قلت ليها منو نور دي ؟
قالت لي اااااخ من نور وحرقه نور ، نور لحد الليله وجعها ما فارق البيت داا ، حبوبتي فقدت عقلها بسبب نور وهي في عمر ال50 سنة ..
قلت ليها اختك ؟ قالت لي حاجة زي كدا قالو رضعت مع معاذ ، هي قدر معاذ انا اكبر منها بي سنة و هي بت خالتي ، اخت امي الوحيده والشقيقه باقي خيلاني اخوان امي من ابوهاا .. و بعدها خالتي دي ام نور تعبت و بقت مرضانة مرض ما معروف ولا مفهوم لحد ما ماتت بي حسرتا ،ماتت و كانت مشيلة حبوبتي ذنب بتها ،و لحد اليوم راجل خالتي م رجع السودان بعد وفاة زوجتو و ضياع بتو في آن واحد ، قاطع حبوبة ، و راجل خالتي دا يبقي ود خالة امي يعني اهل ،،
دي ما حاجة تجنن يا حنين ؟
قلت ليها تجنن والله ، بس برضو م عارفه حبوبتك عملت شنو ؟
قالت لي امها لنور الله يرحما طلعت مشوار وخلت نور دي صغيرة شديد يادوب بتمشي ، خلتا مع حبوبه ، و خالتي كانت بتقوليها م تخلي باب الشارع فاتح البت بتسرح ،، و الحصل ان حبوبه ما خلت بالها من نور و خلت الباب فاتح سهت عنهااا .. و البت طلعت من اليوم داك و لحد اسي م معروف ليها اهل شهور بيفتشو م ليها اي اثر ،، و حسب كلام الناس وقتها انه شافوها مع مرة ، كانو ساكنين في نفس حلة ناس خالتي بس تحت ، لحد ما الخبر جانا و مشينا حسب الوصف الناس ديل كانو رحلوو ،، بعدها راجل خالتي مارض خالتي لمن صاحب الامانه شال امانتو وهو سافر برا السودان ليوم الليله ما رجع ...
*لا حول ولا قوة الا بالله .. طيب وين كانو ساكنين ناس خالتك زمان ؟
علي حسب كلام امي في ال( ...)
قلت ليها ال ( ّ...) كبيرة ،وين بالضبط ؟
قالت لي فف ال(... زاتا) ،، قلت ليها تمام ، قالت لي بتسألي ... مريم قالت لي يمكن هم ؟ قلت ليها ما للدرجة دي يا مريم ههه
ندي قالت لي شنو هو فهموني .. قلت ليها مافي حاجة ي ندي ..
مريم قالت ليها لا في .. بصراحه حنين ما بتعرف اهلها ، والناس الربوها كل مرة يحسسوها انهم عارفين اهلها و رافضين يوروها وعايشه بين نارين و ( .....) حكت ليها قصتي بالتفصيل .. ندي قامت ناطه و قعدت تعاين لي ، قالت لي يا زوله ، لالا ياخ ،،، و بقت تقول لي ي زوله و تعاين فيني وتسكت ، قالت لي لالالا م بتعشم الدنيا م ضيقه للدرجة دي ،، قلت ليها انا بتمني م يطلع الافتراض صح واصلا مافي دليل و غير كدا انا دايرة امي تكون عايشه ما دايراها تكون ميتة ... ندي جات حضنتني و بقت تبكي قالت لي بالله طول السنين دي كنتي عايشه كداا يا حنين ، و انا طول الوقت بسال نفسي وين اهلك وليه قاعده مع مريم و كنت بتردد اسالك عشان م اجرحك او ادخل في حته ممكن تأذي مشاعرك .. و ان شاءالله بتلقي اهلك ، قلت ليها م حالقاهم يا ندي م بالساهل كدا وانا بطلت اتعشم بالجد ..
بتتكلم معاي جاها اتصال من زين ، ردت عليهو :
_ ها زينون
*يا هلا وغلا كيفك
_حمدلله
*يلا نطلع
_معاي حنين ومريم و م لي مزاج طلعه
*نطلع كلنا مالو
_م بعرف يا زين والله لكن بشوف البنات و برجع ليك ..
*م تتاخري علي عشان عندي مشوار للمطار اجيب ملاذ
_تمام يلااا ....
بعد قفلت ، قلت ليها بالتفاهم والصداقه الجميله اللي بينكم دي علاقتكم م نجحت م غريبه دي ،، قالت لي ي حنين لاني من البدايه م كنت شايفاهو ولا هة كان شايفني كل واحد فينا كانت عندو حياتو المختلفه ، تصدقي بعد فسخنا الخطوبه قعدنا نضحك و بقينا نتونس براحه ما عاديه ، بالجد زين دا ما بستغني عنو بس الله يستر بيحب ليهو وحدة كدا م تجي تسرط عليهو تقول ليهو يا انا يا ندي وااي ببكي ههه ... قلت ليها دي امور شفع ساي ..اسمعيني ندويه عايزة اقوم امشي بيتنا ، قلت لي خلينا نطلع ناكل برا اول اسي زين كلمني قلت ليهو اشوفكم وارجع ليهو ، مريم طوالي قالت ورح بس حنمشي براناا ..عاينت ليها وفهمت قصدها كتمت الضحكة ، ندي قالت ليها لا حبيب القلب معانا ... مريم بقت تتمتم قالت ليها ششش شنووو ؟ ّ
قعدت اضحك،قالت ليها معاذ ولا اي واحد من اخواني م بيدس مني حاجة ههههه كاشفاكم انا يختي هههههه ...
اتفقنا نطلع .. و بصراحه كنت متشجعه وحاسه بي راحة .. جهزنا و طلعنا ركبنا مع معاذ ، و انحنا التلاته ورااا .. نتونس في العرس و نضحك ..
لمن وصلنا مطعم كداا ، لقينا زين قاعد و ماسك سجارتو ، سلم علينا و قعدنا و فجاه لقيت ان الكرسي حقي قصادو ..
#استككانة🐵«~
يتبع .....
