Secretly Married With Tyron Hunt (2)

KABANATA - 19.

*

Pag-uwi nina Ayame at Trevor sa bahay. Agad nilang tinawag si Tyron at dinala sa library room.

"Dad, Mom what's this? Bakit kailangan dito pa tayo mag-usap?" Nagtatakang tanong ni Tyron sa mga magulang niya.

Ngakatinginan naman ang mag-asawa. Pagkatapos bumuntong-hininga ng malalim si Ayame.

"I have to tell you something." Panimula ni Ayame.

"About what Mom?" Tanong ni Tyron.

Tumingin si Ayame kay Trevor na tila ba sinasabi niyang hindi niya kayang sabihin.

"Mom?"

"Tell him, Ayame."

Tumingin si Tyron sa daddy niya. "Dad, ano ba 'to? Ano ba 'yong sasabihin ni Mom?" Tapos tumingin ulit siya sa mommy niya. "Mom?"

"It's about my past, Tyron." Si Ayame.

"What about it?" Sumeryoso si Tyron.

"I was a former queen of the group named Spade." Panimula ng kuwento ni Ayame.

Nangunot naman noo ni Tyron. "Group? Spade?"

"Listen to me first Tyron. When I was four, nahiwalay ako sa tunay kong mga magulang. Napunta ako kina Nanay Maria at Tatay Alfonso. Pero pinatay sila ng mga armadong lalaki. Pinatakas ako ni Nanay Maria no'n bago siya nabaril. Kaya nakaligtas at nabuhay ako. Nagpalaboy ako sa kalsada at namalimos para makaraos ng gutom." Huminto si Ayame sa pagkukuwento at pinahid ang butil ng luha na tumulo sa'kanyang pisngi. "Akala ko doon na rin magtatapos ang buhay ko. Pero isang araw, napadpad ako sa isang bahay. Tinulungan ako ng mga nakatira do'n. Kinupkop, binihisan at pinakain. Pero hindi ko alam na lahat ng 'yon ay mayroon pa lang kapalit. Ginawa akong miyembro ni Lenard Chavez sa grupong Spade. Dinala niya ako sa head quarters at sinanay bilang mahusay na miyembro. Habang lumalaki mas nangibabaw ako sa lahat ng mga babaeng miyembro. At naluklok sa trono bilang reyna. At the age of sixteen, naatasan ako sa isang misyon." Tumingin siya kay Trevor. "Misyon na naging dahilan upang makilala ko ang iyong ama." Muli siyang tumingin kay Tyron na seryosong nakikinig sa'kanya. "Ginising ako ng misyon na 'yon mula sa aking mga pagkakamali. At napagtanto ko kung gaano ako kamangmang na sinusunod ang maling gawain." Yumuko si Ayame. "Kinalaban ko sila. At iniligtas ang mga miyembro at iba pang mga bata na dinukot nila upang maging spade. Marami akong pinagdaanan at sinakripisyo para mapagtagumpayan ang hangarin kong 'yon." Muli siyang tumingin kay Tyron. "Nag wagi kami laban sa spade. At napabagsak namin ito."

"Kung gano'n, ano'ng purpose ng lahat ng ito? Bakit kailangan niyo pang ungkatin ang nakaraan para sabihin lang sa'kin?" Tanong ni Tyron.

Tumingin si Ayame kay Trevor bago muli kay Tyron. "Para sa mga posibleng mangyari, Tyron."

"What? I don't get it Mom."

"May bumuo ulit ng spade. At pinagpapatuloy nila ang nasimulan noon ng dating spade." Si Ayame.

"And? Iba noon, iba ngayon Mom."

"Main target nila ako para patayin." Malungkot na sabi ni Ayame. Halos hindi naman mag sync-in sa utak ni Tyron ang narinig niya. "Yan ang dahilan kung bakit sinasabi ko sa'yo lahat ng ito. Para maging aware ka sa mga posibleng mangyari."