Anyi Walk'iya.......

43

🌩 *ANYI WALK'IYA.....🌩*

*HASKE WRITERS ASSOCIATION* 💡

  *NA: SLIMZY✍🏼*

_Wattpad@slimzy33_
*Sadaukarwa ga k'awata faty D'an maliki*

       
     *Anty Aisha(sultana)...wanan shafin nakine ke kadai Ina sonki kamar yadda kikeso na Allah ya bar kauna...son so fisabilillahi😍💜* 💚

               43

Cike da zumudi Fatima ta Mike ta haye sama a guje,

  Mikewa yarima yayi da nufin barin parlorn dan ya dubi Ahmad Yana Shirin magana kenan deejahmah ta dakatar dashi ta hanyar watso mishi tambaya hade da kafesa da idanuwa lokaci daya,..

  "Ranka ya dade Wai fita zakuyi ne?"yadda tayi Masa maganar murya a raunane yasashi jin wani iri a ransa,

   Dawowa yayi ya zauna Kan hannun kujerar da take zaune ya tallabota jikinsa "fita zamuyi dear,kina bukatar wani Abu ne?"

  Jimm kadan tayi sanan ta nisa tace "ehh inaso muje gaidasu mama da hajiya tunda dai girkina ne yau"tai maganar a takaice,..

  Shiru yayi Yana wani tunani,tabbas be Dace ace ya fita jiya da Fatima ba yau ma ya Kara fita da ita batare da deejahma ba yin hakan Sam baayi Mata adalci ba,

   Shi kuwa Ahmad dake gefe yayi bakan da kunnuwa Yana sauraren amsar da yarima zai bada,

  "Yadda kikeso haka zaayi,da naso mu fita da Fatima ne zuwa wani uzuri Amma tunda kinkawo naki bukatar zaa jingine waccan din zuwa gobe ko?"..

  Ta jinjina Masa Kai Tana murmushi,....shima murmushin ya maida Mata hade da shafa kanta,

   Tasowa yayi ya dawo gefen Ahmad ya zauna,...."inaga zamu daga tafiyar
Nan zuwa gobe koh friend!"

"Yadda dik ka gani hakan zaayi ranka ya dade Mai Mata biyu"ya fada Yana dariya kasa kasa,

  "Banson iskanci kanajina koh?"

Dariya sosai Ahmad yayi hade da dafe kansa batare da yace komiba,

  Fatima ce ta fito cikin shiri Nan da Nan harta canjo Kaya ta sauya alkyabbar jikinta tasaka wata Mai shegen kyau ja da golden,kamshin turarenta ne ya gauraye ko Ina Wanda yasa dukkansu suka maida hankali wajenta,

   "Habeeby ya naganka a Nan bakaje kayi wanka ka shirya ba?"

  Da sauri deejahmah ta tarbeta da cewa 'inada bukatar fita da mijina yau in gaida iyayena shiyasa bazai samu fita dake ba"

   Kallo Fatima Kebin deejahmah dashi wadda take magana Tana daga manyan idanuwanta Tana yatsina fuska tamkar Dole akace sai tayi maganar,

  Jikin Fatima mutuwa yayi Amma hakan besa ta kasa Bata amsaba "wayyoo amarya na mance fa kin angwace jiya,gaskiya ya kamata yau miji ya zauna tare dake ya tarairayeki,....Koda yake kince fita zakiyi gaidasu mama koh?ai yadace kije ki fada musu yadda komi ya wakana"....

  Daure fuska sosai yarima yayi ganin deejahmah na Shirin yabo wata maganar ga Kuma Ahmad a zaune "banason iskanci kunji koh?Akan me zaku zauna Kuna sakarwa juna magana?Kuma a gaban Ahmad yanzun da wani bakon ne haka zaku kunyatani kenan?"

   Shiru Fatima tayi zuciyarta nayi Mata tafarfasa ta juya abinta batare da tace masa komiba tayi hanyar bangarenta,

  Ganin Fatima batace komiba yasa deejahmah karyar da murya cike da kissa tace "kayi hakuri yaayah baxaa sakeba"

  Kwafa kawai yayi abinsa batare da yace komiba Amma can kasan zuciyarsa haushin Fatima ne dankare,wato ma tafi karfin tsayawa tace wani Abu yasa ta juya abinta Tai tafiyarta, ya lura Dan ganin Yana sonta yasa takeyin wasu abubuwan,