( في جانب تاني )
_ انا اسفه با خالتي بس تاني ما بقدر اجيكي في البيت يا خالتي ..!
* بسم الله !! في شنو يا بت ؟
_صعب يا خالتي ما حقدر اتكلم ولا اشرح ليكي بالجد محرجة والموضوع صعب ما ساهل. .
*في شنو يا بت احكي م تحرقي لي اعصابي كفايه السكر براهو حارق اعصابنا ..
_اسفه يا خالتي والله ما بقصد احرق ليكي اعصابك بس الموضوع محرج لي ول ..
* ولمنو ؟ ولمن هو محرج و ما عندك نية تقوبيهو ، لشنو فتحتي الموضوع من البدايه ؟
_خالتي اسفه انتو ليه ما بتحبوني, واكيد زين عمل كدا عشان بيكرهني و ما عايزني اجيكم هنا تاتي.بالجد اذا مضايقاكم يا خالتي ممكن ما اجي تاني ،بط انا قلت استقل اجازتي واساعدك انا عارفه لمن زين بيجي الضيوف بتكتر ...
*اسمعي هنا انا ما بحب ازلف والدوران ، عندك شي قولي عديل م تحرقي لي روحي ، وليه ما تجينا في منو هنا غلط فيكي ؟
_إهئ إهئ اعفي لي م حقدر احكي
*اسي الببكي شنو اها عشان بكاكي دا انا لازم اعرف في شنو ؟
_بحكي ليكي بس اوعديني ماف زول يعرف وخصوصاً زين !
*اوعدك كيف وانا ما عارفه ولا فاهمه حاجة ؟
_معليش يا خالتي دا طلبي ..
*طيب بوعدك ، قولي !
_بب بصراحه ، لمت انتي طلعتي الصباح دااك ، مش خليتيني نايمة !
*ما شفتك انا بس اكيد كناي نايمة لانو الوقت كان بدري ..
_اها يلا بعد انتي طلعتي ، اممم ااااا اااااا
_ااا شنو في شنو احكي !
*ااا زين ولدك يا خالتي إهئ اهئ
_مالو زين ؟
*ببصراحه وانا نايمة بملابسي الخاصه فتحت عيوني بكركبتو في الغرفه ،جريت علي الغطاء وقلت يمكن ما منتبه لوجودي ، قمت قلت ليهو عايز حاجة ؟
قام قالي ايوة عايزك انتي ، وابتدا يقرب مني يا خالتي وانا احرجت شديد ، صراحه انا حسيت بيهو زي المافي وعيو كدا ما كان طبيعي خالص ، بس بعد جدال ونقاش بينا حتى طلع ، بعد قلت ليهو انا حأكلم ليك خالتي ، قالي امي عارفاني و ما حتصدقك ما تحاولي ساي .. يلا دا المضايقني وقلت يمكن زين العابدين متضايق من وجودي وقام عمل كدااا ...
_ولدي انا هه ؟ دا اعقل اخوانو شيخ الشباب ، رزانة الدنيا والعالمين فيهو ما عشان ولدي بس لو داير الامور دي ما حيعملا لي في بيتي ولا حيعملا مع بنت خالتو ، و ما بيعملا اصلاً..
_عشان كدا ما كنت حابه احكي ليكي يا خالتي ، عارفه انك بتثقي فيهو واكيد م حتصدقيني وتكذبيهو ،، عادي م مشكله ..
*و ليه ما اسألو ،وريني ليه ما عايزة اسالو ؟
_عشان م تحصل مشكله بينكم بي سبببي
*تحصل مشكله بيني و بين ولدي بسببك انتي !
_مجرد افتراض
*لا انا و ولدي م بنختلف اطمني
_همم تمام انا اسفه لو ضايقتك بس ما اتكلمت الا لانو الحصل دا زاعجني شديد
*تمام ... ( انتو ملاحظين معاي ان المرة دي مستقوية كدااا ! )..
انحنا وصلنا الشركة ..رغم ان الجو عادي و طبيعي زي كل يوم بس حاسه ان في شي ما ما تمام ، مريم داخله قدامي و انا وراها ،سلمنا علي زملائنا ، و كل وحدة مشت لي مكانها و بدينا شغل طوالي ، ما كان في وقت لاي حاجة. ،، بعد صلو الظهر .. ورجعنا للشغل حسيت ان في زي نقاش حاصل قدام حتي جا استاذ عماد ، و سمعت البنات بتهامسو ، كل وحدة تقول للتانيه ،ووواي لكن حلاتوو بس عصبي ياخ ، ديك ردت عليها قالت ليها ، كلمة حلاتو دي زاتا قليله عليها شديد .. م اهتميت رجعت للجهاز و لشغلي و شايفة مريم متابعه من مكانها و من نظراتا بتحاول تفهم الجوطة الحاصله دي شنوو ، جاني اتصال من عميل ، بقيت بتكلم معاهو وم جايبه خبر الدنياا ، الا بعد شوية جاتني واحدة اسمها بيان بتشتغل في قسم تاني ، قالت لي حنين ممكن تتفضلي معاي !
قلت ليها لحظه بي يدي وانا بتكلم ، قالت لي خلي زميلتك تتم عنك ، ختيت يدي علي المكرفون ويلت ليها انا البديت كيف تتم وحدة غيري ، لحظات بس .. قالت لي طالبنك في الادارة حالياً انا بلغتك بس ..
من قالت الادارة قلت الموضوع ليهو علاقه بعماد م ليها فهم غير كدااا ..قفلت مع العميل و بعاين ل مريم اشرت لي ، بمعني اتوكلي ،، مشيت معاها .. لمكتب الاستقبال من دخلت لاحظت للناس الكانو في النقاش القبل شويه ديل كلهم واقفين ، صراحه اتوترتا ..
دخلت وقفت و بعاين ل بيان دي انه في شنو حاصل يعني ، لقيت في شاب كدا قاعد واستاذ عماد قاعد قصادو ، و في المكتب دا اصلا بت هو زي قسم مراجعه كدا ، المهم بيان قالت ليهم حنين جات ..
قام القاعد في الكرسي دا و واضح انه عميل ما من الشركة يعني ما بيشتغل معانا ، قام قالي : انتي حنين ؟
قلت ليهو : ايوة انا حنين ..
قالي : امممممم
عماد قالي : من متين بنهين العملاء ولا بنستهتر بيهم ؟
قلت ليهو اهانه شنو ما فاهماك ،قالي فوق ما انك ما محترمة كمان بتكذبي و تستهبلي !
عاينت لعماد ، وقلت ليهو واضح ان الاستاذ عندو مشكله معاي لانو طولة اللسان ما حبابا لو في موضوع معين ولا حاجة انا عملتها بتمني من حضرتك يا استاذ عماد توضحا لي لاني بعرفك انت ما بعرف الاستاذ داا ، بالاضافه لان ايلوبو مهين جدا و انا ما حأقبل بكدااا ...
قالي : والله انا بكلمك بنفس اسلوبك الكلمتيني بيهو لمن اتصلت بالشركة امبارح ....
😥*~
يتبع
