Anyi Walk'iya.......

37

🌩 *ANYI WALK'IYA.....🌩*

*HASKE WRITERS ASSOCIATION* 💡

  *NA: SLIMZY✍🏼*

_Wattpad@slimzy33_
*Sadaukarwa ga k'awata faty D'an maliki*

_Ku shaida na sadaukarwa_ *SUNITA* _wanan shafin _kyauta saboda tsananin kaunarta ga wanan littafi inayi Miki son so bae😍_

                    37

Hanyar fita gate Ahmad yaga tayi da azama ya daga muryarsa yace "Fatima"....cakkkk ta tsaya hawaye na gudu a fuskarta wadanda ita kanta batasan dalilinsu ba a haka Ahmad ya taddata tsaye ko motsin kirki batayi sai hawaye dake gudu a fuskarta,

  "Meya faru kika fito Nan Ina zakije?Kuma?sokikeyi wani Abu ya sameki?"....dakyar ya karasa zancensa da yayi tozali da fuskarta wadda ta jike da hawayen bakin ciki,

  Shiru yayi hade da zura hannunsa cikin aljihun wandonsa batare da yace kokiba,

   Hajiya zainab ce ta fito daga hall din kunnenta manne da wayarta da alama waya takeyi Tana fadin "idan Kun shigo kuyo hannun damanku zakuga hall din akwai motoci wajen Ina kofar gate"...kamar a mafarki take ganin fatyma tsaye da wani tun daga Dan nesa dasu ta Gane itan ce harta karaso wajen Tana Taku daidai takalminta Yana Kara kwass kwass Wanda shine ya dauki hankalin Fatima ta juya da sauri Dan ganin waye,Aiko idanta ya hadu Dana ummu a guje ta fada jikinta ta fashe da kuka Tana fadin "muje ummu ni banason zaman wajen Nan tafiya zanyi"cikin kuka take maganar harda shassheka,...ba karamin tashin hankali ummu ta shiga saboda irin kukan da taga fatyma Tana rusawa ta Kara rungumeta Tana fadin "me akayi Miki wanene?fadamun ko waye shi sai na tabbatar ya zubar da hawaye kamar yadda kika zubar"....kuka kawai takeyi Tana Kara kankame hajiya zainab,..

Juyowa ummu tayi tanayiwa Ahmad kallon tambaya,da kyar ya sauke numfashi yace "ummu wallahi bansan meya faru ba kawai dai Naga Fatima ta fito hall a yanayin yadda ta fito nasan akwai wani Abu shine kika biyomu Kuma ni Bata ma yimun magana ba"

Ajiyar zuciya ummu ta sauke daidai Nan babbar kawarta ta shigo da motarta,wajen da sauri ummu taja Fatima a hankali har sunfara tafiya ta juyo ta kalli Ahmad "jeka kawai Bari muje gida"...

  Wajen motar kawar Tata suka karasa daidai Nan ta sauke glass din motar Tasha kwalliya itada yaranta Yan Mata guda biyu cikin faraa tace "ranki ya dade muje ciki koh"..

"Ah ah muje gida kawai ku saukeni yata Babu lafiya"....

  Dan leko da kanta tayi Tana kallon Fatima wadda ke faman shasshekar kuka kafin daga bisani ta budewa ummu kofar mota suka shige taja motar zuwa gida.....

*********

  Akan idon yarima Ahmad ya shigo cikin hall din shi kadai ba tare da Fatima ba wani irin kugi cikin yarima yayi lokaci daya fargaba da tsoro ya darsu cikin zuciyarsa....

  Wasu irin yayan zufa ne Suka shiga karyo Masa ta ko Ina dikda sanyin ac dake cikin hall din saboda tsabar haduwarsa ta cikin dummm light din inda suke zaune kallo daya zakayiwa yarima kasan Yana cikin rudani,minti minti yake share zufar dake tsattsafowa a fuskarsa,

  Dan kallonsa deejahmah tayi hade da Dan darkewa a jikinsa Tana kallonsa cike da kissa tace"lafiya dai ranka ya dade?meke faruwa?Naga yanayinka tamkar kana cikin damuwa menene fadamin"...yadda tayi maganar kadai yasa jikinsa mutuwa take ya Kara nutsa cikin tsantsar shaawarta har baisan lokacinda yasa hannu yadan shafi gefen fuskarta ba take waje yadau sowa hasken camera kawai ke giftawa a wajen,

  Bakin hajiya rahina yaki rufuwa saboda Dadi Dan waigawa tayi gefen hajiya babba ta rada mata a kunne"turaren baba Sudan yayi aiki dan banza Kinga yadda yake lumshe Ido?"