مالك يا بت جايطه مع منو ؟
*مع مي ، الشاي برد ، بسخنووو لمن خالتو تطلع
_خليكي بسخنو انا ، في شنو جايطين ؟
*قالت لي ابوي جاي واني لازم ارجع البيت
_هي القالت كدا ولا امك حرشتا عشان ابوكي ما يشاكلها؟
*امي كاسرث خاطر ما اظن فارقه معاها عشان تفكر زي تفكيرك دا يا مريم دا غير اني قاعده معاكم لي كم ؟ شفتيها رفعت فيني سماعة تلفون ؟
_لا حول ولا قوة الا بالله ، الدنيا دي فيها شنو عليكي الله يت حنين الناس دي تطلش في بعض بالطريقه دي ..
*كفاية انتو يا مريومة ، عمدي بالدنيا ، صحي دايرة اسالك من اخوانك ديل من جيت لي كم معاكم ؟ ما حصل لاقيتهم م يكونو ذافشين من البيت عشاني ؟
_ههههههه منو اليطفشو ديل ، هههه ديل زو عارفين في مزة قاعده معانا بيرجعو بسرعة البرق
* ههههههه
_ واحد في جبيت والتاني في بورتسودان ياهو بشوفو موضوع ورثة ابوي و الجرجرة دي
*بيتكم بتاع البورت ؟
_ اااي ، و داك في جبيت مع الخدمة
*اهاااا
_ اها حتمشي معاي الشغل ؟
*امممم لا طالعه مشوار
_وين ؟
*امم تتذكري في وحدة اتصلت علي ولا انتي ما كنتي جمبي ، ندى !
_اها مالها يعني ؟
*اتصلت علي الفترة الفاتت ايام الحصل دا و طبعا م رديت عليها و كانت دايرة تلاقيني و قلت ليها الجمعه ، المهم مفكرة امشي ليها مفاجأة في المحل ..
_هووي هاا دي منو كمان ، م تقوم تصاحبك و تبعدك مني
*يا عويرة انتي بطلي هترشه
_المهم خلي بالك من نفسك
*طيب ...
( في جانب يوسف )
* مالك يا امي ؟
_ما عارفة بس البت دي مش اخير ليك منها نجوان بت خالك محمد
*ليه دي مالها ؟
_ما بعرف يا يوسف لكن دي اسي عاجباك في شنووو ؟ مالك انت عميان ؟
*ليه في شنو ؟
_ اسي دي سمحه ؟ عاجباك دي ؟ عميان انت ؟
*يا امي الشكل ما كل حاجة
_غير الشكل يا يوسف البت ما مرياحني ما ياها نفس البت اللحوحة والخدومة والطيبه و السمحة الكنت بتوصفا لي ، كأنك كنت بتتكلم عن وحدة ودي وحدة تانيه ، وين كلامك داك
*يا امي دي زاتا سمحه
_دي زاتا !!!!!!!!
_يعني ديك وحدة تانيه ؟
*لالالا لا م مم كدا لا ياها بس عشان بحبها انا بشوفها سمحه و وصفتها ليكي حسب نظرتي
_بس دي ما بت تمسك ليها بيت فكرر ياخ زي الماصدقوو طرالي حددو العرس والعقد بسرعه سرعه زي الما صدقوو ، دي ما غريبه؟
*ما غريبه بس دي الدايرة السترة
_سترة و شرطو عليك تسوقها معاك السعوديه
وين كلامك انها تقعد معاي و تخدمني ؟
* ممم م انا حأشرط عليها م تقلقي
_نشوف يا يوسف ، يعني خلاص العقد الجمعه القدامنا دي ؟
*اي ي امي نتوكل عشان اجازتي مضايقاني
_ ربنا يجيب الفيهو الخير
*ادعي لينا بس ...
............
_يلا يلا يا حنين الزمن ّ
*طيب لحظة بس ...
_الله يديني روقانك دااا
*بالعكس الله يروق دمك انتي و ان شاءالله م تبقي زي ابداااا ً
_ربنا يجبر بخاطرك
*امين، يلا يلااا ،،
طلعناا، علي الشارع ،و ركبنا المواصلات ، هي مشت علي الشغل و انا ركبت خط تاني ..كنت مترددة اتصل علي ندى اكلما قلت اعمل ليها مفاجاة ،، تاني قلت لا ياخ اخير اتصل .. فعلا اتصلت ........*جرس*جرس*جرس
*الوووووووو
_الوو
*ااا دا مش رقم ندى ؟ ( رد علي صوت جهور كدا )
_اي رقم ندى ، انا اسف اني رديت بس هي مشغولة في المحل معاها شباين عروس
*معاها شنو ؟
_ هههه قصدي مجموعة بنات ف المحل
*اها يعني هي في المحل اهم حاجة ؟
_ايوة
_اقول ليها منو ؟
*تسلم .....
_الوووو .. اقول ليها منو ؟ الو ..
بعدهاا ب ربع ساعة وصلت المحل...
🍌🐒«~
