك ديك مافي ، اجازة ولا شنو ؟
_لالا ما اجازة انا مشيت زي كل يوم بس عملت شكله مع ولد سيد الورشه و خليت ليهم الشغل ومشيت ..
*اوف ليه كداا لكن ؟
_مستفز شديد ودي ما اول مرة ، طوالي كنت بحاول اتجاوز تصرفاتو معاي بس كتراا
*طيب لخير ما تزهج و لا تضايق ربنا بجيب الفيهو الخير ، سبحان الله حبيبي تقول قلبي حاسس امس كنت بتكلم مع المدير في شغلك و قالي الليله حيرد علي، اشوفو وارجع ليك..
_حنين ربنا يخليكي لي انا ما عارف كيف بتقدري تقلبي مزاجي كدا في لحظات ..
*و مايحرمنا من بعض يا رب ، يلا برجع ليك ..
فعلاً قفلت منو ، و مشيت سالتو
رغم ان فترة التعين انتهت بس حسة بالحوجة في عيوني ، قالي الا بعد شهر قلت ليهو شهر بعيد ، و ما حبيت اتقل دمي ، قلت ليهو خلاص ربنا يهون و طلعت .. حسيت بالاحباط شغل صعب شديد انه يتلقي ، .. بقيت بوصي اي زول عنده طريقه و برسل ليهو الCV حق يوسف و طبعا الكل بيقول ليك انتظر مني رد ...
و برضو فاتت الايام علي نفس الحال يوسف بيفنش في شغل وانا معاهو ، بس زادت خلافاتي مع متاب ، صح ما عارفه انا كلمتكم ب مي ولالا ، مي دي تقريبا اصغر وحدة بما اني ما عارفه عمري تحديداً فا يمكن اصغر وحدة علي الاقل بين اخواتها ، المهم مي كويسه معاي شديد بحسها اختي جد ، ما بتشتري حاجة الا و تجيب لي معاها ، واي شي بحبو بجي بلقاهو تحت مخدتي او في دولابي ، الحسنه الوحيده ان غرفتي براي معزوله ..
في يوم مشيت الجامعه ، لقيت يوسف في الجامعه ، استغربتا ، مشيت عليهو :
*صباح الخير حبيبي
_يا هلا صباح النووور
*منور الجامعه حبيبي ، اشتقت لي و لا اشتقت لجامعتك ؟
_انتو الاتنين ههه
*ههه اها فطرتا ؟
_لا و ما داير
*ليه ما داير ، انا من شفتك نفسي اتفتحت والله ، يلاا ناكل سندوتشات كدا وعصير بارد.
_حنين مالك ما بتسمعي الكلام قلت ليكي ما عايز لو انتي عايزة امشي اكلي !
*طيب حبيبي براحه ما بقصد شي
_كيف م بتقصدي وانتي بتلحي علي كدا
*يعني قصدي ازعلك تقصد ! معقوله يا يوسف كل الموضوع اشتقت للاكل معاك و ال.......
_خلاص يا حنين عليكي الله ، انا ماشي
*يوسف ، لحظة انتظرررر ! يوسف
( طلع ولا حتي اتلفت لي ولا اتكلم معاي ، مشيت وراهو برا الجامعه زي الهبله ما فاهمة اي حاجة)
*يوسف لو سمحت ممكن تقيف !
_حنين ارجعي جامعتك
*لا ما برجع مالم اعرف سبب تصرفك الغريب دا شنو ،؟
_عايزاني اقوليكي شنوواذا انتي ما فهمتيها ؟
*هو في شنو حصل لكل دا اساساً !
_امممممممم
*اها ااا ، اسفه والله ما قصدي احرجك يا يوسف ولا حسبتها كداا ، كدي تعال نمش بعيد عن الجامعه شويه
_حنين ممكن ترجعي جامعتك ؟
*حرجع بس لحظه ، تعال ، تعال
_اها
*عايزة اطلب منك طلب بس م تعصب علي عليك الله انحنا متفاهمين وبراحه بنحل مشاكل بعض ..
_طيب اها
*اا ، ( فتحت شنطتي ، و دخلت يدي في جيبو ) ..
_حنين مجنونة انتي ! دا شنو العملتيهو دا
*وعدتني نتكلم براحه ، م تكورك
_طيب امسكي قروشك دي انا ما داير و بقدر اصرف نفسي لمن القي لي شغل
*حبيبي انا لمن احتاج ما اطلب منك صح ؟
_لا بتفرق يا حنين انا عار
ف وضعك كويس
*وضعي مية فل و عشرة حمدلله ، خليها معاك لمن تتسهل و يارب تتسهل في اليومين دي ..
_ يااا رب ، تسلمي لي
*الله يسلمك ، يلا خلي بالك من نفسك انا عندي محاضرة ، علي تلفون تمام
_تمام ....
🐒<~
يتبع ....
