بين الحب والصداقة ( مكتملة )

الفصل ... 13

نبدأ باسم الله

لا اندم على اي احد دخل حياتي فالسئ منحني التجربة ؛ والأسوأ كان درسا لي ؛ والمخلص اسعدني ؛ أما الأفضل فلن يتركني ابدا ؛ .. ولكن يجب ان يكون دائما العقل هو سيد افعالك اما القلب فهو مستشار لا اكثر .. فلا تعكس الادوار ......

تنهد بضيق بعد ان غادرت ابنة عمه وجلس على الاريكة فجلست داليا بجواره ووضعت يدها على كتفه وهي تقول له : انت كويس ؟

فنظر لها قليلا ثم نظر امامه مرة اخرى وتنهد وقال لها : مش عارف

فأومأت داليا وقالت بضيق : ومين سمعك ؛... تعرف يا جاسر ، للحظة شكيت انك ممكن فعلا تكون عملت حاجة غلط مع غادة كانتقام من حور

قال باستغراب : وانا عشان انتقم من حور اغضب ربي واخسر نفسي وديني يا داليا ؟
ثم اضاف بسخرية : وبعدين اصلا كدا هبقى بنتقم من نفسي مش منها انا اصلا مش في دماغها

فقالت داليا بحقد : طبعا اكيد مش في دماغها حاجة دلوقتي غير النونو وابو النونو

قال جاسر بضيق : داليا انا مش بالع الموضوع ده ، حتى لو هم عايشين مع بعض كزوجين اكيد حور مش هتضحي بمستقبلها وحلمها عشان عيل يعني ،
اكيد هم شايفين نفسهم لسه صغيرين عشان يتحملوا مسئولية كبيرة كدا ؛ ولا انتي ايه رأيك ؟

قالت داليا : جاسر ابوس ايدك كفايه كدا انا مش عايزة اعشم نفسي بحاجة تاني ارجوك ، كفايه المرة اللي فاتت ؛ وربي انا تعبت

قال جاسر بشرود : تعرفي يا داليا ، للحظة شكيت انها غابت بسبب الكلام اللي قولته ليها اخر مرة شوفتها فيها

فنظرت له باستغراب وقالت : وانت قولتلها ايه اصلا وشوفتها فين

قال جاسر : شوفتها وهي واقفة مستنيه حازم لما راح يجيب العربية

فلاش باك

عندما كانت حور واقفة تنتظر زوجها ان يجلب سيارته ليوصلها الى منزل والدتها وجدت جاسر يأتي اليها ثم وضع يده في جيبه وأخرج مبلغ مالي ومده لها

فنظرت ليده الممدودة باستغراب وقالت : ايه ده

فقال جاسر : الفين جنيه

فنظرت له بسؤال غير منطوق فقال جاسر : اكيد مش لله دول ليهم مقابل

كادت ان تغادر من امامه عندما لم تشعر بالارتياح لنظراته وهي تقول : مش عايزة اعرف ايه المقابل ده لاني مش موافقة اصلا

فوقف امامها وهو يقول بخبث : لأ ازاي ، لازم تعرفي ولو انتي شايفة ان المبلغ قليل ممكن نزوده
واضاف بغمزة عين : ونرضيكي

فاقشعر بدنها من نظراته واضاف هو : ليلة .

نظرت له باستغراب فقال بتوضيح : الفلوس دي مقابل ليلة هنقضيها مع بعض