نبدأ بسم الله ..
"ستمضي أيامك السيئة وستخرج منها قائمًا بينما ظننت بأنك سقطت، ستخرج منها قويًا بينما ظننت أنك تهالكت، وستعيش فيك ألف روح بينما ظننت أنك مُت.
★★★★★
فاقت حور وعلمت بخبر حملها فصدمت بشدة وشردت قليلا ونزلت دموعها وكانت داليا ووعد بجوارها تحاولان تهدأتها ولكنها مرة واحدة جففت دموعها ونظرت لوعد قائلة : معلش يا وعد ممكن تدخلي حازم وتسيبيني معاهم لوحدي ؟!
اماءت وعد بالموافقة ثم خرجت ودلف بعدها حازم وجلس على نفس الكرسي الذي جلس عليه في البداية
حازم بهدوء : مبروك يا حور .. اظن دلوقتي انتي ..
قاطعته حور بصرامة : لسه بتقول عني من شوية إني اختك هتساعدني انت ومراتك ولا محطش أمل عليكم وهتخذلوني زيهم كلهم ؟!
ردت داليا سريعا بلهفة : اؤمرينا يا حور .. والله هنعمل اللي انتي عايزاه بالظبط
نظرت حور لحازم تنتظر رده فتنهد ثم قال : حاضر يا حور .. هعمل اللي انتي عايزاه
حور :. اوعدني متخذلنيش يا حازم
حازم بهدوء : اوعدك يا حور بس جاسر لازم يعر....
قاطعته : انا عارفة .. كل اللي عايزاه منك انك هتاخد مراتك وتروح البيت بتاع صاحبك هتجيبلي منه شوية اوراق وبطاقتي وقسيمة الجواز .هتبعتهم بالبريد لحد هنا مش هتيجي انت .. وهديلك ورقتين هتخليهم معاك لحد ما اديك إشارة ساعتها هتدي واحدة لجاسر وواحدة لحمدي .. ماشي ؟!
حازم بتوجس : وانتي عايزة ايه من الورق والبطاقة وقسيمة الجواز يا حور
حور بحزم : هتساعدني يا حازم ولا هتتخلى عني انت كمان
تنهد حازم وقال : يا حور افهم انتي عايزة ايه الاول .. مش ممكن اكون بمساعدتي دي بضرك انتي وجاسر وانا مش عارف ؟!
حور : لأ انت هتساعدني والورقة اللي هتديها لجاسر مني هتساعد جاسر .. ها قولت ايه ؟!
داليا : موافق .. صح يا حازم ؟! عشان خاطري قول موافق .. ساعد حور عشان خاطري
حازم بهدوء : يا داليا انتي مش محتاجه تتوسطي لحور عندي ... قولتلك أن حور وهنا نفس المعزة عندي ويمكن كمان حور اكتر .. وهي عارفة ده كويس ... أنا اه مش عايز اخذلها .. وعايز اكون جنبها بس مش في الغلط ... لإنها لو عملت حاجة غلط انا اللي هفضل الوم نفسي وممكن بسبب الحاجة دي أخسر صاحبي
حور بهدوء : وانا اوعدك انك مش هتخسره .. ودي اخر مرة هسألك يا حازم موافق ولا لأ ؟!
حازم بغيظ : موافق موافق ياختي بس ياريت انتي كمان متنسيش انك حامل وتتهوري .. حافظي على ابنك .. خسرتي واحد مرة بلاش تخسري التاني بالله عليكي .. انا عارف أنه بيفكرك ب...
أنت تقرأ
بين الحب والصداقة ( مكتملة )
Ficción General(توقعنا أن الصداقة والحب رابط مقدس لنا فهل سنظل هكذا ؟ أم لحياتنا والقدر رأي آخر فيهما ......؟؟؟) الرواية بتتكلم عن كذا سن عمري للأبطال .. مش فترة واحدة من العمر 🥰🥰
