بين الحب والصداقة ( مكتملة )

الفصل الثالث ....3

نبدأ بسم الله ...

سيدتي الحياه لقد ظلمتني ايامك واحزنتني شهورك وابكتني سنواتك فهل لكي ان ترفعي حصارك عني فأنا قلبي محطم يريد من يحتضنه يخفف عنه حزنه وبكائه يريد اللجوء الى شخص يحبه بصدق ولكن عند لجوئه لشخص يحبه فانه يهينه لانه فهم هذا القلب خطأ عند دخوله الى سجن الحياه...

———

اسندت مذكراتها إلى الطاولة بجانبها وهي جالسة على الاريكة في جناحها شاردة في ذكريات الماضي الجميلة تتذكر كيف كانت تعيش مع أسرتها سعيدة ومدلله

فلاش باااك

كانت واقفة في مطبخ منزلهم تساعد والدتها في إعداد طعام الغداء بعد أن خرج أخوها ووالدها لتأدية فرضهم وبعد أن صلت هي الأخرى خرجت لتساعد والدتها في إعداد المائدة كانت والدتها بين كل لحظة وأخرى تنظر لها نظرات جانبية ثم نظرة حنون وكانت حور تستغرب والدتها ولكنها لم تسألها عن شئ

أتى والدها وأخوها وجلسوا جميعا ع السفرة ليأكلوا ما أعدته عائشة كان حمدي دائما ما يشاكس حور ويزعجها إلى أن فاض بها فقالت لوالدها بضيق :
يابابا سكت ابنك بقا كل ماجي أمد ايدي على حاجة عشان اكلها ياخدها مني وبعدين بقا معاه في إيه بقا

فقال حمدي باستنكار وخبث : تمدي ايدك يعني إيه ؟ انتي يابت إيدك بقت طويلة وبتسرقي؟ يانهار ابيض وانا اقول الكنز الفاضي ال كان ع المكتب بتاعي راح فين بعد ماشربته  اتاريكي سرقتيه شوفت يابابا اخرت دلعك فيها اديها بقت حرامية تؤ تؤ تؤ تؤ مكنش العشم يا رورو

فنظرت لوالدها بتذمر قائلة : يا بابا ...
فقال والدها الذي كان يتابعهم بابتسامة: بس يا زفت مترخمش على حبيبة بابا فاهم

فقال حمدي بضيق مصتنع : يعني هي حبيبة بابا وانا ابن البطة السودة

فقالت حور بمشاكسة ودلع : اهو بقا الغيرة بدأت اهي ؛ ال يعني هو مش لاقي حد يقوله يا حبيبي أمال البت ال انت كاتب عليها دي بتقولك إيه

فرد عليها بعد أن ضربها برفق على رأسها : ماسمهاش البت ال انت كاتب عليها اسمها أمنية وبعدين انتي مالك بتقولي ايه يا زفتة انتي

فتحسست رأسها وهي تقول لوالدها : شايف يا بابا ابنك انا من رأيي نجوزو هو وأمنية هانم بقا عشان نخلص منهم هم الاتنين
ثم قالت بشاكسة : وهو كمان يلاقي حد يدلعه ونخلص من عينه دي احسن بتحسد

فردت والدتها بمرح وخبث خفي : طب مانتي كمان مسيرك تتجوزي وتلاقي اللي يدلعك

فاحمر وجهها بشدة وكادت أن تجيب لولا أن قاطها حمدي قائلا بسخرية
بنتك ناوية تترهبن يا ماما دي كل يوم ترفض عريس شكل

فقالت حور بانزعاج : أنا لسة صغيرة وبعدين انا مش هتجوز دلوقتي خالص غير أما احقق حلمي الاول وابقى دكتورة أسنان وبعدين هما ال بيطفشوا أما اقول اني هكمل تعليمي