بين الحب والصداقة ( مكتملة )

الفصل .... 7

نبدأ بسم الله ...

ما أجمل ان يكون لديك انسان يحسن الظن بك ويغفر لك ان اخطأت ويلتمس لك العذر ان اسأت .
ولكن نحن الان لا نفعل شيئ الا الظن بالسوء لكل البشر ، اننا نبحث عن هذا الشخص الذي تحدث عنه جبران بكل مالدينا من طاقة وعسى لنا بلقائه قريبا .
لان من احبنا بصدق سيحاول ان يصل الى حقيقة اي خطأ نرتكبه سهوا او عمدا دون ظن سيئ او افتراءات ........

كانت في غرفتها تستعد لتبديل ملابسها لملابس النوم لكي تأخذ قسطا من الراحة بعد ان هدأت عصبيتها ، لكي تذهب للمدرسة صباحا بنشاط ؛ رفعت عباءتها لتزيلها عنها ولكنها فزعت وانزلتها سريعا عندما وجدت جاسر يدلف الى غرفتها بدون اذن ويبدو عليه الحيرة ، جلس على سريرها فنظرت له بتعجب وقالت

داليا : خير اللهم اجعله خير ، مالك يابني في ايه

فنظر جاسر لها ومازال في حيرته وقال بتيه :
قالي اني لو عرفت الحقيقة انا اللي هاتجرح تفتكري ايه الحقيقة دي يا داليا
ثم صمت لثانية وقال بعدها  :   تعرفي انه قالي مأذيهمش تاني عشان لو هو سامح هي مش هتقدر ؟
تفتكري يا بت يا داليا كلامك صح وانهم ممكن يكونوا زي مانتي قولتي فعلا مجبورين ع الجواز وعايشين اخوات زينا ؟؟

فقالت داليا: والله يا جاسر معرفش بس انت كان معاك حق لما قولت منديش نفسنا امل ع الفاضي لان فعلا مفيش حاجة تقدر تجبرهم .

فقال جاسر بتفكير وشرود : مهو النهاردة وهو بيتكلم عن حور معايا مشفتش غيرة ف عنيه ولا حاجة مش معقول يعني هيتكلم كدا عن مراته وانها مش هتسامح والكلام ده مع راجل غريب حتى لو كنت انا
ولما قولت عنك مراتي لقيت عينه فيها غضب كبير جدا وبعدها غمض عينه وفتحها بعدها وغير الموضوع على طول وده دليل على انه بيحبك صح ولا ايه ؟ انا دماغي هتنفجر النهاردة م التفكير .

فقالت داليا له : طب انت لما شوفته مسألتوش عن الحقيقة ليه ؟ انا عايزة اعرف

فقال : سألته وقالي زمن الشرح فات

فنظرت له برجاء وقالت : طب سيبك من حور وجوازه منها هو سابني انا ليه ؟ ارجوك يا جاسر انا عارفة انك عارف الموضوع ده محدش راضي يقولي خالص عشان خاطري قولي يا جاسر ، قول

فتردد جاسر قليلا ولكنها شجعته بنظراتها فقال :
بصراحة يا داليا ابوه رفض انه يتجوز واحده ابوها .... ثم صمت
فأكملت هي بصدمة : ابوها ؟ ابوها ايه ؟ رد سجون ؟
ثم تابعت بسخرية : طبعا ازاي عرفان بيه يخلي ابنه يتجوز واحده ابوها دخل السجن حتى لو كان مسجون ظلم ، اتاخد ف الرجلين زي مبيقولو ابويا معملش حاجة غلط واحد قتل اخوه قدام عينه فضربه ، بيدافع عن اخوه . لكن ازاي ؟ دي جريمة ف نظر عرفان بيه حتى لو كان الراجل ال بابا ضربه مماتش بس مكانش ينفع يدافع عن اخوه عشان سمعة عرفان بيه والله عال