Anyi Walk'iya.......

25

🌩 *ANYI WALK'IYA.....🌩*

*HASKE WRITERS ASSOCIATION* 💡

  *NA: SLIMZY✍🏼*

_Wattpad@slimzy33_
*Sadaukarwa ga k'awata faty D'an maliki*

             25

  Da sauri hajiya babba ta tari numfashinsa "wace fatimar kabiru?Fatima tsintacciyar mage?wadda take a matsayin kuyanga baiwa itace zaka aura?ok yanzun muka ganoka yanzun nagama fahimtar dik inda ka dosa dama dalilin dayasa ka daukota ka kawota kenan?kunyi alkawarin zaka aureta bayan ta kashe Dan uwanka ko"

  Dakatar da ita Mai martaba yayi da sauri "dakata mun ba hayaniya na taraku kuyimun ba a Nan sanan ku baku Isa Ina magana kuna magana ba"

  "Allah ya huci zuciyar Mai martaba hakan bazai sake faruwaba"...cewar sarkin fada dake gefe

   Maida dubansa Mai martaba yayi ga yarima dake durkushe kirjinsa na tsananin harbawa gumi na karyo Masa ta ko Ina,...gyaran murya sarki yayi hade da yin shiru na Yan dakiku sanan ya nisa ya ce "bakada hujja ko dalilin da zaisa ka auri Fatima a matsayin Mata ta biyu kabir Domin ita ba Saar aurenka bace,mutuncinka da darajarka da kimarka sun wuce ka auri tsintacciya Kai ko Fatima ba tsintacciya bace bazaka auretaba saboda ba darajarku daya ba"

  Zuciyar yarima ce ta cigaba da bugawa yayinda duk wata gaba ta jikinsa Babu inda Bata rawa,daurewa yayi ya Tattaro dik wata natsuwa tasa da jarumta ya sawa zuciyarsa ya Kara rusunar da kansa kasa yace "Ina naiman agajin sarki Akan ya duba lamarin wanan yarinya,inaso sarki ya tunada cin zarafi da Dan uwana yayi niyyar yi Mata da keta haddi Allah be nufi hakan ba nakeso in huce Mata takaicin kallon kanta da takeyi a matsayin marainiya yasa akaso ayi Mata haka,...inaso sarki ya duba wannan lamarin ya ajiye matsayi ko cancanta ya duba dumbin ladan da zamu samu wajen killace rayuwar maraya sanan inaso Mai martaba ya tunada matsayin kowa a wajen Allah daya ne Babu Wanda yafi wani a wajen Allah sai Wanda yafi tsoronsa,zata iya yuwuwa idan Fatima ta fimu kusanci da Allah wajen bauta Masa da tsoronsa ya zamana tafimu babban  mukami tafimu rabo ranan gobe kiyama,..Allah Babu ruwansa da mulki ko matsayin bawansa abinda Allah yakeso shine ka Zama maiyi Masa biyayya da zuciya daya ka Zama Mai bauta Masa danshi ba riyaba dik wadanan abubuwan idan Fatima ta fimusu ta fimu a wajen ubangijinmu ,sanan Allah Yana kaunar Wanda dik yake kyautatawa maraya ya rike maraya da zuciya daya har mutuwa Allah kadai yasan abinda ya tanadar Masa gobe kiyama.....mahaifina inaso adalcin da kakeyiwa talakawanka ya dawwama har zuwa mutuwarka ya kasance bayan gaskiya da Amana da ka rike na mulki ya zamana ka rike amanar maraya kasanyashi farin ciki Wanda Allah sanadiyyar hakan sai ya gafarta maka wani zunubi naka Kuma yayi maka rahma da mu baki daya...Ina rokon adalin sarki da ya duba wannan lamarin"

  Ba karamin sanyi jikin Mai martaba yayiba Domin tunda yarima ya Soma magana ya kafesa da idanuwa yake sauraronsa har ya Dasa Aya a zancesa,

  "Dik naji maganganunka Kabir kuma na gamsu dasu dik  abinda kafada gaskiya ne Amma kasani akwai abinda komi cancantarsa Baya yuwuwa ga mutum domin akwai abubuwa da yawa da sun cancanta Amma abinda zai biyo baya a gaba shi ake kallo,da watace ba Fatima ba da gobe zansa a je a nema maka aurenta"

  Gwauron numfashi yarima ya sauke hade da hadiyar wani mugun miyau sanan ya Kara gurfanawa gaban mahaifin nasa ya nisa yace "bazan ja da hukuncin Mai martaba ba Amma inaso sarki yayi dogon nazari da bincike Akan wanan al'amarin"

    Jinjina Kai sarki yayi tare da fadin "zan duba lamarin sanan zan duba yuwuwar hakan a Zama na gaba zuwa jibi"

  Murmushi yarima yayi "nagode ranka ya dade Allah ya Kara maka lafiya da nisan kwana"

  Daga Masa Kai kawai Mai martaba yayi sanan ya juya ga matansa dake gefensa ko wacce yana kallonta Yana nazarinta sanan yace "Babu wadda takeda abin cewa?"