Pag-ibig ng Sundalo Book I

PANG-TATLUMPU

Isang tawag ang gumising kay Erick kinabukasan, nang makita na ang abogado nito ang tumatawag ay sumilay ang ngiti sa mukha ng Komandante.

"I hope this is a good news." bungad ni Erick sa kausap sa kabilang linya.

"As a matter of fact Mr. Manalo, it is. Like what you said, Mr Cortez sell's their property." sagot ng abogado.

Lalong lumawak ang ngiti sa mukha ni Erick at umaayon sa kanya ang pagkakataon.

"He's really a predictable one, and I think Attorney you already know what to do." saad ni Erick.

"Of course Mr. Manalo, I'll just inform you about it and as always, consider it done." sagot ng abogado.

Matapos ang kanilang pag-uusap ni Atty. Cruz, hindi na makapaghintay pa si Erick sa magiging reakyon ni Hansel, kapag nalaman ng huli, kung sino ang taong bumili sa kanilang bahay.

'Hindi ka basta-basta makakawala sa akin, Hans.' saad sa isip ng Komandante.

...

Ang plano ni Vince kay Lorenzo sa nakalipas na gabi ay 'di na nito nagawa. Sa naging pag-uusap nila ng kuya Erick niya, napaisip si Vince sa mga sinabi ng kanyang kuya. Alam niyang kahit 'di sabihin ng nakatatandang kapatid, hindi nito kinukunsinti ang pagiging mapaglaro niya sa pag-ibig. Ngunit mali man ang kanyang ginagawa, tanging ang kuyang si Erick lang ang may alam sa likod ng pagiging mapaglaro ng kapitan. Sa katunayan, seryoso at tapat sa iisang minamahal noon si Vince, ngunit nabago ito dahil sa ginawa sa kanya ng unang babaeng inalayan nito ng totoo at wagas niyang pag-ibig.

'Tama si kuya, bakit ba palagi kong iniisip na pare-pareho lang silang lahat.' saad sa isip ng kapitan, na bumangon na rin para harapin ang bagong umaga at nasa isip na susubukang tigilan na, ang nakagawian nito sa nakalipas na ilang taon.

...

Habang nagluluto ng simpleng almusal sa kanyang aparment, hindi maalis sa isipan ni Lorenzo ang itsura ng tahimik na kapitan habang nagmamaneho ito kagabi, para ihatid siya. Dala rin ng pagkailang sa tuwing kasama niya si Vince, tanging pagpapasalamat lang ang lumabas sa bibig ni Lorenzo sa buong biyaheng kasama ang kapitan at isang tango lang ang naging tugon sa kanya ng huli.

'May problema siguro.' saad sa isip ni Lorenzo.
'Teka lang bakit ko ba siya naiisip.' kausap muli ni Lorenzo sa sarili.

...

Hindi makapaniwala si Hansel na matapos niyang ipost na for sale ang kanilang bahay at lupa, marami kaagad ang nagkainteres na bilhin ang nasabing property. Lalong 'di siya makapaniwala ng makita nito ang isang interesadong buyer na handang magbayad ng halagang sampung milyon, para lang sa dalawang palapag nilang bahay. Ganunman ay sinunggaban ni Hansel ang buyer na may pinakamalaking halaga ibabayad para sa kanilang property, dahil kakailanganin niya ang mas malaking pera para sa wala parin niyang malay na ate.

'Salamat kung sino ka man na buyer ka at sana bago maubos ang perang 'yon ay magising na si ate.' saad sa isip ni Hansel.

...

Pauwi na ngayon si Sebastian sa bahay ng mga Manalo, na galing sa pag-aasikaso sa kanilang negosyo. Minabuting tapusin na ng Komandante ang mga kailangan nitong gawin, dahil may pupuntahan sila ni Richard sa natitirang dalawang araw bago ang kanilang misyon.

...

Matapos ang pag-uusap nila ni Sebastian, hinihintay na lang ni Richard ang pagdating ng Komandante para sa biyahe nila patungo ng Baguio.

"Bunso pasalubong ko ha, kahit Strawberry Jam lang." paalala ni Erick.

"Sige kuya." sagot ni Richard.