Fallen For You (Completed)

Chapter 5 Dela torre

Gabriel's Pov

Pagkatapos kong ihatid si Ella ay umuwi ako ng bahay. Gusto ko munang makapagpahinga bago bumalik sa trabaho.

"Aba mukhang masaya ang kuya namin." sabi ni Seb, ang kapatid kong bunso.

"Kuya nahanap mo na yung babae? Kaya ka ba masaya?" tanong ni Seph ang kapatid ko na sumunod sa akin.

"Siguro nga noh. Kelan ba namin siya makikilala?" tanong naman ni Migs ang pangatlo saming magkakapatid.

Napangiti naman ako sa kanila. Alam nilang lahat ang nangyayari sa akin. Lalo na ng una kong makita si Ella. Nung araw na yun, nag away kami ng lolo ko kasi gusto nyang balikan ko ang babaeng ipinagkakasundo nya sa akin. Dahil lang sa negosyo at nagkakaganyan siya na kailangan kong magpakasal sa babaeng hindi ko naman gusto. Mabuti na lang at very supportive ng pamilya ko. Hindi nila hinayaang mangyari ang gusto ni lolo. Matagal nang hindi nakikialam si Papa sa mga negosyo ni lolo at pinalaki nya kami sa sarili nyang pagsisikap.

Si Don Emilio dela Torre ang aking ama. Marami siyang negosyo at isa na dun ay ang ospital kung saan ako nagtatrabaho. Ipinamana nya sa akin ang ospital na ito. Lahat kaming magkakapatid ay may kanikaniyang minanang negosyong. Gusto kasi ni Papa na magsaya naman daw sila ni Mama. Tutal malalaki na kami kaya okay lang sa amin.

Si Leticia dela Torre naman ay ang aking ina. Isa siyang maybahay dahil ayaw siyang payagang magtrabaho ni Papa. Itinuring naming lahat na reyna si Mama dahil yun ang sinabi ni Papa. Apat kaming magkakapatid at ako ang panganay. Sumunod sakin si Joseph o Seph, pangatlo si Miguel o Migs kung tawagin namin at ang bunso ay si Sebastian o Seb.

Pinagpala ako dahil mabubuti ang aking pamilya lalo na ang aking mga magulang. Kaya naman sobrang close kami ng mga kapatid ko. Malayo kami sa pagiging perpektong mga anak pero ang laging turo sa amin ng aming mga magulang ay ang magtulungan at magmahalan kaming magkakapatid.

"Siya nga naman anak, mag asawa ka na para naman magkaapo na kami. Gusto ko uling may inaalagaang bata dito sa bahay." sabi ni Mama. Habang naghahain ng aming hapunan.

"Huwag kayong mag alala Mama, ipapakilala ko siya sa inyo kapag naging maayos na ang lahat. Medyo nililigawan ko pa po eh." sabi ko.

"Hala kuya, kelan ka pa natutong manligaw? Di ba ikaw ang nililigawan?" sabi ni Migs.

"Anak gusto mo ba ng payo tungkol diyan. Sasabihin ko sayo kung paano ko niligawan ang Mama nyo." sabi ni Papa. Hinampas ni Mama si Papa sa braso.

"Ikaw talaga, nakakahiya sa mga anak mo. Pero Gab, bilis bilisan mo ha kasi sabik na akong magkaapo pati na magkaroon ng anak na babae." sabi ni Mama.

"Yes Ma!" sagot ko sa kanya.

"O siya magsikain na kayo at nang makapagpahinga na kayo agad." sabi ni Papa.

Nagpatuloy kami sa pag uusap tungkol sa mga negosyo habang kumakain kami. Yan ang gusto ng mga magulang namin ang sabay sabay kumain kahit kumain ka na sa labas o hindi ka gutom ay gusto nila na makasama kami. Pagkatapos naming kumain ay nagpaalam muna ako sa kanila na magpapahinga ako. Sa sobrang pagod ko ay nakalimutan kong itext si Ella. Hindi ko namalayan na nakatulog na ako.

Maaga akong gumising at maagang pumasok sa trabaho. Isa akong neurosurgeon pero madalas sa pamamahala ako ng ospital tumututok. Kaagad kong tinext si Ella pero wala akong natanggap na reply. Inisip ko na baka busy lang. Mamaya na lang ako magtetext ulit pagkatapos ng operasyon na gagawin ko.

Ilang beses ko na tinetext si Ella ngaung araw pero wala pa din akong reply. Kaya naman naisipan ko itong tawagan na lang. Ngunit nakapatay ata ang cellphone nito. Pagkatapos ng trabaho ko ay dumiretso ako sa bahay nila Ella ngunit wala namang tao. Nag antay ako ng 3 oras pero wala pa ding dumarating.