نبدأ باسم الله .....
تواضع مع الناس ، ولا تترفع عليهم ،، فمهما كانت قيمتك ، تبقى أنت لا شئ في أعين الناس ، إذا تكبرت عليهم .....
...
كانت يارا جالسة على الفراش وبيدها هاتفها تتصفحه وخرج أحمد من غرفة ملابسه وهو يقول لها :
يلا يا يارا اجهزي بسرعة عشان نلحق معادنا
نظرت له يارا بعدم فهم وقالت : معاد إيه ده يا احمد
أحمد : معاد الدكتورة مش انا قايلك من امبارح إننا هنروح بكرا للدكتورة عشان نشوف إيه اللي أخر الحمل كدا ؟
يارا : انت بتتكلم جد يا احمد ، انت عايزني أنا يارا السباعي اروح لدكتورة عشان اخلف ؟! لأ طبعا انا مش ممكن اعمل ده أبدا
أحمد بعصبية : انتي اتجننتي ولا ايه يا بت انتي ؟ بقولك اجهزي بسرعة
يارا بعند : انا مفيش فيا حاجة خالص واقدر اخلف ، ولو انت مستعجل أوي كدا روح اكشف انت ، انا مش هكشف ، انا أصلا مش عايزة عيال انا بكره الأطفال ، لو انت بقى عايز أوي كدا ، روح اكشف انت
أحمد بغضب : هنكشف احنا الاتنين ، احنا بقالنا تلت سنين متجوزين ومحصلش أي حمل نهائي ، لازم نكشف احنا الاتنين عشان لو في حاجة نقدر نلحقها
يارا : بس
قاطعها أحمد بعصبية : قسما بالله يا يارا لو مكنتيش جاهزة قدامي خلال عشر دقايق لوريكي وش عمرك مشوفتيه ، ثم. بصوت عالي أكمل. : اخلصي
فأسرعت يارا لغرفة الملابس حتى تبدل ثيابها خوفا من عصيبته ....
-----
بعد مرور بعض الوقت خرج الطبيب من الغرفة
وأسرعو إليه وسألته حور بلهفة : طمني يا دكتور ، اختي عاملة ايه
الطبيب بعملية : خير إن شاء الله ، احنا عملنا شوية فحوصات كدا وسحبنا منها دم ونعملها تحليل عشان نطمن أكتر وبعدين هقول لكم فيه إيه بالظبط
حازم بضيق وصدمة : سحبتو دم ؟ انت اللي سحبته كمان ، يعني شمرتلها دراعها وشوفتها
نظر له الطبيب وقال بضيق : لأ يا أستاذ أنا خرجت عندكم اهو والممرضة اللي حضرتك دخلتها معايا بتسحب منها جوه
نظرت حور لحازم ووكزته في ذراعه ثم قالت للطبيب :
معلش يا دكتور ، هو بس قلقان عليها ،، المهم يعني حضرتك شاكك في إيه ؟
ابتسم الطبيب وقال : ولا يهمك يا أنسة ، انا مقدر خوفه على مراته ، واختك ان شاء الله هتبقى كويسة ، مقلقيش انتي بس عشان خاطري ..
جاسر بعصبية : انت يا عم انت كلمنا احنا هنا ، احنا مش مالين عينك ولا ايه ؟
نظر له الطبيب ثم نظر لحور وقال : هو انتي كمان متجوزة ؟!!
أنت تقرأ
بين الحب والصداقة ( مكتملة )
قصص عامة(توقعنا أن الصداقة والحب رابط مقدس لنا فهل سنظل هكذا ؟ أم لحياتنا والقدر رأي آخر فيهما ......؟؟؟) الرواية بتتكلم عن كذا سن عمري للأبطال .. مش فترة واحدة من العمر 🥰🥰
