بين الحب والصداقة ( مكتملة )

الفصل ....12

نبدأ بسم الله

*مهما شعرت أنّ الطريق ضيّق ... حتمًا يوجد آخر ، يوجد منحى آخر ، يوجد مكان آخر ، يوجد شخص آخر ، توجد إجابة أخرى ، و يوجد يوم اخر ؛ *"بالنهاية كل شيء سوف يُصبح على ما يُرام ، وهذا الضباب سيمضي ، ستعلم جيدًا أنها ليست المرة الأولى لك في الحُزن ولن تكون الأخيرة ، ولكن في كل مرة ظننت أنك لن تستطيع الإستمرار ، استمريت ، وفي كل مرة شعرت بالغرق نجوت"...

: على فكرة كدا مينفعش يا حور انتي مش هتاخدي اي مسكنات تاني ، وهتقومي معايا حالا نروح للدكتور ؛ يلا بقى البسي بسرعة واخلصي

اردف هذه الكلمات بضيق وحزم عندما وجدها مازالت تتألم قالت هي : يا حازم خلص وهات المسكن بقى وبعدين نبقى نشوف موضوع الدكتور ده

فقال بإصرار : لأ يا حور هتروحي كدا وانتي تعبانة عشان لو في حاجة لا قدر الله نعالجها بسرعة

واضافت والدته : ايوه فعلا وانا هلبس وانزل معاكم اهو

قاطع حديثم رن الجرس الذي ينبأ عن وجود زوار
ففتحت نعيمة ( الشغالة ) الباب ودخل عليهم في هذا الوقت ممدوح وعائشة التي اسرعت الى ابنتها وضمتها بلهفة وهي تحاول ان تطمئن عليها : مالك يا حور ؟ في ايه يا حبيبتي ايه اللي بيوجعك

فنظرت حور لها بتعجب وهي تقول : انتو عرفتو منين يا ماما اني تعبانة اصلا

ونظرت لحازم الذي تظاهر بالانشغال بالنظر الى الحائط فقالت بتهكم : والله !

رد : وانا اعملك ايه يعني بقالي يومين بحاول اوديكي تكشفي وانتي مش راضية ؛ فانا بقى اتصلت بعيوش وقولتلها

فقالت عائشة بانزعاج : انتي مكنتيش عايزاه يقولي ولا ايه ؟ ده انا كنت ولعت فيه
سيبك بس من الكلام ده وقوليلي ايه اللي بيوجعك

فقالت حور : انا كويسة يا ماما صدقيني دول شوية وجع عاديين بس مش اكتر

قال بخفوت بعد صمت طويل : حمدلله على سلامتك يا حور ، عاملة ايه

فنظرت حور له وعندما التقت عيونها بعيونه تذكرت عندما كانت تترجاه

فلاش باك

بابا اقسم بالله عمري ماهتجوزه هو او غيره من غير موافقتك ولو كان هو اخر راجل في العالم ، بس ابوس ايدك يا بابا ماتجوزنيش دلوقتي ، على الاقل استنى لما اخلص السنادي . دي هي دي السنه اللي هتحدد مصيري ،
بابا ارجوك ، دانت عمرك ما أجبرتني على حاجة خالص ،
جاي في الموضوع اللي مينفعش فيه اجبار وتجبرني ؟
انهت كلامها بانهيار وهي مازالت جاثية على ركبتيها تقبل يد والدها ليتراجع عن قراره ولكنه قال بجمود :

حور.. انا قولت اللي عندي هاتتجوزي يعني هاتتجوزي وفرحك الخميس اللي جاي يعني بعد تلت ايام وده اللي عندي . انا مش برميكي ولا حاجة زي مانتي فاكرة ، لأ ده انا هاجوزك شاب كويس جدا وانتي عارفاه كمان