-٢٨-
بقلم/ سحر سمير ...
مريم قالت لي :
_دي متاب الزفته ولا انا بتخيل
* ياها
_اصبحنا واصبح الملك لله
*صباح شنو انحنا الظهر !
_ باردة مالك كدا ؟
*اسوي ليها شنو يعني ؟ مع نفسها عليكي الله يا مريم ما ناقصاها امشي خلينا نغير نلحق نشتغل ..
_يلاااا ...
دخلنا غيرنا و خلصنا ، وكل وحدة مشت علي مكتبا .. بديت شغلي و قررت م اركز مع زول ، من مكالمة للتانيه للتالته ، لاحظت ان مريم متابعه متاب ،عاينت محل بتعاين لقيت متاب واقفه مع عماد ، و بعدها دخلو المكتب حقو ..ّعاينت لمريم ، بمعني انو ما شغلتنا..
المهم ، خلصنا دوامنا ، خليت مريم بتغير انا باليونفورم شلت شنطتي و طلعت و خليت ليها رساله ما تنتظريني ، انا برجع علي البيت طوالي ..
طلعت برا ، بتصل علي غايه م بترد ، وتوته نفس الشي ما بترد ،، م عندي حل غير امشي برااي ،، ركبت المواصلات نزلت في السوق ، عجبتني فكرة الفضه ، دخلت نقيت ليها حلق وسلسل ، غلفتهم ، و طلعتا ..
حاسه ان في حاجة ناقصه بس م عندي قروش ، وهي بتتصل علي بقفل فيهاا ، ركبت المواصلات ، في السكة لمحت
طوالي وقفتا نزلتا ، رغم اني ما عارفه حعرف اركب من هنا تاني ولالا م بعرف المكان دا ..
مشيت علي المحل ، كلمة راقي و فخم قليله عليهو شديد .. قلتا دا بيكون غالي شديد ، لقيت ف اسعار برا مكتوبه م فهمت فيها حاجة ، بعاين ، طلع لي ولد صغير من المحل ، قالي هي ازيك .. قلت ليهو انا كويسه انت كيف بس م تكون انت الشغال هنار، قعد يضحك ، قالي بس انا صغير ، قلت ليهو ما بعيد عليك ،، قالي انتي حلوة بس ليه لابسه كدا ،، قلت ليهو دا لبس الشغل حقي ، قالي التشكيله ( شعار) دي بتشبه علامة زين البشوفا في التلفزيون ، قلت ليهو فالح ياها زاتا ، بس جات امو طالعه ، قالت ليهو بتعمل شنو هنا انت ،، قعد يضحك ،،
و دخلت المحل ، بعاين و بتلفت انا دايرة وردة وحدة و خجلانه اقولها شايفه بوكيهات قدامي .. بعد شويه حسيت وراي في اصوات همس ، زي الكلام البي وشوشه .. اتلفت ورااي لقيت بت قاعده في مكتب ، والقاعد في الكرسي ، بتهامسوو و يعاينو لي ،، اتوترتا ، قلت ليها احم ، ممكن اعرف اسعاركم ؟
لاحظت ان الولد زي البيدس وشو مني ، قامت جاتني و مسكتني امن اتخلعتا ، قالت لي عايزة من ياتو ، دي اسمها كدا و دي اسمها كدااا ، و دخلت بي بعيد في المحل ، قلت ليها صراحه انا دايرة وردة وحدة بس لاني مستعجلة ، قالت لي ل ولد ولا بنت ، قلت ليها لبنت ليه ؟ قالت لي عشان اللون اخدي البصلي قلت ليها عجبتني اصلا ، بكم ؟ قالت لي لا عشان تبقي زيبونه عندي ، قلت ليها لا م بينفع مرة تانية قالت لي خليها عشان تجي مرة تانيه ، و بدت تجرني في الكلام لمن اتبادلنا الارقام انا حبيتا شديد والله بس مستعجله وخايفه ما القي مواصلات ،، المهم شلت الورده وجريت علي الشارع لمن طلعت لقيت الزول داك مافي ، م ركزت كتير ، و بقيت واقفه لمن جات امجاد ،، ركبتااا
اتصل علي يوسف .. رديت
_انتي وين ؟
*برا
_برا وين ؟
*كنت بشتري لي ف حاجة
_اممم ما حتجي ؟
*اجي وين ؟
_تاخديني من المطار
* هه بطل امورك دي
_طيب ما انتبهتي انا متصل بيكي بياتو رقم ؟ّ*دقيقه دقيقه ... ووواي يوسف احلف انت هنا ، ي الله عليك الله جيت ؟ يا ربي ما مصدقه
_صدقي حبيبتي
*يا الله فرحانه فرحانه ، عاين اصل البيت واكلمك انا في العربيه والناس بتعاين في عوارتي
_طيب خلي بالك من نفسك
*حاضر حبيبي يلااا ..
ضحك الدرب لمن خطاك لبست زفاف حلم الرجوع، إتوهط الفرح الفريق لاقاك بي ضي الشموع إتوحدت لغة المكان نست العيون طعم الدموع ، مرحب حبابك يا حبيب ❤..
بالجد كانت مفاجأة بالنسبه لي ، بس مفاجاه عن مفاجاه بتتخلف ..
وقلت البيت واخدت شكلتي من مريم ، استحميت وغيرتا ، وجيت اديتا الهديه ، شاكلتني و بعداك باستني ، قالت لي :
_مزاجك راااايق
*رايق شديد وفرحانه حأطيررررر
_دايما ي رب زمن م شفتك كدا حصل شنو ؟
*يوسف جاااا
_اممممم
*دي شنو بياختك دي ي مريم !
_ما مرتاحه والله رغم ان ماف حاجه مريبه بس م مرتاحه كدا احساس من جواي ..
*اتفائلي عليك الله خليني افرح حبة بس
_ربنا يهنيكي حبيبتي ..
* في الحلقه الجايه *
*يويو حبيبي هااا خبرك
_كويس
*صوتك مالو ؟
_ماف شي
*طيب بتصل بيك من قبيل في شنو ؟
_ماف شي ، و ما تتصلي علي تاني
*شنو ؟
_السمعتيهو
*انا حنين يا يوسف !
_عارف انك زفته
*ما تتصلي علي تاني ، وعرس مافي
ولو في حيكون عرسي !!
و أتيقن وأشوف الرحمة, شوف العين
يزول البي و اقوم افرح .........
😣«~
يتبع ..... + متابعه لسحر سمير توصلكم الحلقات الجديدة 💜
