Anyi Walk'iya.......

39

🌩 *ANYI WALK'IYA.....🌩*

*HASKE WRITERS ASSOCIATION* 💡

  *NA: SLIMZY✍🏼*

_Wattpad@slimzy33_
*Sadaukarwa ga k'awata faty D'an maliki*

                    39

Cakk bilkisu ta tsaya Tana zazzare idanuwa Tana kallon ummu Dan batasan cewa Fatima ta bayyanawa ummu ko ita wacece ba,

  Dukkansu suka zura Mata idanuwa suna jiran suji meke tafe da ita Amma sai ta sauke murmushin karfin Hali ta juya da niyyar fita,

  Ummu ce tai maza tace "dakata bilkisu nasan komi dake tsakaninki da Fatima Bata boyemin komiba ta fada mun Dan haka ki kwantar da hankalinki kizo ki fadamun meya faru"

  Juyowa tayi jiki Babu kwari ta tsugunna a kasa,...ummu da kanta ta dago da ita ta zaunar da ita a kujerar dake jikin madubi tace"umhmm Ina sauraronki"

  Kasa tai da muryarta "hajiya ce naji tace Zata samu daya daga cikin bayin Fatima ta Basu magani da zasu sa Fatima bazata taba haihuwa ba harabada.....sanan cikinsu zatasamu wadanda zasu rinkayi Mata aiki Akan Fatima yadda zasu cutar da ita cikin ruwan sanyi....zasu nakasa rayuwarta batare da kowa ya fahimci sune ba,a yadda naji ma Ashe deejahmah ta auri Kabir ne don ta samu ciki ta haihu yadda zasu kashe shi"......

  Daskarewa ummu tayi Bata Bari bilkisu ta Gama bayanintaba ta Soma salati Tana fadin "lallai dik abinda hajiya safiya tace zatayi zata aikatashi Koda kisan Kai ne kuwa karamin aikinta ne,...zamanki da hajiya ba karamin taimako bane ga wanan yarinyar Domin da badanke ba da bamuji wanan babban tuggun da suke Shirin yi ba.....Kai safiya anyi shedaniyar mace,Babu Allah a ranta kwata kwata,batada burin da ya wuce taga tafi kowa ,Babu abinda ke tattare da wanan baiwar Allah sai son zuciya"....

  Bilkisu ta sunkuya kadan sanan tace"a yadda naji sunce a al'adar ba haushe wadanda akai aurensu Rana daya dik wacce aka fara kaiwa gidan itace uwar gida saboda haka zasu dauki deejahmah su kaita gidan saboda maganin da suka Bata ya zamana itace uwar gida idan har yarima ya kwana a dakinta to Babu shi Babu Fatima"

  "Innalillahi wa Inna ilahi rajiun.....tabbas maganar haka take daura auren Fatima a farko bashi zai Bata damar Zama uwar gida ba a al'adar bahaushe sai wadda aka fara kaiwa dakin miji,wanan haka yake nagode sosai bilki tashi kije"

  Jiki Babu kwari bilkisu ta Mike tai hanyar kofa Tana waigen Fatima wadda ke jingine a jikin bango hawaye na gudu a idanuwanta,

  "Innalillahi wa Inna ilaihi rajiun narasa dalilin da yasa mutanen Nan suka tsaneni bansan me hakan yake nufiba,Allah kana gani dik abinda na aikata banyi hakan da gangan ba nayi ne Domin Kare mutuncina,jarabawa da kaddara tasa na aikata kisan Kai Wanda dik wanan dalilin shi ya janyomin Tsana da kin jini,kodan nakasance Mara iyaye shegiya yasa ake kyamata ake tsanata"...toshe Mata baki ummu tayi 'kar insakejin wanan furucin daga gareki idan ba hakaba zan sassaba Miki"

  Bude drawer ummu tayi ta Ciro Mata sababbin Kaya wadanda zatasa zuwa wajen walima....

  Lafaya ce Mai shegen kyau irin ta shuwa Arab Mai shegen tsada da kyau shi Fatima tasa sanan ta canja Mata wata akyabbar...ta shiryata tsaf ta Kara turare Mata jiki da turarruka masu shegen kamshi ta zaunar da ita a gefen gado,

  "Fatima kiyi hakuri da dik abinda ya sameki a rayuwa kinji? Babu Wanda yafi karfin kaddara irin wadda ta fada Miki ta fada mishi kinji?Kuma inhar iyayenki nada sauran rayuwa nasan zasu nemeki Kuma Zaki hadu dasu kinji?ki rike mijinki da kyau ki bashi kulawa wadda dik wata macen aure ya Dace ta bawa mijinta kinji?abinda nakeso dake shine yanzun gaskiya bazan baki damar zuwa wajen walima ba Domin mamayarsu zanyi a karo na biyu tunda har ga abinda suka bullo dashi zan bullo musu ta bayan gida"