Pag-ibig ng Sundalo Book I

PANG-DALAWAMPUT-SIYAM

Dumiretso si Erick sa kanyang sasakyan matapos ang mga nalaman nito sa loob ng ospital. Nanatili lang ito sa loob ng sasakyan at iniiisip parin ang mga nangyari sa mga nakalipas na sandali. Hindi na niya ikinagulat pa ang pagtataksil sa kanya ng kasintahan na nahalata na nito ang panlalamig sa kanya, bago pa mangyari ang pagkakaaksidente nito, ang mas gumugulo ngayon sa isipan ng Komandante ay kung bakit hindi ito nasaktan ng sobra gayung matagal na pala siyang niloloko ng minahal niyang babae.

'Minahal.' saad sa isip ni Erick at kasunod ng naisip nitong si Roxanne, ang mga ala-ala naman ng pinagsamahan nila ng nakababatang kapatid ng dating nobya, ang isa-isang pumasok sa isipan niya.

'Hans.' saad sa isip ng Komandante at pinaandar na nito ang kanyang sasakyan para lisanin na ang ospital.

...

'Malamang galit na galit si kuya Erick sa amin dalawa ni ate." saad sa isip ni Hansel.

At malungkot ngayon si Hansel, na alam nitong ang kaninang magkasama sila ni Erick ang huling sandaling ala-ala niya sa Komandante.

'Sana mapatawad mo kami ni ate kuya at hangad kong dumating ang taong mamahalin ka at mamahalin mo rin.' saad muli sa isip ni Hansel at kasunod ang pagbagsak ng mga masaganang luha nito.

...

Nalaman ni Vince ang pag-imbita ng amang Heneral sa sundalong si Lorenzo at isang plano ang naisip ng pilyong sundalo para dito.

"Si Lorenzo lang ba ang inimbitahan ni papa?" tanong ni Vince, sa kapatid na si Richard na katatapos lang mag-ensayo sa pagbaril.

"Oo kuya, bakit mo natanong?" sagot at balik na tanong ni Richard.

"Wala lang, oo nga pala mukhang problemado na naman si kuya." sagot ni Vince at inilihis pa ang usapan.

"Oo nga kuya, hayaan na muna natin siya." saad ni Richard.

"Tama ka." sang-ayon ni Vince at alam nitong walang 'di kayang lutasin na problema ang kanilang kuya.

...

Matapos maligo ni Lorenzo ay 'di nito alam kung tutuloy ba ito o hindi sa bahay ng mga Manalo. Bukod sa nais nitong pag-iwas kay Vince, nakaramdam rin ng kaba ito kung bakit ang isang simpleng sundalong gaya niya ay naimbitahan ng isang Heneral.

'Bahala na, siguro ay tungkol sa misyon ang dahilan ni Heneral.' saad sa isip ni Lorenzo at nag-abang na ito ng masasakyan papunta sa bahay ng Heneral.

...

Nangingiti si Vince habang tinitignan ang sariling repleksyon sa salamin, nang makuntento sa kanyang ayos at itsura ay tsaka pa lamang ito nagdesisyon na lumabas na ng kwarto.

At habang pababa ito papunta sa hapag na magiging salu-salo nila kasama si Lorenzo.

'Tignan mo nga naman, hinanap ko pa kahapon, ngayon siya rin pala ang lalapit papunta sa akin.' saad sa sarili nang nangigiting kapitan.

...

"May lakad ka kuya?" tanong ni Richard ng makita ang ayos na ayos na si Vince.

"Wala sa ngayon, pero baka mamaya meron." ngiting sagot ni Vince at umupo na sa hapag kasama ng mga kapatid.

Abala naman si Aurora sa paghahanda ng mga pagkain ng magiging salu-salo nilang mag-anak.

"Oo nga pala, buti at wala sa tabi mo si Baste?" baling pa ni Vince kay Richard.

"May inasikaso lang tungkol sa negosyo nila." sagot ni Richard.

Samantala, tahimik lang na nakikinig si Erick sa usapan ng mga kapatid, gayunman sumagi rin sa isipan ng Komandante ang magiging hakbang nito sa magkapatid na Cortez.