Anyi Walk'iya.......

09

*🌩ANYI WALK'IYA.....🌩*

*💡 HASKE WRITERS ASSOCIATION💡*

*NA SLIMZY*

_Wattpad@slimzy33_

*Sadaukarwa ga k'awata Faty D'an maliki*

           09

Ya kasance a gidan marayu.....

   Tun Ina yarinya na budi idona na ganni a cikin gidan marayu,muna rayuwa a karkashin kulawar gwamnati Wanda itace take ciyar damu take tufatar damu harda karatun da mukeyi dik munayine a karkashin kulawar gwamnati,

  Tun Ina kankanuwata nake Ganin abubuwan dake faruwa a cikin gidan marayun Wanda a wanan lokacin banasanin menene hakan yake nufi Saida na girma nakai shekara goma Sha shida a duniya sanan na fuskacin mummunan rayuwar da mukeyi"

   *WATA RANA!*

Zaune muke nida kawayena uku kusan saannin juna muke sanan kanmu guda nidasu saidai dukansu sun girmeni nice karamar cikinsu,

  Zaune muke a karkashin wata bishiyar mangwaro wadda ta kasance dik laasar na duniya Nan ne zamanmu muke Shan iska muyi ta kallon Yan uwanmu Wanda suke kaiwa da komowa ,bilkisu CE daya daga cikinmu tace "Wai nikam Fatima jiya Kinga uban kayan kwadayin da su zainab suka dawo dashi daki?hmm abin baa cewa komi"

  Kallonta nayi cikin rashin fahimta da son Karin bayani "kaji bilkisun Nan da shegiyar karya,kina nufin basuci tuwo miyar kuka da akayi Mana ba kenan?Ina zasuga wani kayan Dadi muda ke zaune a wajen Nan kamar kabari Babu shiga Babu fita Babu wani mahalukin duniya dake zuwa ganinmu ballantana mu sabanta abin sawa a Baki Sai Wanda aka kawo aka bamu"

   "Hmm Fatima kenan to aisu Yan gatan hajiya ne Yan gaban goshi,to Bari kiji jiya idona biyu lokacin da suka dawo daga unguwar da hajiya ta fitar dasu Kuma kaji ne da kayan ciye ciye suka dawo dashi har hajiya aka dibarwa"

  Zaro Ido nayi waje Ina kallonta cike da mamaki da al'ajabi nace "to su waya Basu?"

    Tabe Baki bilkisu tayi tace"oho,wayasan inda suka samo bayan mu son Kai akeyi Mana Kiri Kiri,wani lokacin kina gani su zainab zasuce bazasuci abincin da mukaci ba Kuma ta zauna saidai kigansu an Basu me Dadi sunci ,ai mudai Sai Allah ya saka Mana"

  Kallon bilkisu kawai nakeyi yadda take magana cike da masifa da tsiwa don dik cikin mu ukun ta fimu Baki wallahi Dan ko a cikin gidan Babu me daga Mata yatsa ya sauke ba tare da ta rama ba,

  Maryam dake gefenmu wadda tunda muke maganar batace komiba sai lokacin ta waiga gefen dama da hagunta ta juyo garemu tare da kasa da murya,

  "Kunsan Allah wallahi su zainab samari garesu"

  Dafe kirji nayi hade da zaro Ido cikin furgici nace "samari fa kikace?a Ina suka samesu muda Babu inda muke zuwa,Babu Wanda ke zuwa gidan Nan Sai manyan masu kudi da ke kawo Mana ziyara suna kawo mana tallafin abinci da sutiru?"

  Kasa da murya tayi wanan karon fiye da dazu tace "hajiya take hadasu da samari masu kudi,sanan hajiya ke fitar dasu takaisu wajen samarinsu idan aka siyo musu kayan Dadi su Raba su Bata Bata kason wallahi da idona nagansu"

  Bilkisu CE ta ce"wallahi hajiya zata aika Naga take takenta domin ranan Fatima idan bazaki mance ba ranan da tawagar Dan sarki sukazo gidan Nan?kin tuna hajiya to azo muna cikin dakinmu ta tattagomu tace dukanmu Sai mun fito mun kawo gaisuwa,bayan mun gaisa dasu mun juya zamu wuce Ina kallon hajiya na nunaki Tana washe Baki"

  Ba karamin furgita nayi ba da Jin zancen da bilkisu tayi Akaina,tabbas ranan hajiya tace muzo mu gaida tawagar Dan sarki me jiran gado ya kawo ziyara hade da kawo Mana kayan abinci da suturu masu alfarma Amma Ni dik abinda akeyi a wajen ban maida hankalina a Kai ba,