نبدأ باسم الله
ستَجِد بَعضُ النَاس لا يَدعمُوك أبدًا ، لأنهم يَخشُون ممّا قَد تُصبِح عَليه فِي المُستَقبل..
لذَلِك إِدعم نفسكَ بنفسِك وأرِهم أنَّ الله لا يترُك عبداً توكلَ عليه.
★★★★★
بجد يا رورو تسلم ايدك يا حبيبتي التورتة طعمها تحففففة
قالتها حنان وهي تتناول من طبقها بنهم شديد فابتسم الجميع وأردفت حور : بالهنا والشفا يا قلبي
قال يزيد : فعلا طعمها جميل جدا ، انا كنت بسمع كتير عن طعم الأكل والحلو بتاعك من داليا بس كنت فاكرها بتبالغ بس بعد ما دوقت طلعت معاها حق دي موفتكيش أصلا
حور بابتسامة هادئة : متشكرة ليك ؛ بالهنا والشفا يابشمهندس
وفي تلك اللحظة نظر جاسر لداليا بغضب فغيرت الموضوع قائلة : صحيح يا جاسر انت جيبت كام
رد حازم بفرحة وهو يربت على كتف جاسر : جاب 99٪
داليا بفرحة : بجد مبروووك يا جاسر الف مبروك
جاسر : الله يبارك فيكي ياختي
يزيد : مبروك يا جاسر ؛ قولولي بقى كل واحد منكم ناوي يدخل ايه أن شاء الله
داليا : انا عن نفسي ناوية ادخل السن
فنظر يزيد لحنان : وانتي يا حنان
حنان بفخر : اعلام طبعا
يزيد باستغراب : لما انتي عايزة السن وانتي عايزة اعلام دخلتو علمي ليه
ردت داليا : دخلت علمي عشان افضل انا و رورو مع بعض
حنان : انا بقى دخلت علمي عشان بكره التاريخ
يزيد : وانتو يا شباب
نظر جاسر لحازم وقال بصوت منخفض : هو عايز يتصاحب ولا إيه ! ايه ام الأسئلة دي
فابتسم حازم ثم أجاب يزيد : داخلين هندسة أن شاء الله
يزيد بابتسامة : ربنا يوفقكم
ثم نظر لحور قائلا : وطبعا حضرتك داخلة طب وش مش كدا
حور : انا اه داخلة طب بس أسنان مش بشري
يزيد : اشمعنى يعني ؟!
حور : يعني ، بابا من وانا صغيرة كان نفسه ادخل أسنان وانا إن شاء الله هاحقق حلمه
داليا : رغم انك عندك شغف للغات وكان نفسي تدخلي معايا السن
حور : عادي يا لولو هابقى اخد قرصات في كل لغة تشدني ، بس لازم ادرس أسنان زي بابا مكان عايز
يزيد بهدوء : ربنا يوفقك يا دكتور
نطق جاسر وهو يتصنع الهدوء : طيب قومي يا داليا لفي الباقي عشان كدا الوقت أتأخر ولازم نروح
أنت تقرأ
بين الحب والصداقة ( مكتملة )
General Fiction(توقعنا أن الصداقة والحب رابط مقدس لنا فهل سنظل هكذا ؟ أم لحياتنا والقدر رأي آخر فيهما ......؟؟؟) الرواية بتتكلم عن كذا سن عمري للأبطال .. مش فترة واحدة من العمر 🥰🥰
