Anyi Walk'iya.......

07

*🌩ANYI WALK'IYA.....🌩*

*💡 HASKE WRITERS ASSOCIATION💡*

*NA SLIMZY*

_Wattpad@slimzy33_

*Sadaukarwa ga k'awata Faty D'an maliki*

             07

Mikewa tsaye yayi jiri na Shirin dibarsa da kyar ya tattaro natsuwarsa cikin dasasshiyar murya yace,"ki kwantar da hankalinki mama jinin da'nki Kuma da'n uwana bazai tafi a iska ba matukar inada Rai Sai naga bayan shariar Nan insha allahu kuma mune keda nasara"

  Jin jina Kai mama tayi tace "Allah yayi maka albarka,kuma wanan sanyin jikin da kakeyi Ina Lura dakai ka kaudashi nasan ba wani abubane face mutuwar Dan uwanka dake tabaka ,hakuri zakayi,sanan abinda zakayi kawai ka nunawa duniya cewa kana kaunar Dan uwanka shine jajircewa a wanan shariar wadda nasara a wanan shariar me saukine duba da sanin yarinyar ko wacece ba kowa bace face matsiyaciya wadda zatayi zuwan zomo duniya tazo a guje ta koma a guje,babban burina be wuce inga an sa Mata igiya a idon duniya an kasheta kamar yadda ta kashemun gudan jinina ba,dik duniya Babu hallitar Dana tsana kamarta wallahi summa tallahi na tsaneta saboda amfani da akayi da ita wajen yiwa Dana kisan gilla to yadda ta kasheshi itama bazata zauna a duniyarba"

    Kalmomin mama sun zamewa kabir tamkar wuta,dik jikinsa xafi yakeyi Masa Babu abinda ya Tsana sama da Jin wata mummunar kalma Akan fatimansa dikda abinda ta aikata babban laifine Amma yasan Fatima ba zata aikata wanan laifin Babu hujja ba,

Maganar mama CE ta dawo dashi daga tunani"Wai Ni kam kabiru ko kasan wadanan lauyoyin da suke tsayawa yarinyar a kotu?"

  Da sauri ya dawo hayyacinsa ya girgiza kansa"ah ah mama"

"Zansa ayimun bincike Akan kosu wayene Dan ba haka banza suka fito Saida ransu ba akwai abinda suka taka Kuma saina tabbatar da Ganin bayansu a wanan tafiyar"

   Jinjina Kai kawai yarima yayi Dan har ga Allah mama na tsananin bashi mamaki Koda yake Babu abin mamaki Dan yasan kowaye ita wajen son Kai,

  "Bari inje indan watsa ruwa mama"

Ka'da Kai kawai tayi alamar amsawa ya Mike ya fice daga sasan mama babba,kansa tsaye yayi bangarensa kayan jikinsa ya rage sanan ya nemi gefen gadonsa ya zauna ya maida kallonsa ga dakinsa da yayi kura kaca kaca,tunda bala'in Nan ya faru baisa an gyara Masa dakiba ko ta kan dakin ma bayayi saboda halin da yake ciki,

  Kwanciya yayi rigingine ya zuro kafafuwansa kasa kansa na kallon fankar dakinsa dake kadawa a hankali,zuciyarsa ke ayyana Masa abubuwa da dama game da Fatima kaddara babu yadda Bata zuwama bawansa ga rashin gata ga babbar kaddara ta fada Mata wadda fitar da ita Sai allah.....Amma tabbas inhar Fatima nada sauran numfashi a duniya Sai ya zamar Mata gatan data rasa na rayuwar duniya....

  Runtse idanuwansa yayi fuskarta ya hasko wani lokaci baya tanayi Masa murmushin Nan nata Wanda ya zame Mata tamkar dabiarta CE murmushi tace "da na cire Rai da samun gata a duniya Yaya yarima tunda na farka naganni a wanan yanayin Amma zuwanka rayuwata inasa Rai da Kai rahmane daga Allah zuwa gareni nasan inhar inadakai bazan yi maraicin uwa da uba ba ko yaayaah yarima?"

  Kafeta da Ido yayi Yana kallon yadda take motsa bakinta Tana magana Mai cike da hikima tamkar wadda ake fadawa,

  Itama kallonsa tayi Ganin yaki cewa komi Sai idanuwanta suka kawo ruwa tamkar zatayi kuka cike da shagwaba tace"Yaya kodai kafasa zamemun gatan da kayimun alkawari ne infara kukan maraici a Karo na biyu"

   Hannu yasa ya goge hawayen daya sauko a daga idanuwanta Yana girgiza Kai "harbada inhar Ina Raye Fatima bazakiyi kuka ba kada insake Ganin wanan kwallar ta sakko daga wadanan kyawawan idon"